Monday, July 2, 2018

ጊዜ ጠባቂ ቦንብ


አንድን ሕዝብ ወይም ማኅበረሰብ በተመለከተ በማወቅም ሆነ ባለማወቅ የሚደረጉ አሉታዊ የገጽታ ግንባታዎች ውጤታቸው ከሚታሰበውም የከፋ ነው፡፡ በዓለም ላይ አደጋ ላይ የወደቁ ማኅበረሰቦችን ታሪክ ስንመለከት ከሁለት ወገን የመጡ አካላት የቆሰቆሱት እሳት ያስከተለውን ረመጥ እናይባቸዋለን፡፡ አንደኛው እነርሱን ከሚወደው ወገን ሲሆን ሌላኛው ደግሞ ከሚጠላቸው ወገን ነው፡፡
የተጠቂው ወገን ነኝ የሚለው አካል ያልተሰጠውን ውክልና እየወሰደ የሚፈጽማቸው ተግባራትና የሚያቀርባቸው ሐሳቦች በተቃራኒ ሆነው ነገሩን ለሚቆሰቁሱት ቢላዋ ያቀብላል፡፡ በጣት የሚቆጠሩ ልዩ ተጠቃሚዎች ሚሊዮኖችን ወክለው ለመታየት ይጥራሉ፡፡ እፍኝ የማይሞሉ አቀንቃኞች የማኅበረሰቡ አፈ ጉባኤ አድርገው ራሳቸውን እየሾሙ የሚናገሯቸው ንግግሮች የዚያ ማኅበረሰብ አቋም መስለው እንዲታዩ ይተጋሉ፡፡
በአንድ ማኅበረሰብ ስም ጥቅም የሚያገኙ አካላት በየዘመናቱ ይፈጠራሉ፡፡ በክርስትናና በእስልምና ስም በተፈጸሙ ወረራዎች፣ ዝርፊያዎች፣ ቅኝ ግዛቶች፣ ጦርነቶችና ጭቆናዎች ተጠቃሚዎቹ አማንያኑ አይደሉም፡፡ ተጠቃሚዎቹ በእምነቱና በአማንያኑ ስም የሚነግዱት አካላት ናቸው፡፡ እነዚህ አካላት እምነቱንም ሆነ አማንያኑን የሚፈልጓቸው ለሁለት ነገር ነው፡፡ ለምክንያትነትና ለከለላነት፡፡ መልከ ጥፉን በስም ይደግፉ እንደሚባለው ግለሰባዊ ስግብግብነትና የሥልጣን ጥመኝነት ላስከተለው ክፉ ተግባር የተቀደሰው ሃይማኖት ምክንያት እንዲሆን ይፈለጋል፡፡ ከዚህ በተጨማሪ ደግሞ ዘራፊዎቹና ገዳዮቹ እንዳይነኩ እምነቱን ለሽፋንነት ይፈልጉታል፡፡ እነርሱን መንካት እምነቱን መንካት ተደርጎ እንዲወሰድ፡፡ በዘር ከለላ ተከልለው የሚበዘብዙና የሚጨቁኑ ሰዎችም ይሄው ነው መንገዳቸው፡፡  

