Monday, November 13, 2017

መከላከያን - ከመንደር ወደ ድንበር


ከላስ ቬጋስ ወደ ቴክሳስ ሳን አንቶኒዮ ልበርር ነው፡፡ ላስቬጋስ አውሮፕላን ጣቢያ ወደ አውሮፕላኑ መግቢያ በር አካባቢ ቁጭ ብያለሁ፡፡ የመሣፈሪያ ሰዓታችን እየደረሰ ነው፡፡ በመካከል የአየር መንገዱ ሠራተኛ ‹ይህንን ሳበሥራችሁ ደስታ ይሰማኛል› የሚል ነገር በማይክራፎኑ ተናገረች፡፡ ቀጠለችና ‹ዩኒፎርም የለበሱ የሠራዊቱ አባላት በመካከላችን ናቸው› ስትል እየተፍነከነከች ተናገረች፡፡ ሰው ሁሉ ከመቀመጫው ተነሥቶ አጨበጨበ፡፡ ጭብጨባው ለሁለት ደቂቃ ያህል ዘለቀ፡፡ ወታደሮቹ ወደ በሩ ተጠጉ፡፡ ሰባት ናቸው፡፡ ‹በክብር ወደ አውሮፕላኑ እንሸኛቸው› አለች ሴትዮዋ፡፡ ሁላችንም ቆመን እያጨበጨብን እነርሱ ወደ ውስጥ ገቡ፡፡ የቢዝነስ ክፍል፣ የአልማዝና የወርቅ ደንበኞች አልቀደሟቸውም፡፡ ከአውሮፕላኑ ስንወርድም ሁላችንም ባለንበት ተቀምጠን እያጨበጨብን እነርሱ ቀድመው ወጡ፡፡ ይህንን ሕዝባዊ ከበሬታ ስመለከት ዛሬ በግጭቶች መካከል የተሠማራውን የሀገሬን ሠራዊት አሰብኩት፡፡
በሀገራችን እየተፈጠረ በሚገኘው ሀገራዊ ግጭት የተነሣ የመከላከያ ሠራዊት አባላትን በየመንደራችን ማየት የተለመደ እየሆነ ነው፡፡ በተለመደው አሠራር የሲቪልና የፖሊስ ኃይሎች ሊሠሩት የሚገባውን ሁሉ የመከላከያ ሠራዊት አባላት ሲያከናውኑት መመልከትም እንግድነቱ አብቅቷል፡፡
ይህ ጉዳይ ግን መከላከያውንም ሕዝቡንም የሚጎዳ ነው፡፡ 

