Thursday, June 9, 2016

ኑ፤ ኢየሩሳሌም እንሂድ!


‹ዜና ደብረ ሊባኖስ› የተሰኘውና በ1590 ዓም የተጻፈው መጽሐፍ በገዳሙ የተፈጸሙ አስደናቂ የቅዱሳን ታሪኮች ተመዝግበውበታል፡፡ ከእነዚህ አንዱ ‹ኢየሩሳሌም እንሂድ› የሚለው ታሪክ ነው፡፡ ታሪኩ የተፈጸመው በእጨጌ ዮሐንስ ከማ ዘመን [ከዐፄ ይስሐቅ (1407-1423) እስከ ዐፄ ዘርዐ ያዕቆብ(1426-1469 )የመጀመሪያዎቹ ዓመታት የነበረ የደብረ ሊባኖስ 7ኛ አበ ምኔት] ነው፡፡ 

በደብር (በደብረ ሊባኖስ) ውስጥ ስሙ ፍሬ ቡሩክ የተባለ ሰው ነበረ፡፡ አንድ ቀንም ወደ አንደ አረጋዊ ዘንድ ደረሰ፡፡ ፊቱንም ሻክሮና ወይቦ አገኘው፡፡ ያም ወንድም አረጋዊውን ሥጋው እንደዚህ የመነመነበትን ምክንያት ጠየቀው፡፡ አረጋዊውምበላየ ላይ ምንም ሕመም የለም፤ ነገር ግን አንድ ነገር ያስጨንቀኛል፡፡ የመጸዳጃ ቤት የለኝም፡፡ በዚህም ምክንያት የት እሄዳለሁ ብዬ ምግብ ከመብላት እከለከላለሁአለው፡፡ ያም ወንድም ሰምቶ ወደ ቤቱ ሄደና ሲመሽ የሚወደውን ወንድም ጠርቶ ኢየሩሳሌም እንሂድአለው፡፡ እርሱምአስቀድመን ጸሎት ሳናደርግ፣ ለመንገድም ስንቅን ሳናዘጋጅ እንዴት ድንገት እንሄዳለንአለና መለሰለት፡፡ ያም ወንድምእንዲህ አትበል፤ ነገር ግን የምነግርህን ስማ፡፡ እነሆ የመጸዳጃ ቤቱ ሞልቶበት በረሃብ የሚሞት አንድ አረጋዊ አለ፡፡ ለእርሱ የፍቅርን ሥራ እንሥራለት፡፡ የመጸዳጃ ቤቱንም እንጥረግለት፡፡ ወደ ኢየሩሳሌም መሄድ ያልኩህም ይህንን ነውአለው፡፡