በአንድ ማኅበረሰብ ስም የሚነግዱት አካላት በሌላው ማኅበረሰብ ዘንድ የሚፈጥሩት የተበላሸ ሥዕልም አለ፡፡ የእነርሱ መጠቀምና ክብር፣ ሥልጣን ማግኘትና መግዛት የማኅበረሰቡ ተደርጎ እንዲወሰድ ያደርጉታል፡፡ በተለይ ደግሞ ግልጽነትና ጠያቂነት ባልዳበረበት ማኅበረሰብ ውስጥ እገሌ እና እገሊት፣ ይሄና ያ፣ እንዲህና እንዲያ ሁሉንም የሚገልጡ ማሳያዎች ተደርገው ይወሰዳሉ፡፡ ይህ ደግሞ ለጅምላ ፍረጃ ያጋልጣል፡፡ አበበ ተጠቀመ ማለት አበበ የተገኘበት ማኅበረሰብም ተጠቀመ ማለት ነው ተብሎ ይወሰዳል፡፡ አበበም እንደዚያ እንዲሆንለት ይፈልጋል፡፡
 ከዚህ ባሻገር ደግሞ ዐውቀውና ሳያውቁት ሌላውን ማኅበረሰብ የማጥላላት፣ የማናናቅና የመፈረጅ ዘመቻ የሚያደርጉም አሉ፡፡ አንዳንዶቹ ግለሰብን ከማኅበረሰብ መለየት ያቃታቸው ናቸው፡፡ አንድ በሬ ከወጋቸው በሬዎችን ሁሉ የሚጠሉና ሊያርዱ የሚነሡ ናቸው፡፡ ለዚህ ጥሩ ምሳሌ ሆኖ ምንጊዜም የሚጠቀሰው በአይሁድ ማኅበረሰብ ላይ የደረሰው ነው፡፡ ምንም እንኳን ክርስቶስን የተቃወሙት፣ ያስፈረዱበትና የሰቀሉት ከአይሁድ ወገን የተገኙ ባለ ሥልጣናትና ጥቅመኞች ቢሆኑም፣ የመጀመሪያዎቹ ሐዋርያትና ክርስቲያኖችም ከአይሁድ ወገን የተገኙ ነበሩ፡፡ በተደጋጋሚ በየዘመናቱ የተገለጠው ግን ስለ ሰቃዮቹ አይሁድ እንጂ ስለ ክርስቲያኖቹ አይሁድ አልነበረም፡፡ በጅምላ ‹አይሁድ ይህንን አደረጉ› እየተባለ የተነገረው ነገር ከ40 ሚሊዮን በላይ አይሁድ ያለቁበትን ጥፋት በየዘመናቱ አምጥቷል፡፡
በዘመነ ክርስቶስ ከአንድ ሚሊዮን በላይ አይሁድ እንደነበሩ ዮሴፍ ወልደ ኮርዮን ይናገራል፡፡ ከእነዚህ መካከል ግን በክርስቶስ መከራና ሞት የተሳተፉት ከአምስት ሺ አይበልጡም፡፡ መከራው ግን ለሁሉም ተረፈ፡፡
በየማኅበራዊ ሚዲያው፣ በየቀልዶቻችንና በየዘፈኖቻችን የምናስተላልፈው አንድን ወገን የማስጠላትና የማክፋፋት ዘመቻ ማጣፊያው የሚያጥር ነው፡፡ በልጆቻችን አእምሮ ውስጥ የሚቀመጡት እነርሱ ናቸው፡፡ ልጆቻችን ስለዚያኛው ማኅበረሰብ የሚኖራቸውን አመለካከት የሚቀርጹት በነዚህ ጽሑፎች፣ ቀልዶችና ዘፈኖች ነው፡፡ በሀገራችን አንድን ማኅበረሰብ የሚያጥላሉ ዘፈኖች ቦታ እንዲያገኙ ተደርገዋል፡፡፡ አንድን ማኅበረሰብ ለይተው የሚያጠቁ የፕሮፓጋንዳ ቃላት ተፈጥረዋል፤ አንድን ማኅበረሰብ ለይተው የሚያሸማቅቁ መግለጫዎች በባለሥልጣናት ደረጃ ተሰጥተዋል፡፡ እነዚህ ሁሉ ከሌሎቹ ጋር እየተደመሩ የተጠቂነት ስሜት የሚሰማው፣ራሱን ወደመከላከል የሚገባ፣ሕልውናው አደጋ ላይ መድረሱን ያመነ ማኅበረሰብ ፈጥረዋል፡፡ እንዲህ ያለው ማኅበረሰብ ሲፈጠር ደግሞ ከድልድይ ይልቅ ግንብ እየገነባ ከሌላው ጋር መራራቅንና መከለልን ይመርጣል፡፡