መከላከያውን በሀገራዊ ግጭቶች መካከል አብዝቶ እንዲነከር ማድረግ አምስት ጉዳቶችን ያመጣል፡፡ የመጀመሪያው ሞራላዊ ጣጣ ነው፡፡ የተለያዩ ኃይሎች የሚያነሡትን ጥያቄ መመለስ ያለባቸው ለዚሁ የተመረጡትና የተሾሙት አካላት ናቸው፡፡ የተነሡት ጥያቄዎች ትክክልም ሆኑ አልሆኑ ነገሩ ሕዝባዊ መልክ ሲይዝ መከላከያው ለማን እየታገልኩ ነው? የሚል የሞራል ጥያቄ ውስጥ እንዲገባ ያደርገዋል፡፡ ምንም እንኳን ለሕገ መንግሥቱ የመቆም ዓላማና ግዴታ ቢኖርበትም እርሱም የሕዝቡ አካል ነውና የሕዝቡን የመልካም አስተዳደር፣ የዴሞክራሲ፣ የኢኮኖሚና የፖለቲካ ጥያቄዎች ይሰማል፣ ይከታተላል፣ ይካፈላልም፡፡ ዱላውና መሣሪያውም የሚዞረው በሕዝቡ ላይ ነው፡፡ በግርግሮች መካከል በሚፈጠሩ ግጭቶች ሕጻናት፣ ወጣቶች፣ አዛውንት ይገደላሉ፡፡ የሚሞተው የጣልያን ወይም የደርቡሽ፣ የእንግሊዝ ወይም የዚያድባሬ ጦር አይደለም፡፡ የሀገሬው ሰው ነው፡፡ ይህ ሁኔታ ነው በመከላከያ ሠራዊት ውስጥ የሞራል ጥያቄን የሚያጭረው፡፡
ገድሎ ይፎክራል ወይ? የድል ስሜት ይሰማዋል ወይ? ሕዝቡ ጉሮ ወሸባዬ ይዘፍንለታል ወይ? ነገ እንደ ጀብዱ ይተረከዋል ወይ? ድንበር እንደጠበቀ ሀገር እንዳስከበረ ሆኖ ይሰማዋል ወይ? ይህ ነው ጥያቄው፡፡
ሁለተኛው ደግሞ የብሔር ተጽዕኖ ውስጥ የመውደቅ ጣጣ ነው፡፡ ሀገሪቱ በብሔር ክልሎቿን ባዋቀረችበት፣ ብሔርተኝነት ጫፍ በደረሰበት በዚህ ዘመን ለክልሉና ለብሔሩ የማይቆረቆር የመከላከያ አባል ማግኘት አዳጋች ነው፡፡ የሚሰጠው ሥልጠና ይህንን እንዲከላከል ቢመክረው እንኳን የሚስበው አየር ግን እንዲህ እንዲሆን ያስገድደዋል፡፡ አንደኛውን ብሔር እንወክላለን የሚሉ አካላት በሌላኛው ብሔር ላይ የሚያከናውኑትን ነገር ለመግታት በየመንደሩ ሲገባ ሁለት ዕጣ ፈንታ ይገጥመዋል፡፡ በአንድ በኩል እርሱ ግፍ እንዳይደርስባቸው የሚከላከልላቸው አካላት ወገን ተደርጎ የመታየትና ለፕሮፓጋንዳው የመመቻቸት፣ በሌላ በኩል ደግሞ ብሔሩን እንደከዳና በራሱ ብሔር ላይ መሣሪያ እንዳነሣ ተደርጎ የመታየት ዕጣ፡፡  በአሁኑ ጊዜ ብሔር የኢትዮጵያውያን የመጨረሻው ምሽግ እየሆነ ነው፡፡ ‹ኢትዮጵያዊ በሰላምና በነጻነት የሚኖረው ከብሔሩ ጋር በወገኖቹ ምድር ሲኖር ነው› የሚለው ሐሳብ ጉልበት እየገዛ ነው፡፡ ይህ ደግሞ እንደ ሰውና እንደዜጋ የመከላከያ ሠራዊቱን አባላትም ይመለከታል፡፡ እነርሱም ከራሳቸው ወገን ጋር እንደተጣሉ አድርገው ካሰቡ፣ ምሽጋቸውን እንዳጡ አድርገው ሊገምቱ ይችላሉ፡፡ የነገ ዕጣ ፈንታቸውም ያሳስባቸዋል፡፡  
ሦስተኛው ደግሞ የመከበር፣ የመታፈርና የመፈራትን ሞገስ ማጣት ነው፡፡ ወታደራዊ ሥነ ሥርዓት፣ ወታደራዊ ሰልፎች፣ አለባበሶች፣ አደረጃጀቶች፣ ማዕረጎችና ከበሬታዎች ለመከላከያው ከሚሰጡት ወታደራዊ ጥቅሞች ባሻገር በማኅበረሰቡ ዘንድ መከበር፣ መታፈርና መፈራትንም ያመጣሉ፡፡ በራችንን ጠዋት በከፈትን ቁጥር የመከላከያውን አባል ድንጋይ ላይ ቁጭ ብሎ ካገኘነው፣ በየማኅበራዊ ሚዲያው በገዛ ወገኑ ላይ ፈጸመ የሚባለውንና እርሱም በወገኑ የሚፈጸምበትን ነገር ስናየው፣ በየሠፈሩ ቡና ላይ የሚወራው ስለመከላከያ ሠራዊቱ ገድል፣ ጀብዱ፣ የድል ታሪክና የጦር ሜዳ ውሎ መሆኑ ቀርቶ የእርስ በርስ ግጭቶቹ ታሪክና ውጤት ሲሆን መከበር፣ መታፈርና መፈራት ደብዛቸው ይጠፋል፡፡
