Wednesday, April 22, 2015

እግዜር ያተረፋት ነፍስ ምስክርነት

አሁን ከማልታ ባገኘሁት መረጃ በቀደም ከተሠዉት ወንድሞቻችን ጋር የነበረ ፣በእግዚአብሔር ቸርነት አምልጦ ትሪፖሊ የገባ ወንድም አግኝቼ ነበር፡፡

እርሱ እንደነገረኝ በአጅዛቢያና ቤንጋዚ መንገድ ላይ የአይሲስ አራጆች የሊቢያ መንግሥት ወታደሮችን ዩኒፎርም  ለብሰው በዚያ የሚያልፉትን ለመያዝ ይጠብቃሉ፡፡ በአካባቢው ወደ ትሪፖሊ የሚጓዙ መንገደኞችን ሲያገኙ ይይዛሉ፡፡ ሱዳኖችንና ሶማልያውያንን ሙስሊሞች ናቸው ብለው ስለሚያስቡ ወዲያው እንዲሄዱ ይለቋቸዋል፡፡ ኤርትራውያንና ኢትዮጵያውያንን ግን ለብቻ ይይዛሉ፡፡ ከዚያም ሙስሊሞችን ለብቻ ክርስቲኖችን ለብቻ ያሰልፏቸዋል፡፡ በመቀጠልም ክርስቲያኖችን በኮንቴይነር ውስጥ ከትተው ወዳልታወቀ ሥፍራ ይወስዷቸዋል፡፡ ምግብ የሚሰጧቸው በየሦስት ቀን ነው፡፡ሙስሊሞችን ደግሞ ይለቋቸዋል፡፡

በቀደም ዕለት አይሲስ በባሕር ዳርቻ የሠዋቸው ክርስቲያኖች በሰውነታቸው ላይ የመስቀል ምልክት የነበረባቸውን መርጦ ነው፡፡ እነርሱን በተለየ ኮንቴይነር አስቀምጧቸው ነበር፡፡ ይኼንን መረጃ የነገረኝ ሰው ሊገደሉ ተመርጠው ከተለዩት ወገን ነበረ፡፡ ሌሎች በኮንቴይነር ያስቀመጣቸው ክርስቲያኖችም አሉ፡፡ ምናልባት ከዚህ የከፋ ዜና እንሰማ ይሆናል፡፡ አምላክ ይጠብቀን፡፡ አሁንም የአይሲስ አራጆች የመንግሥት ወታደሮችን ልብስ ለብሰው ሌሎች ስደተኞችን እየያዙ ነው፡፡

ይኼ መረጃንውን ያደረሰኝ ሰው ሊያመልጥ የቻለው ሌሎች ክርስቲያኖችን በጨለማ ወደ ኮንቴይነሩ ለማስገባት ኮንቴይነሩን በከፈቱበት ጊዜ ነው፡፡ የተወሰኑ ተያዦች አምልጠው ነበር፡፡ አንዳንዶች ተያዙ፡፡ ሦስቱ ግን አመለጡ፡፡ ሁለቱ የት እንደደረሱ አያውቅም፤ እርሱ ግን በእግዚአብሔር ቸርነት አምልጦ ትሪፖሊ ገብቷል፡፡


እባካችሁ ባገኛችሁት አጋጣሚ ሁሉ ሰሞኑን ለመጓዝ የተነሡት ቢያንስ ለጊዜው ይታገሡ፡፡ ሱዳን ያሉትም ከሱዳን አይውጡ፡፡ መንገዱ በአይሲስ አራጆች ተይዟል፡፡ ለማታለልም የመንግሥት ወታደሮችን ልብስ ለብሰው ድንበር ጠባቂ ይመስላሉ፡፡


እግዚአብሔር በእጃቸው የተያዙትን እንዲታደግ እንጸልይ፡፡

10 comments:

  1. ከዚህ የከፋ ዜና እንሰማ ይሆናል፡፡ አምላክ ይጠብቀን!!!
    ማን ያውቃል፣ የሰማዕታቱ ደም አልግባባ ላለው ልዩነታችን ሥርየት ይሆነን ይሆናል!!!

    ReplyDelete
  2. geta hoy beka belen !

    ReplyDelete
  3. እግዚአብሔር በእጃቸው የተያዙትን እንዲታደግ እንጸልይ፡፡

    ReplyDelete
  4. እግዚአብሔር በእጃቸው የተያዙትን እንዲታደግ እንጸልይ ለተሠዉት ወንድሞቻችንም ነፍስ ይማር

    ReplyDelete
  5. egzeo mharen crestos !! bent marym mharen crestos!! Ethiopians enatoch enba yrhalen enb endtkeb endtkablek yezanm takabn are abatoch tawe erdone ytkableten smetent yskanach egzow!! abzetan ensile crhestianoc eny kebedz egzow !!!!!!!!!!!!!!lega egezabher ytabkh!!

    ReplyDelete
  6. እግዚሆ ማህርነ ክርሰቶሰ! መድሃሂያለም ብትዘገይም የሚቀድምህ የለም ቅዱሰ ሚካኤልን ላክና የከፈውን መንገድ አሻግራቸው.ምንም የለንም ምነም ጀግናዋ ኢትዪጵያ ጭንቀት አርግዛለች! እባክህን የገባህላትን ቃል ኪዳን አሰብ.ምሰልሸን ይዘን ዘወትር ከአፈችን የማትጠፊ እመብርሃን ድረሸልን.የትኛው አንጀትሸ ቻለው ይሔንን ጉድ ? ማርያም ,ማርያም ,ሰሀሊለነ ቅድሰት ሆይ
    ለምኚልን እያልን ነው. ተስፋ አንቁረጥ የሰማዕታት አምላክ ከእኛ ጋር ይሁን አሜን!!!

    ReplyDelete
    Replies
    1. you should listen the 16 years old Eritrean boy escape from them how the death were! really amazing

      Delete
  7. Amen Getachn Genanawun Meleak yilaklechew kechinket ygelaglachew zend!

    ReplyDelete
  8. Please, please, consider that great an Ethiopian Muslim man who scarified himself together with his christian brothers!!!

    ReplyDelete
  9. እግዚሆ ማህርነ ክርሰቶሰ! መድሃሂያለም ብትዘገይም የሚቀድምህ የለም ቅዱሰ ሚካኤልን ላክና የከፈውን መንገድ አሻግራቸው.ምንም የለንም ምነም ጀግናዋ ኢትዪጵያ ጭንቀት አርግዛለች! እባክህን የገባህላትን ቃል ኪዳን አሰብ.ምሰልሸን ይዘን ዘወትር ከአፈችን የማትጠፊ እመብርሃን ድረሸልን.የትኛው አንጀትሸ ቻለው ይሔንን ጉድ ? ማርያም ,ማርያም ,ሰሀሊለነ ቅድሰት ሆይ
    ለምኚልን እያልን ነው. ተስፋ አንቁረጥ የሰማዕታት አምላክ ከእኛ ጋር ይሁን አሜን!!!

    ReplyDelete