በአውሮፓ ከ16ኛው መክዘ በኋላ ለተስፋፋው የፀረ ሴማዊነት ስሜት የታላቁ ጸሐፌ ተውኔት የሼክስፒር ‹የቬነሱ ነጋዴ› ቴአትር አስተዋጽዖ ማድረጉ ይነገራል፡፡ የቬነሱ ነጋዴ ዋና ገጸ ባሕርይ ሻይሎክ የተባለ ገብጋባ ይሁዲ ነው፡፡ ሻይሎክ የዕብራይስጥ ስም አይደለም፡፡ ነገር ግን ‹ሳላን› ከተሰኘውና የሴም የልጅ ልጅ፣ የዔቦር አባት ከሆነው ሰው ስም የተቀዳ መሆኑ ይታመናል፡፡ የሻይሎክ ገብጋባነትና ጭካኔ ለከት የለውም፡፡ ከእርሱ ገንዘብ የተበደረው ክርስቲያኑ አንቶኒዮ መክፈል ቢያቅተው መያዣው ከአንቶኒዮ ሰውነት የሚቆረጥ አንድ ሙዳ ሥጋ ነው፡፡ አንቶኒዮ ብድሩን መክፈል አቃተው፡፡ ሻይሎክም ሙዳ ሥጋውን ከአንቶኒዮ ሰውነት ቆርጦ ለመውሰድ ተነሣ፡፡
ሼክስፒር ይህንን ድራማ የጻፈበት የኤልሳቤጥ ዘመን(Elizabethan Era – 1558-1605) የሚባለው ጊዜ እንግሊዞች በፀረ ሴማዊነት የተለከፉበት ዘመን ነበር፡፡ ከ1290 ጀምረው ከእንግሊዝ የተባረሩት አይሁድ ወደ እንግሊዝ ለመግባት አይፈቀድላቸውም ነበር፡፡ የድራማው መቼት በሆነው ቬነስ ደግሞ አይሁድ ይጠላሉ፤ ለጥቃት የሚያጋልጥ የተለየ የመለያ ልብስ እንዲለብሱ ይገደዳሉ፡፡ በሼክስፒር ዘመን የነበሩ ድርሰቶች፣ ቀልዶች፣ ሥዕሎችና ድራማዎች አይሁድን ገብጋቦች፣ ክፉዎችና አጭበርባሪዎች አድርገው የሚስሉ ነበሩ፡፡ የሼክስፒርን ድርሰቶች ያጠኑ ሊቃውንትም ‹የቬነሱ ነጋዴ› ቴአትር ‹የቬነሱ ይሁዲ› እየተባለ ይጠራ እንደነበር ይገልጣሉ፡፡ ይህም ክሪስቶፈር ማርሎዊ ከደረሰው ‹የማልታው ይሁዲ› ቴአትር ጋር ያመሳስለዋል፡፡ በ‹የማልታው ይሁዲ› ቴአትር ውስጥ የሚገኘው ይሁዲው ባራባስ እንደ ሻይሎክ ክፉ ነው፡፡ የቬነሱ ነጋዴ የሚያልቀው ሻይሎክ ወደ ክርስትና ሲመለስ ነው፡፡
ይህ በሼክስፒር ድርስት ውስጥ የተሳለው ይሁዲ ገጸ ባሕርይ አይሁድ ቀድሞ ከተሳሉበት ገጽታ ጋር ተደምሮ በማኅበረሰቡ ዘንድ የሚታዩበትን መነጽር አበላሸው፡፡ ስለ እነርሱ ክፉ መናገር፣ መጻፍና መቀለድ የተፈቀደ መሰለ፡፡ ለእነርሱ የሚከራከርም ጠፋ፡፡ በኋላ ዘመን በአይሁድ ላይ የተፈጸሙ ጥፋቶችን ያመጡት እነዚህን የመሰሉ ድርሰቶች፣ ቀልዶችና ዘፈኖች ነበሩ፡፡ 
ዛሬም እኛ ኢትዮጵያውያን ከሁለቱም ወገን ልንርቅ ይገባናል፡፡ የሌላችሁን የማኅበረሰብ ውክልና ለሥልጣናችሁ፣ ጥቅማችሁና ለክብራችሁ ስትሉ የምታቀነቅኑ ተቆጠቡ፡፡ ማንም አልወከላችሁም፡፡ የሰነዶች ምዝገባና ማረጋገጫ ጽ/ቤትም ይህንን አያረጋግጥላችሁም፡፡ ሕዝቡ ያላለውን በሕዝብ ስም አትናገሩ፡፡ እናንተ ስትጠግቡ ሕዝቡ እንደጠገበ አታስመስሉት፤ እናንተ ሲያማችሁም ሕዝቡ እንደታመመ አታስቃስቱት፡፡ እናንተ ስትራቡ ሕዝብ የተራበ አድርጋችሁ አትሳሉት፤ ዕዳችሁን ብቻችሁን ውሰዱ፡፡
በሌላ በኩል ደግሞ ስለ አንድ ሕዝብ በጅምላ የሚነገሩ የጥላቻ ንግግሮች፣ ቀልዶች፣ ጽሑፎች፣ ዘፈኖች፣ ግለሰቦችን ጠቅመው ሕዝብን ይጎዳሉ፡፡ ይበልጥ ደግሞ በልጆቻችን አእምሮ ውስጥ ተቀርጸው እንደ ጊዜ ጠባቂ ቦንብ ይቀመጣሉ፡፡ ለሕዝብ ሲባል ግለሰቦችን መተው እንጂ ለግለሰቦች ሲባል ሕዝብን ማጥፋት ሕጋዊም ሞራላዊም አይደለም፡፡  