ወታደራዊ ሂደት ከሲቪል የሚለይ የራሱ መንገዶች አሉት፡፡ በየመንደሩ ወታደሩን ስናስገባው በሲቪላዊ ተግባራት ልምድ እጥረትና በአስተዳደራዊ ዕውቀት ማነስ የተነሣ የሚፈጠሩ ስሕተቶች ይኖራሉ፡፡ የተለመዱት መዋቅራዊና ቢሮክራሲያዊ አካሄዶች ሳይጠበቁ ርምጃዎችና ውሳኔዎች ሲሰጡ በሕዝብ ዘንድ ቅሬታዎች ይፈጠራሉ፤ ቅሬታዎቹ ደግሞ በሕዝቡ ላይ ብቻ ሳይሆን በሲቪል መዋቅሩ ውስጥ በሚገኙትም አካላት ላይ ይንጸባረቃሉ፡፡ ይህ ደግሞ የሕዝቡንና የሠራዊቱን ግንኙነት በቅሬታ የተሞላ ያደርገዋል፡፡  
ከበሬታንና መፈራትን ከሚያመጡት ነገሮች አንደኛው ተገቢውን ርቀት መጠበቅ ነው፡፡ በሕዝቡና በመከላከያው መካከል ያለው ተገቢ ርቀት እየተሸረሸረ መጥቶ መንደርተኛ ወደመሆን ሲመጣ በኢትዮጵያውያን ውስጥ ለዘመናት የተገነባው ውትድርናንና ወታደርን ከፍ አድርጎ የማየቱ ሥነ ልቡና ይከሥራል፡፡ ትርክቱ ሲቀየር ሥዕሉም ይለወጣል፡፡ በተረቶቻችን፣ በአፈ ታሪኮቻችን፣ በአባባሎቻችንና በዘፈኖቻችን ውስጥ የነበረው ቦታ በሌላ እየተቀየረ ሲመጣ የሕዝቡም ኅሊናዊ ሥዕል እየተቀየረ ይመጣል፡፡
ይህ ደግሞ አራተኛውን ኪሣራ ያስከትላል፡፡ ትውልዱ ወደ መከላከያ ሠራዊቱ የመግባቱን ፍላጎት ይቀንሰዋል፡፡ ወላጆቹና ሠፈሩ፣ አካባቢውና ብሔሩ አያበረታታውም፡፡ በዘፈንም በተረትም የሚሰማው ልቡን አያሞቀውም፡፡ ጓደኞቹና ወዳጆቹ ውሳኔውን አያደንቁለትም፤ ይህ ደግሞ በዞረ ድምሩ የሚጎዳው ሀገሪቱን ነው፡፡ በሀገሪቱ ላይ ጫና ለመፍጠርና ዐቅሟን ለማዳከም ለሚፈልጉ ኃይሎች የፕሮፓጋንዳ ክፍተት ይሰጣል፡፡ ሀገሪቱ ለሚደርስባት የውጭ ወረራ ‹ሆ› ብሎ የሚነሣ ደጀን ሕዝብ ያሳጣል፡፡
የመከላከያ ሠራዊቱ ይህንን በመሰለው ሀገራዊ ኪሣራ ውስጥ ዋጋ ሲከፍል ለሲቪሉ መንግሥት አካሄድም አመቺ ሁኔታ አይፈጥርም፡፡ አምስተኛው ጣጣም ይህ ነው፡፡ ሀገሪቱ በመከላከያው ጫንቃ ላይ ትወድቃለች፡፡ መከላከያውም ይህንን ሥርዓት የታደገ፣ ከሁሉም በላይ ዋጋ የከፈለ፣ ሌሎቹ የለኮሱትን እሳት ለማጥፋት የደከመ፣ ሌሎቹ የሸሹትን ዕዳ የተቀበለ ሆኖ ይሰማዋል፡፡ ይህ ደግሞ በግጭቶቹ ጊዜ የተፈጠሩ ስሕተቶችን ለማጣራት፣ ለተፈጸሙ ስሕተቶችም እርማት ለመስጠት አዳጋች ያደርገዋል፡፡ አሠራሩና ሂደቱ ሳይሆን ውለታውና ዋጋው ከፍ ብሎ ስለሚታይ፡፡ ይህ ውለታና ዋጋ በዛሬ ብቻ ሳይሆን በነገው የመንግሥትና የመከላከያ ግንኙነቶች ላይም ተጽዕኖውን ያሳርፋል፡፡    
ምንም እንኳን የመከላከያ ሠራዊቱ ሀገሪቱ ችግር ውስጥ ስትገባ ዝም ብሎ መመልከት ባይሆንለት፣ የተሻለ ዐቅም፣ አደረጃጀትና የውሳኔ አተገባበር መዋቅር ስላለው ችግሮችን በአፋጣኝ ለመፍታት ያስችላል ተብሎ ቢታሰብ፣ ይህንን መሰሉን አስተዋጽዖ እንዲያበረክት ሕጉ ቢፈቅድለትና ቢያዘውም፤ አብዝቶ በግጭቶች ውስጥ ሲነከር ግን ከጊዜያዊ ጥቅሙ ይልቅ ዘለቄታዊ ጉዳቱ ያመዝናል፡፡ ጉዳቱ ደግሞ ሦስት መልክ ያለው ነው፡፡ ሕዝባዊ፣ ወታደራዊና መንግሥታዊ፡፡ የተሻለው መንገድ ለችግሮቹ ባሕላዊ፣ ፖለቲካዊ፣ ሕዝባዊና አስተዳደራዊ መፍትሔዎችን በአፋጣኝ መስጠት፤ ግጭቶችን ከማብረድ ይልቅ ውኃን ከጥሩ፣ ነገሩን ከሥሩ አይቶ መነሻ ችግሩን መፍታት፤ ከዕለት ይልቅ ለዓመት፣ ከአሁን ይልቅ ለወደፊት፣ ከግል ይልቅ ለሕዝብ፣ ከቡድን ይልቅ ለሀገር አስቦ፤ የሚመረውን ኮሶ ውጦ መፍትሔውን ማሻር ነው፡፡ መከላከያውንም ከመንደር ወደ ድንበር መመለስ፡፡ የሚፈራ፣ የሚከበርና የሚታፈር መከላከያ እንዲኖረን - መከላከያችን ከመንደር ወደ ድንበር ይመለስ፡፡    