ያም ወንድምእሺ ቃልህ ያማረ ነውአለው፡፡ ትልቅ የጋን ስባሪ ይዘውም ሄዱ፡፡ ፍሬ ቡሩክም ልብሱን አውልቆ ወደ መጸዳጃ ቤቱ ገባ፡፡ ሲገባም እስከ አንገቱ ድረስ ተዋጠ፡፡ ነገር ግን ጨክኖ ቆሻሻውን እያወጣ ለወንድሙ ይሰጠው እርሱም በፍንቺት በኩል ጥሎ ሲመለስ ይፈስ ነበር፡፡ ይህንን ሌላ ሰው ሠርቶት የማያውቀውን ግብራቸውን እስኪነጋ ድረስ ሠርተው ፈጸሙ፡፡ ቦታውንም አጠቡት፤ አጸዱትም፡፡ ሰውነታቸውንም ይታጠቡ ዘንድ ወደ አጋት ወንዝ ሄዱ፡፡ ታጥበውም ወደ ቤታቸው ተመለሱና በዚያ ተቀመጡ፡፡ ማንም ሰው ሥራቸውን እንዳያውቅባቸው፡፡ ነገር ግን ሽታው እስከ ሰባት ቀን ድረስ ቆየ፡፡ በዚህም የተነሣ የአደስ ቅጠል አጤሱበት፡፡ ሰውነታቸውም በዕጣንም ያታጠኑ ነበር፡፡ ሽታውም እስኪጠፋ ብዙ ጊዜ ፈጀ፡፡ ይህም ነገር በደብረ ሊባኖስ ሆነ፡፡
ኢየሩሳሌም መሄድ ማለት ይኼ ነው፡፡ የሰውን ጭንቀት መጋራት፣ የሰውን ችግር መፍታት፤ ከባቴ አበሳ መሆን፡፡ ጾም፣ ጸሎት፣ ስግደት፣ትምህርት፣ የጽድቅ መሥሪያ መሣሪያዎች ናቸው፡፡ እነዚህ ነገሮች ወደ ጽድቅ ጎዳና የማይወስዱት ሰው አውሮፕላኑ በአየር ላይ ቆመበት ተሣፋሪ ነው፡፡ በየአካባቢያችን የሰው ችግር የሚታያቸው፣ አይተውም ለመፍታት የሚነሡ፤ ፈትተውም ዘምሩልን የማይሉ ክርስቲያኖች ቢበዙ ኖሮ እነዚህ ሁሉ ችግሮች እየተቆለሉ ባላጎበጡን ነበር፡፡
ኑ ኢየሩሳሌም እንሂድ፤ የወንድሞቻችንን ችግር እንፍታ፡፡ ኑ ኢየሩሳሌም እንሂድ፤ የወገኖቻችንን ጭንቀት እንጋራ፡፡ ኑ ኢየሩሳሌም እንሂድ፣ መናገር ለማይችሉት አንደበት እንሁን፤ ኑ ኢየሩሳሌም እንሂድ፤ ያፈሩትን ሃፍረት እናስወግድ፤ ኑ ኢየሩሳሌም እንሂድ፤ የሰዎችን ገደል እንሙላ፣ ኑ ኢየሩሳሌም እንሂድ፤ የሰዎችን ተራራ እናፍልስ፡፡ ኑ ኢየሩሳሌም እንሂድ የሰለሉትን እጆች እናጽና፤ ኑ ኢየሩሳሌም እንሂድ፣ የዛሉትን ክንዶች እናበርታ፡፡ ኢየሩሳሌም እዚሁ በሠፈራችን ናት፡፡
 
ኑ ኢየሩሳሌም እንሂድ

22 comments:

  1. እግዚአብሔር ይስጥልን

    ReplyDelete
  2. እምነት እንዲህ በምግባር ሲከወን እጅግ ደስ ይላል። የሚደንቀው ደግሞ በዚያን ዘመን የመፀዳጃ ጉድጓድ መኖሩ ነው። በዚህኛ ዘመን ይኸው የመንግስትና መንግስታዊ ያልሆኑ ድርጅቶች ስለ መፀዳጃ ቤት አጠቃቀምና ሽፋን ወሬ ያደነቁሩናል። በአባቶቻችን ዕውቀት እና ተመክሮን ብንጠቀምበት፥ የምዕተ ዓመቱ ግብ እኛን ባልተመለከተን ነበር።

    ReplyDelete
  3. dani des yemil timihirt new tebarek!!!

    ReplyDelete
  4. please deacon danel sile ephis koposat ameraert bemimeleket tolo sefi sihf bitisf tekami new.mesfertu,mesfrtu mindinew?

    ReplyDelete
    Replies
    1. እግዚአብሔር ይስጥህ

      Delete
  5. ድንቅ ነው፣አያልቅበት ዳንኤል። መልካም ሥራ እንጂ የሚያጸድቅ መች ኢየሩሳሌም መሄድ ብቻውን። መሄዱንማ ኢአማኒውም ቱሪስት ሁሉ ያደርገዋል።
    ዳንኤል፣ እግዚአብሔር ረጅም ዕድሜ ይስጥህ።

    ReplyDelete
  6. ወንድማችን መምህራችን ሙሐዘ ጥበባት ዲያቆን ዳንኤል ክብረት የድንግል ማርያም ልጅ ከነቤተሰብህ ይጠብቅህ።
    እጅግ በጣም እንወድሃለን የማቱሳላን እድሜ ከሙሉ ጤንነትና ሰላም ጋር ቸሩ መድሐኒዓለም ይስጥህ!