37 comments:

  1. As A Man ThinkethJuly 2, 2018 at 3:13 PM

    "ለሕዝብ ሲባል ግለሰቦችን መተው እንጂ ለግለሰቦች ሲባል ሕዝብን ማጥፋት ሕጋዊም ሞራላዊም አይደለም፡፡"

    ReplyDelete
  2. ለሕዝብ ሲባል ግለሰቦችን መተው እንጂ ለግለሰቦች ሲባል ሕዝብን ማጥፋት ሕጋዊም ሞራላዊም አይደለም፡፡

    ReplyDelete
    Replies
    1. lhizeb sebale glasabochen mtew eng lglasabch sebale hezben matfat hegawe maralem aydela!!!

      Delete
  3. ጤና ይስጥልኝ ዲያቆን ዳንኤል ስለ በጎ ሰዉ ሽልማት አንዳንድ እየወጡ ስላሉ መረጃዎች ለመጠየቅ ነበረ፡፡ በተለይ ከጋዜጠኝነት ምርጫ ጋር በቃሉ አላምረዉ የተባለ ይዘጋል የተባለዉ የENN ጋዜጠኛ ተመርጫለሁ እያለ እያስወራ ነዉ በፌስቡክ ገጹም ላንተ ምስጋና አቅርቧልና እዉነት የሽልማት ድርጅቱ በዚህ ደረጃ ወርዶ ገና ሁለትና ሶስት አመት እንኳን ያላገለገሉ ምንም አይነት ማህበረሰባዊ ጠቀሜታ ያላበረከቱ በተለይም በአዕምሮም በልምድም ያልበሰሉ እንደበቃሉ አይነቶችን እንጭጭና ግልብ ግለሰቦችን ወደ መምረጥ ደረጃ ወርዶ ከሆነ ጥያቄ ያስነሳልና ግልጽ ብታደርገዉ፡፡

    ReplyDelete
  4. astesasebh betam nw emimechegn. ketlbet berta.

    ReplyDelete
  5. እንደዚህ አይነት ሃሳብ ያለው ሠው ትልቅ የሞራል እና ስነምግባር የጎደለው አካል ነው ዳግም ሊደግም አይገባም፡፡

    ReplyDelete
  6. what nice perspective Dear and Beloved this the only way for us to overcome current crisis may God Bless you!!!!