14 comments:

  1. ገድሎ ይፎክራል ወይ? የድል ስሜት ይሰማዋል ወይ? ሕዝቡ ጉሮ ወሸባዬ ይዘፍንለታል ወይ? ነገ እንደ ጀብዱ ይተረከዋል ወይ? ድንበር እንደጠበቀ ሀገር እንዳስከበረ ሆኖ ይሰማዋል ወይ? ይህ ነው ጥያቄው፡፡Ejig betam tilik ye moral tiyake new le wetaderu bicha sayihon lemiyazuna lemiyasazizu bergit ke hilinachew gar eyetagelu hizbawi aderachewn yemiwetu ye serawit akalatim alu be atekalay Daniye yihe melikit be ketitam hone betezewawari yemimeleketachew sewoch lib yibelu enameseginalen D/n Daniel.

    ReplyDelete
  2. Dn DANI DRO Tizi Yilengal Begna Sefer Siyalifu Egna Bechibcheba Enesu Degimo Bebiskut Selamta Telewawuten Wede Tigil Sihedu !! Yezarewoch Ema Yeteregemu Ayidelu !!!

    ReplyDelete
  3. Weregna neh dani...... kalawerah yemiyameh ayinet sew neh. Mebetrek mebetrek..... ufff Hulgize mekawem mekawem ..... gin menem teb alalelnem .... mebetrek mawurat mawurat ahunem mawurat.............ufff selechehegn......afehen yibelahal. mawurat mawurat ahunem mawurat.

