Thursday, March 13, 2014

ጥንድ የመሆን ፈተና

ኦሎምፒያ አካባቢ የሚገኘውን የቀለም ባለሞያውን የጌታሁን ሄራሞን ቢሮ በጎበኘሁ ቁጥር በሁለት ነገሮች እደሰታለሁ፡፡ በአንድ በኩል ስለ ቀለማት በሚሰጠው ሕይወት ያለው ትንታኔ፤ በሌላ በኩል ደግሞ ባከማቻቸው የኢትዮጵያውያን ሰዓሊዎች ሥራዎች፡፡ የእርሱ ወንበርና ጠረጲዛው የቢሮውን አንድ ሦስተኛ ብቻ ነው የያዘው፡፡ ቀሪውን የቢሮውን ክፍል ዋናው ባለ አክስዮን ስብስብ ሥዕሎቹ ይዘውታል፡፡ መቼም ሰው ሥራውን ለምንዳዕ ብቻ ሳይሆን በፍቅርም ሲሠራው ሕይወትን በሌሎች ላይ የመዝራት ዐቅም ይኖረዋል፡፡
እዚያ ከተሰበሰቡት ሥዕሎች ውስጥ በመጀመሪያው ክፍል ከጠረጲዛው ከፍ ብሎ ግድግዳው ላይ የተሰቀለው ካንቫስ የፈጠራ ሃሳብ ያስደንቀኛል፡፡ በመስተዋቱ ውስጥ ሁለት ጥቋቁር ካልሲዎች በጫማ አቀማመጥ ቅርጽ ተለጥፈዋል፡፡ አንደኛው ምንም ያልነካው ‹አዲስ› ካልሲ ነው፡፡ ሁለተኛው ግን ተረከዙ ላይ ተቀድዷል፡፡