    ReplyDelete
  7. እውነት ብለሃል መምህር፤ ግለሰብ እና ህዝብን መለየት ተገቢ ነው!!!



    ReplyDelete
  8. "እናንተ ስትጠግቡ ሕዝቡ እንደጠገበ አታስመስሉት፤ እናንተ ሲያማችሁም ሕዝቡ እንደታመመ አታስቃስቱት፡፡ እናንተ ስትራቡ ሕዝብ የተራበ አድርጋችሁ አትሳሉት፤ ዕዳችሁን ብቻችሁን ውሰዱ" Daniel Kibret . Thank you very much for your incredible Post .I hope you Impacted millions of people in Ethiopia.

    ReplyDelete
  9. If I were an able man to express my feeling I would have wrote it like this!

    Many thanks Dn Daniel

    ReplyDelete
  10. የተለያዩ የማናዉቃቸዉ የማያዉቁን ሰዎችን ፤ የእግር ኳስ ክለቦችን እየደገፍን በሌሎች መሸነፍና ማዘን እና መበሳጨት እየተደሰትን እየተዝናናን እየተማርን አደግን የተማርነዉን በምናዉቃቸዉ ሰዎች ላይ ብንተገብር ምኑ ላይ ነዉ ጥፋታችን? ያልለመድነዉን በአንዴ ተዉ የምትለን?

    ReplyDelete
  11. የተለያዩ የማናዉቃቸዉ የማያዉቁን ሰዎችን ፤ የእግር ኳስ ክለቦችን እየደገፍን በሌሎች መሸነፍና ማዘን እና መበሳጨት እየተደሰትን እየተዝናናን እየተማርን አደግን የተማርነዉን በምናዉቃቸዉ ሰዎች ላይ ብንተገብር ምኑ ላይ ነዉ ጥፋታችን? ያልለመድነዉን በአንዴ ተዉ የምትለን?

    ReplyDelete
  12. ፈጣሪ ማስተዋልን ይስጠን!! ሕዝብ በሕዝብ ላይ ጥላቻ እንዲያሳድር የሚሰሩ ማስተዋል የተሳናቸውን ወደ ልቦናቸው ይመልስልን!! ሕዝብ ታላቅ ሕዝብ እውነት ፈራጅ፣ ሕዝብ ተጋሽ ነው!! ሁላችንም በመጥፎ ሥራችን የወጣንበትን ማኅበረሰብ እናሰድባለን!! እውነቱ ግን በፅሁፍሕ የቀረበው ነው!! የራሱን አካባቢ፣ ሕዝብ እና ብሔር ሊያስመገን የሚችል መልካም ሥራ ሲሰራ ማመስገን ይገባል፡፡ ነገር ግን በግለሰብ ጥፋት ሕዝብ አጥፊ መደረጉ ተገቢነት የለውም!! ኢትዮጵያውያን በአንድ ቤታችን በፍቅር እንጂ እርስ በርስ በመጠላላት እንዳልመጣን ይህ ዘመን ይናገረዋል፡፡

    ReplyDelete
  13. ሰሚ፡እንጂ፡ምን፡ሰማሁ፡ምንድን፡ነው፡የተረዳሁት፡ ወይም፡የተማርኩት፡ብሎ፡የሚያገናዝብ፡ኢትዮጽያዊ፡ቢፈጠር፡ኖሮ፡ይሄ፡የዳኔሌ፡መልእክት፡ብቻውን፡ኢትዮጽያን፡እንደሙሴ፡ከዚህ፡ማጥ፡ያሻግናራት፡ነበር።

    ReplyDelete
  14. Ohhh this is great. ሰው ማለት ሰው የጠፋለት ሰው የሚሆን ነው፡፡
    ሰው ሰው ነኝ ብሎ ካመነ ደግሞ
    ለሱ እንዲሆንለት የሚፈልገውን ለሌሎችም ያድርግ
    በሱ ላይ እንዲደረግበት የማይፈልገዉን በሌሎች ላይ አያድርግ

    ReplyDelete
  15. i need the PDF of your posts how can i gate ?