    ReplyDelete
    Replies
    1. Amen,Amen. Yistilin,ignam mistirun yigletsilin

      Delete
  7. Thanks Dani your point of view is amazing,it is a good lesson.faith with out kindness is nothing,God gives you a super mind for the purpose of teach us a wonderful lesson. God be with you and your family forever.love you so much.

    ReplyDelete
  8. "በየአካባቢያችን የሰው ችግር የሚታያቸው፣ አይተውም ለመፍታት የሚነሡ፤ ፈትተውም ዘምሩልን የማይሉ ክርስቲያኖች ቢበዙ ኖሮ እነዚህ ሁሉ ችግሮች እየተቆለሉ ባላጎበጡን ነበር::"

    እጅግ ድንቅ ነው፣ ቸሩ መድሐኒዓለም ረጅም ዕድሜና ጤንነት ይስጥህ!

    ReplyDelete
  9. ሰላም ዲ/ን ዳኒ :: ምነዉ ብሎግህን ብታሻሽለዉ :: ማለቴ ለምሳሌ ቢያነቧቸዉ ይጠቅማሉ የምትላቸዉን ብሎጎች ጨመር ብታደርግ :: ለነፃ አስተሳሰብ ማደግ ካለህ ብርቱ ትግል አንፃር የዘረዘርካቸዉ በቂ አይደሉም:: መልካሙን ሁሉ ከነቤተሰብህ እመኝልሃለሁ

    ReplyDelete
  10. እግዚአብሔር ይባርክህ ዳኒ

    ReplyDelete
  11. እግዚአብሔር ይባርክህ ዳኒ

    ReplyDelete
  12. ክብሩ ይስፋ ለድንግል ልጅ ለመድኃኔዓለም! አኗኗራችንን በኢየሩሳሌም እንድናደርግ የፃፍክልን መልካም ነው፡፡ ልብ ያለው ልብ ያድርግ ነውና! ከልብ እናመሰግናለን መምሕራችን!!

    ReplyDelete
  13. ክብሩ ይስፋ ለድንግል ልጅ ለመድኃኔዓለም! አኗኗራችንን በኢየሩሳሌም እንድናደርግ የፃፍክልን መልካም ነው፡፡ ልብ ያለው ልብ ያድርግ ነውና! ከልብ እናመሰግናለን መምሕራችን!!

    ReplyDelete
  14. ታላቁ መምህር ክቡር ዳያቆን ዳንኤል ክብረት በመጀመሪያ ደረጃ ይህን የረቀቀ የዕውቀት ጥበብ ልዑል እግዚአብሄር ላንት ችሮህ ለኛ እስተማሪ እንድትሆን ችሎታውንና ጊዜውን። ስለሰጠህ የተመሰገነ ይሁን እያልኩ። ከዚህ በፊት ከነበረኝ ዝም ብሎ እንባቢነት ጊዜው ደርሶ እድናቆቴን እንድገልጽ ብርታቱን ለቸረኝ ፈጣሪየ አመሰግናለሁ።
    ላንተም ፈጣሪ ዕድሜና ጤንነት ስጥቶህ የማያልቅ ዕውቀትህን እንድታካፍለን ብርታቱን ይስጥህ እያልኩ ለኔ የምትጽፋቸው አዝናኝ ታሪካዊና ባህላዊ ለነገሮች የምትሰጣቸው ምሳሌያዊ ትምህርቶችህ ከሰወች ጋር ለማደርገዉ መልካም ግንኙነት በር ከፋቾቸ ሲሆኑ የእውቀት እድማሴንም ሰፋ እንዳደርግና ነገሮችን በጥልቅ እንድመለከት ስለረዳኝ አመሰግናለሁ።

    ReplyDelete
  15. Amen Amen Amen kale heyeweten yasemalen

    ReplyDelete