    ReplyDelete
  4. 7/3/2010
    ዳኒ በርታ እና ምከር፡፡ ብዙዎች ጡመራህን ይከታተላሉ፡፡ይጠቀሙበታልም፡፡ስለዚህ ስለኢትዮጵያ እና ኢትዮጵያውያን እውነት የሆነውን ሁሉ ከመቼውም ጊዜ በላይ ለመግለጽ ትጋ፤ ብዙዎች የጠፉት ዕውቀት በማጣት ነውና፡፡ በተለይም ሕዝቡ በየአካባቢው ሰላሙን እንዴት መጠበቅ እንዳለበት፣ ፍቅርን እንዴት ማንገስ እንዳለባቸው እና በመከባበር ኢትዮጵያን ወደፊት መውሰድ በሚችሉበት አቅጣጫ ላይ፡፡ አትዮጵያ እና ኢትዮጵያውያን ለዘላለም ይኖራሉ፡፡

    ReplyDelete
  5. “ቁጭ ብለው የሰቀሉት ቁሞ ለማውረድ ይቸግራል” ሲመለሱስ ከማህብረሰቡ ጋር የመኖር ሞራሉ ይኖራቸዋል ወይ እኔ እንጃ!!! እግዚብሄር ይስጥህ ስልሰጠህን፡፡

    ReplyDelete
  6. Mr. self all round expert!! what is your expertise really? Deacon? Journalist? Politician ? Lawyer? I noticed that you are pretending to be everything to fulfill your common Agenda along with others - Trying to illegally get rid of the current Government of Ethiopia and His Holiness Patriarch Abune Mathias, whom you called " A danger to the safety of the Country and to the salvation of Orthodox Tewahdo Christians",from their respected authority and positions.
    I think I must quote this verse to you for it is an appointed time for you to hear it:" woemdihre wuitu hibst boa sobeha Seitan wuste libu Weibelo Eyesus zetigebir enke fitune giber". In the name of our savior I plead with you my brother to kneel down on the feet of His Holiness Patriarch Abune Mathias and seek his forgiveness.
    As to your comments about the armed forces of Ethiopia, they know what they are doing and they are keeping effectively, along side the police and security forces, not only the peace and security of Ethiopia, but that of other troubled countries in Africa as UN peace keeping force.
    God Bless you to return to your calling of only preaching the Good news of our savior and God Jesus Christ.
    Your Brother in Christ.

    ReplyDelete
    Replies
    1. Mr Anonymous, why are you raising irrelevant stuff here? Do I need to be an expert in military science to write what I feel? I think Dn. Daniel did just that. You may disagree with his assessments. As an individual, Daniel has his own perspectives. His being a preacher shouldn't take that right away in the same way as politicians will still practice and profess their religion. Abune Matias is Daniel's (and all of us) spiritual father. But this does not mean that one can't question what he feels is a wrong action by his father. There's nothing personal here my brother.

      Delete
  7. ... ከዕለት ይልቅ ለዓመት፣ ከአሁን ይልቅ ለወደፊት፣ ከግል ይልቅ ለሕዝብ፣ ከቡድን ይልቅ ለሀገር አስቦ፤ የሚመረውን ኮሶ ውጦ መፍትሔውን ማሻር ነው፡፡

    ReplyDelete
  8. I do not think you are honest and confident on what you are spitting out in your blog. If you are, you wouldn't have only posted only the comments that agree with your opinion.
    Well, continue with your dishonesty.

    ReplyDelete
  9. መለካመነትን አንድነትን ፍቅር ሰላም አስተዋይነትን ሁልጊዜም እየለገስከን ነው አንተ ሰትጸፍ ሁሉን ታሰቃኛለህ

    ችግር እንዳይፈጠር የተፈጠውን ለመፍታት ያንተን ጹሁፎች በማስተዋል ማንበብና መተግበር በቂ ነበር::
    ቀጥልበት

    ReplyDelete
  10. so true everybody here in Ethiopia are watching the army as an enemy and most of them are acting like that but its not good for our country u expressed it very well be blessed bro

    ReplyDelete