    ReplyDelete
  16. አእምሮ ውስጥ ተቀርጸው እንደ ጊዜ ጠባቂ ቦንብ ይቀመጣሉ

    ReplyDelete
  17. ስለ አንድ ሕዝብ በጅምላ የሚነገሩ የጥላቻ ንግግሮች፣ ቀልዶች፣ ጽሑፎች፣ ዘፈኖች፣ ግለሰቦችን ጠቅመው ሕዝብን ይጎዳሉ፡፡ ይበልጥ ደግሞ በልጆቻችን አእምሮ ውስጥ ተቀርጸው እንደ ጊዜ ጠባቂ ቦንብ ይቀመጣሉ፡፡ ለሕዝብ ሲባል ግለሰቦችን መተው እንጂ ለግለሰቦች ሲባል ሕዝብን ማጥፋት ሕጋዊም ሞራላዊም አይደለም፡፡

    ReplyDelete
  18. እናንተ ስትጠግቡ ሕዝቡ እንደጠገበ አታስመስሉት፤ እናንተ ሲያማችሁም ሕዝቡ እንደታመመ አታስቃስቱት፡፡ እናንተ ስትራቡ ሕዝብ የተራበ አድርጋችሁ አትሳሉት፤ ዕዳችሁን ብቻችሁን ውሰዱ፡፡

    ReplyDelete
  19. thank you D. Daniel. the larger population in such contexts, which are used to camouflage the sinister interests of the few, is sadly doubly disadvantaged. first, they did not benefit from a system as much as they are portrayed and secondly, other people (ethnic groups) have developed hatred for them. it is such a bad situation to be in and one has to empathize to really understand their conditions. the feeling of constant fear and vulnerability is unavoidable. and who wants to live like that???

    ReplyDelete
  20. ለሕዝብ ሲባል ግለሰቦችን መተው እንጂ ለግለሰቦች ሲባል ሕዝብን ማጥፋት ሕጋዊም ሞራላዊም አይደለም፡፡

    ReplyDelete
  21. እግዚአብሔር እድሜና ጤና ይስህ ዲያቆን ዳንኤል፡፡

    ReplyDelete
  22. እግዚአብሔር እድሜና ጤና ይስህ ዲያቆን ዳንኤል፡፡

    ReplyDelete
  23. ዳቆን ዳንኤል ክብረት እግዛብሔር ይጠብቅ ሁሌም ነገሮችን አጤነህ በሚገባን መንገድ ነው የምታስተምረን፡፡
    ‹‹ስለ አንድ ሕዝብ በጅምላ የሚነገሩ የጥላቻ ንግግሮች፣ ቀልዶች፣ ጽሑፎች፣ ዘፈኖች፣ ግለሰቦችን ጠቅመው ሕዝብን ይጎዳሉ፡፡ ይበልጥ ደግሞ በልጆቻችን አእምሮ ውስጥ ተቀርጸው እንደ ጊዜ ጠባቂ ቦንብ ይቀመጣሉ፡፡ ለሕዝብ ሲባል ግለሰቦችን መተው እንጂ ለግለሰቦች ሲባል ሕዝብን ማጥፋት ሕጋዊም ሞራላዊም አይደለም፡፡ ››
    ወ/ሮ ተዘራ ደሳለኝ

    ReplyDelete
  24. ዳቆን ዳንኤል ክብረት እግዛብሔር ይጠብቅ ሁሌም ነገሮችን አጤነህ በሚገባን መንገድ ነው የምታስተምረን፡፡
    ‹‹ስለ አንድ ሕዝብ በጅምላ የሚነገሩ የጥላቻ ንግግሮች፣ ቀልዶች፣ ጽሑፎች፣ ዘፈኖች፣ ግለሰቦችን ጠቅመው ሕዝብን ይጎዳሉ፡፡ ይበልጥ ደግሞ በልጆቻችን አእምሮ ውስጥ ተቀርጸው እንደ ጊዜ ጠባቂ ቦንብ ይቀመጣሉ፡፡ ለሕዝብ ሲባል ግለሰቦችን መተው እንጂ ለግለሰቦች ሲባል ሕዝብን ማጥፋት ሕጋዊም ሞራላዊም አይደለም፡፡ ››
    ወ/ሮ ተዘራ ደሳለኝ

