Wednesday, June 22, 2016

አዲስ መጽሐፍ በገበያ ላይ

ገድሉ፣ የኢትዮጵያን የ16ኛውን ክፍለ ዘመን አስተዳደራዊ መልክአ ምድር(ጂኦግራፊ) ለመረዳት በጣም ይረዳል፡፡ የገድሉ ጠቀሜታ ግን ይህ ብቻ አይደለም፡፡ በተለይ ለኢትዮጵያ ኦርቶዶክስ ተዋሕዶ ቤተ ክርስቲያን ታሪክ ጥናት ቀላል ያልሆነ አስተዋጽዖ ያደርጋል፡፡ ብዙ ምስቅልቅል የነበረበትን፣ ብዙ ጦርነቶችና ደም መፋሰሶች የታዩበትን ሰፊ የሕዝቦች እንቅስቃሴና መፈናቀል የተከሰተበትን የ16ኛውን ክፍለ ዘመን ለመረዳት የሚያደርገው አስተዋጽዖ ከፍ ያለ ነው፡፡ 
 
          በዚህ ውስብስብና ትርምስ የበዛበት ዘመን ቢኖሩም፣ እኒህ አባት በጣም በሚያስገርም ሁኔታ ጊዜያቸውን በመጠቀም በጣም ጠቃሚ የሆኑ መጻሕፍትን ከዐረብኛ ወደ ግእዝ መልሰዋል፤ የታወቀውን ‹አንቀጽ አሚን› የተባለውን ወጥ የሆነ ድርስታቸውን ጽፈዋል፡፡ ጽሑፎቻቸው ለግእዝ ሥነ ጽሑፍ ከፍ ያለ አስተዋጽዖ አበርክተዋል፡፡ በዚያ ቀውጢ ዘመን የኦርቶዶክስ ተዋሕዶ እምነት ተከታዮች ሊያነቡዋቸውና ሊነበቡላቸው የሚገቡ አያሌ ጽሑፎች ስለአቀረቡ፣ ለቤተ ክርስቲያኒቱ መልሶ መጠናከር የላቀ እርዳታ አድርገዋል፡፡ 
 
          ገድሉን ስናነብ እነዚህንና ሌሎች ቁም ነገሮችን እናገኛለን፡፡ ይሁን እንጂ ገድሉ ተተርጉሞ ግእዝ ለማያውቀው አንባቢ ሳይደርስ እስካሁን ቆይቷል፡፡ ጠቃሚነቱን በመገንዘብ፣ ሪቺ የተባለ ኢትዮጵያን ያጠና የነበረ የኢጣልያን ሊቅ ወደ ጣልያንኛ ተርጉሞ በጣም የተስፋፉ፣ ብዙ መጻሕፍትን ያጣቀሱ የግርጌ ማስታወሻዎችን አክሎ አሳትሞ ነበር፤ ይህ ትርጉም ከነግርጌ ማስታወሻዎቹ እጅግ ጠቃሚ ቢሆንም ኢትዮጵያውያን አንባቢዎች መካከል ጣልያንኛውን የሚያውቅ አንባቢ ይኖራል ብሎ መገመት ስለማይቻል፤ የሪቺ ሥራ ብዙም በትምህርት ተቋማት ውስጥ ለሚገኙ ምሁራንና ተማሪዎችም ሆነ፣ ከዚያ ውጭ ላሉ አንባቢዎች አገልግሏል ማለት አይቻልም፡፡ 
 
ይህ የአሁኑ የዲ/ን ዳንኤል ክብረት ሥራ የገድሉን ትርጉም እና ገድሉ ውስጥ ያሉትን ለአሁኑ ትውልድ ግልጽ የማይሆኑትን ሐሳቦችና የሰውም የሆኑ የቦታ ስሞች የሚያብራሩ የግርጌ ማስታወሻዎች የታከሉበት በጣም ጠቃሚ ሥራ ነው፤ በአቡነ ዕንባቆም ሕይወት ታሪክም ላይ እና በዘመኑ በነበረው ሃይማኖታዊ እና ፖለቲካዊ ሁኔታዎች ላይ የተደረጉ ምርምሮችን በማካተት ይህ መጽሐፍ ተዘጋጅቷል፡፡ መጽሐፉ ሁለት ጠቀሜታዎች አሉት፡- ሃይማኖታዊና ዓለማዊ፡፡ ዲ/ን ዳንኤል በዚህ በኩል የተሳካ ሥራ ሠርቷል፤ ምክንያቱም ያዘጋጀው መጽሐፍ ለመንፈሳዊ አገልግሎትም ሆነ ለማስተማርና ለምርምር ሊያገለግል ይችላል፡፡  
ፕሮፌሰር ሺፈራው በቀለ


8 comments:

  1. Keep doing you work Muhaze Tibebat Dn. Daniel. You are always there to respond with your works. The silly people are still stacked with their pointless lies about you. No need to glorify you more than the way your works spoke out laud. May God bless you more and keep you away from seeking personal glory from a heavenly service unlike many others.

    ReplyDelete
  2. I fill that the preamble for 'Abune Tekelehaiymanot' book is becoming too much... Fikarey Haimanot, Kidus Meskel, Yemikerayu Amatoch ETC... We are loging the book, not only the preamble... Please come on

    ReplyDelete
  3. እባክዎትን መምህር ወደ ክፍለሀገር በፍጥነት የሚደርሥበት መንገድ ይመቻች!! እኛኮ መፅሐፍ በታተመ ከአመት በሓላ ነው የሚደርሠን!!

    ReplyDelete
  4. As you go up, some evil filled minds wants you stab on the back, throw stones to you. Dn Daniel you have done a lot for the church as well as for Ethiopians specially for youths. But I wonder are you still doing things in being in the Holy spirit; being God's son. If so, your deeds goes beyond the horizon, what glorify you are the God and the generation. The message is don't be lagged back by the laggers, don't feel by th so called liers and lie fabricators. I understand from your writings your spirit are high, seems fighting for truth, exploring and revealing the truth to the generations now to come. Your contributions as idiological lead for the good doesn't remain confined to the orthodox laity. It enlightens all the Ethiopians....God bless you and your family

    ReplyDelete
  5. እግዚአብሔር እድሜና ጤናን አብዝቶ ይስጥልን፡፡
    በዘመናችን ያለውን (በተለይ በወጣቶች) የእውቀት ክፍተትና በተቃራነውም ያለውን ረብ ያላቸው የመፃህፍት አናሳነት አየሞላህልን ነውና እናመሰግናለን፡፡

    ReplyDelete
  6. ምን ዋጋ አለው የወንድማችን መጽሐፍ ካገር ቤት ሰው ለምነን እስክናስመጣ ዘግይቶ ማንበብ ግድ ነው ።ለማንኛውም እድሜና ጤና ለጸሐፊው የዘወትር ምኞታችን ነው ።

    ReplyDelete