    ReplyDelete
  25. እውነት ነው ክርስቶስ እኛን ለማስተማር አይደል የሐዋሪያት እግር ዝቅ ብሎ ያጠበው እኛም ለህዝብ ስንል አንዳንድ ጅቦችን መርሳት አለብን ምክንያቱም ህዝብ ክብር ነውና፡፡

    ReplyDelete
  26. ዲያቆን ዳንኤል ካንተ ብዙ እንማራለን የምትናገረው እጅግ የሚገርም ንግግር ከማር የሚጣፍጥ አንዳች መዓዛ አለው ይህን የተቸርከው ከቸሩ መድሐኒአለም ስለሆነ ባንተ ላይ አምላኬን ድምፅ እሰማለሁ ጌታ እግዚያብሔር ጤናህን ይስጥህ ፤ በርታ እድሜ ማቱሳላን በረከት የአብርሃምን፣ ጨምሮ ጨማምሮ ይስጥህ እኔ በጣም ደካማ ነኝ ትንሽ ፈተና ሲመጣ መቋቋም ያቅተኛል በርግጥ አሁን ያለሁበት ሰዎች የሰሩብኝ ፈተና ለኔና ለቤተሰቤ መበተን ምክንያት ቢሆንም ትዳሬ ከመፍረስ ልጆቼን ከመበታተን እንዲያድነኝ በተሰጠህ ፀጋ በፀሎት አስበኝ በእመቤታችን በቅድስተ ቅዱሳን በንጽሂተ ንፁሃን በድንግል ማሪያም አደራ አደራ እላለሁ፡፡

    ReplyDelete
  27. kalehiwet yasemalin wud memirachin mekariyachin

    ReplyDelete
  28. "ለሕዝብ ሲባል ግለሰቦችን መተው እንጂ ለግሐሰቦች ሲባል ሕዝብን ማጥፋት ሕጋዊም ሞራላዊም አይደለም ::"

    ReplyDelete
  29. ለምጣዱ ሲባል አይጢቱን ተዋት!!!

    ReplyDelete
  30. ክብር ላንተ ይሁን እንደምን ውለህ አደርክ መቼም ገና ሳታውቀኝ አትበለኝ እና እኔ የ4 ልጆች እናት እንዲሁም አራት ልጆች ምንም እንኳን የባለቤቴ እና የኔ የስጋ ዘመድ ቢሆኑም ቤተሰባቸው ከኔ አቅም እጅግ ያነሰ እና በተለይ አባት የሞተባቸውን ልጆች አስተምሬ ሁለቱን እያስተማርኩ አንዱን ከአዳማ ዩኒቨርሲቲ ዘንድሮ ከአንድ ወር በፊት ያስመረቅሁ የአንድ የመንግስት ሰራተኛ ነኝ ይህን ያክል እራሴን ካስተዋወቅሁ በኋላ በእኔ ላይ ወረዳ እና ክ/ከተማ ያደረሱብኝን በደል ልገልጽልህ ምን እንደማደርግ እንድትመክረኝ ወይም ከተቻለ ወደ መፍትሄ የምሄድበትን እንድትጠቁመኝ ትዳሬም ከሚፈታ ልጆቼን እና እነዚህን ለቁም ነገር አበቃለሁ ብሎ ያስጠጋኋቸውን ልጆች ከምበትን በሃያሉ እግዚያብሔር ስም በእመቤታችን በቅድስተ ቅዱሳን ስም እማፀንሃለሁ ስልክ 0911784160 ወ/ሮ ፋንታዬ አዘነ እባላለሁ፡፡

    ReplyDelete
  31. this is the only solution to overcome our country current situation by forgiving individuals for the society.

    ReplyDelete