የጥበቡ ርእስ ‹ጥንድ የመሆን ፈተና› ይላል፡፡ ምን ማለት ነው? ደጋግሜ አየሁት፡፡ ‹‹ወፍ ስትበር የሚያሳይ ሥዕል ሳሉ›› ተብለን በሥዕል ትምህርት ቀልደን ላደግን ሰዎች የሥዕልን ጥበብ ዘልቆ ምሥጢሩን መረዳት እንደ ዋድላ ቅኔ ከባድ ምርምርን ይጠይቃል፡፡ ለረዥም ሰዓት ነው አፍጥጬ ያየሁት፡፡ እንዲያውም በመሐሉ የሥዕሉን ምሥጢር ከመመርመር ወጥቼ እኛ ቤት የነበረች አንዲት የቤት ሠራተኛችን ትዝ አለችኝ፡፡ የምገዛቸው ካልሲዎቼ ሁሉ ከጥቂት ቀናት በኋላ ከትዳር ተፋትተው ላጤ ሆነው ነበር የማገኛቸው፡፡ ‹‹ምንድን ነው?›› ስላት ‹አይጦቹ ናቸው›› ትለኛለች፡፡
ግርም ይለኝ የነበረው የነዚህ የስምንተኛው ሺ አይጦች ጠባይ ነበር፡፡ የሀብታም ትምህርት ቤት እንደገባ ልጅ ‹ለአንድ ቀን አንድ ዓይነት› የሚል መርሕ ሳይኖራቸው አይቀርም፡፡ ቢሞቱ ሁለቱንም ካልሲዎች አይበሏቸውም፡፡ ከሁለቱ አንዱን ብቻ ነው የሚመገቡት፡፡ አንዳንዱን ካልሲ ወስደው ለሆቴላቸው በያይነቱ ያዘጋጁበትም እንደሁ እንጃ፡፡ አንዱ ጓደኛዬ ደግሞ የለም ልጂቱ ባለ አንድ እግር ወዳጅ ሳይኖራት አይቀርም ይለኛል፡፡ ከሁለቱ አንዱ ነው፤ ወይም ሌላም ሊሆን ይችላል፡፡
አሁን እዚህ ደግሞ ካልሲ ጥበብ ሆኖ በፍሬም ተሰቅሎ ሳየው ገረመኝ፡፡
‹‹ጥንድ የመሆን ፈተና››
በኋላ ጌታሁን አንድም እያለ ተረጎመልኝ፡፡ ‹‹እስኪ እየው፤ ይኼኛው ካልሲ ደህነኛ ነው፡፡ እንዲያውም ቅድም እንዳልከው አዲስ ይመስላል፡፡ ተጣማሪው ግን ተቀድዷል፡፡ ካልሲ ሊደረግ የሚችለው በጥንድ ብቻ ነው፡፡ በዚህ በተቀደደው ምክንያት ያልተቀደደው ካልሲም ከጥቅም ውጭ ሆኗል፡፡ ቤቴ ውስጥ በተደጋጋሚ ሲያጋጥመኝ ጊዜ ይህንን ሃሳብ አሰብኩት፡፡ የዚህ የደህነኛው ካልሲ ጥፋቱ ምንድነ ነው? አልኩ፡፡ ሳስበው ጥፋቱ አንድ ብቻ ነው፡፡ የቀዳዳው ካልሲ ተጣማሪ መሆኑ፡፡ በቃ ተጣማሪው ስለ ተቀደደ እርሱም ይጣላል፤ ያለበለዚያም ለልጆች ኳስ መሥሪያነት ይውላል፡፡ ጥንድ የመሆን ፈተና ይኼ አይደለም ታድያ?›› አለኝ፡፡
እርሱ ይሄንን ሲነግረኝ ባለትዳሮች፣ ጓደኛሞች፣ የንግድ ሸሪኮች፣ የጥበብ ወዳጆች፣ የሥራ አጋሮች፤ እንዲቀያየር ሆኖ እንደተጫነ የኮምፒውተር ስክሪን ሴቨር በዓይነ ኅሊናዬ ቦግ እልም እያሉ አለፉ፡፡ ምርጥ ባል፤ የባሎች ሁሉ መለኪያ ሊሆን የሚችል፤ አባትም ባልም ተብሎ የሚነገርለት ተጣማሪው ተበላሽታ ሲበጠበጥ፣ ሲታመስ፣ ሲመሳቀል፣ ዐቅሙ ሲደክም፣ ሥራው ሲበላሽ፣ አእምሮው ሲናወጥ፣ ይኖራል፡፡ አይቆርጠው አካል፣ አይተወው ሕመም ሆኖበት፤ አይናገር ምሥጢር፣ ዝም አይል ብሶት ሆኖበት፤ ከዕረፍት እንደተመለሰ እሥረኛ ቤቱ እያስጠላው፣ ጥንድ መሆን ፈተና ላይ ጥሎት ይኖራል፡፡
ምን የመሰለች ሚስት፣ ዐፄ ቴዎድሮስ ‹ሚስት ናት ገረድ› ያሏት ዓይነት፣ ልጆቿን አፍቃሪ፣ ባሏን አክባሪ፣ ትዳርዋን አሥማሪ የሆነች ሚስት፣ ባሏ ተበላሽቶባት፣ ይኼው
ትዳር ምን ዕዳ ነው፣ ጎጆ ምን ዕዳ ነው
ከገነት ተባርሮ ገሐነም መኖር ነው
እያለች ታንጎራጉራለች፡፡ ሥራዋ፣ ሀብቷ፣ መልኳ፣ ዕውቀቷ፣ ጠባይዋ፣ ሥልጣኗ፣ ክብሯ፣ ዝናዋ ከሰው በላይ ሆኖ የትዳር አጋሯ ግን የተቀደደ ጣራ፣ የፈረሰ ግድግዳ፣ የማይዘጋ በር፣ የሚዋጋ ጫማ፣ የሚኮሰኩስ ልብስ፣ የሚያቃጥል ወጥ፣ የሚኮመጥጥ እንጀራ ሆኖባታል፡፡ አትተወው ትዳር፣ አትኖረው ሲኦል ሆኖባት፤ ስንት ውስብስብ ችግር  በቢሮዋ የፈታች ሊቅ፣ የአጋርን ችግር መፍታት ቸግሯት ተጣማሪ ካልሲ ሆናለች፡፡
በአምስት ጣት የሚበላ ሰው መቼም አብሮ መሥራትን አይጠላም፡፡ ‹ድር ቢያብር አንበሳ ያሥር›፣ ‹ለአንድ ብርቱ ሁለት መድኃኒቱ›፣‹ለአንድ ጉርሻ ሠላሳ ሁለት ጥርስ› እያለ የሚተርት መቼም አብሮ ተባብሮ መሥራትን አይጠላም፡፡ ማበር የሚያስጠላው፣ ሽርክና የሚያስመርረው፤ ኅብረት፣ አንድነት፣ ማኅበር፣ ቡድን፣ ኮሚቴ፣ የሚያቅለሸልሸው እንደ ካልሲው ከተጣማጆቹ የሚቀዳደድ ካለ ነው፡፡ አብሮ ለመሥራት፣ አብሮ ለማደግ፣ አብሮ ለመልፋት፣ አብሮ ለመትጋት ወስነው አጋና ከመቱ በኋላ አንዱ ወገን እንደ ካልሲው የተቀደደ ከሆነ፣ የቀዳዳው ዕድል ፈንታ በደህናው መወሰን ሲኖርበት፣ የደህናው ዕድል በቀዳዳው መወሰን ከጀመረ፣ ያኔ ነው አብሮ መሥራት እሴት ከመሆን ይልቅ ዕዳ የሚሆነው፡፡
ይህንን ካልሲ ሳይ መኪና ታወሰኝ፡፡ አራት እግር ያለው መኪና አንዱ ጎማ ሲተነፍስ የሚቆመው ለምንድን ነው? ጥንድ የመሆን ፈተና ገጥሞት አይደል፡፡ ያልተነፈሱት ሦስት ጎማዎች በተነፈሰው አንድ ጎማ ምክንያት መቆማቸው የግድ ነው፡፡ ስንት የተጣመሩ ፓርቲዎች ከመካከላቸው እንደ ካልሲው የተቀደደ፣ እንደ ጎማው የተነፈሰ ሲያጋጥማቸው አይደል ቆመው ወይም ፈርሰው የቀሩት፡፡
አንዳንዴ ምንም ያህል ብንፈልገው ብቻችንን ልንሆነው የማንችለው ነገር አለ፡፡ ብቻችንን ብንሠራው እንኳን ከማናውቅ አካል ጋር የምንጣመርበት ጉዳይም አለ፡፡ ‹አይ የታክሲ ሾፌር፣ አይ አስተናጋጅ፣ አይ ነጋዴ፣ አይ ቀበሌ፣ አይ ተቃዋሚ፣ አይ ደጋፊ፣ አይ ጋዜጠኛ፣ አይ ፖሊስ› እየተባልን በምናውቀውም በማናውቀውም፤ ባደረግነውም፣ ባላደረግነውም የምንወቀሰውኮ ‹ጥንድ በመሆን ፈተና› ምክንያት ሊሆን ይችላል፡፡ እኛ ብቻችንን መልካም ብንሠራ፣ ንጹሕና ጻድቅ ብንሆን እንኳን፣ የሆነ ቦታ በሚገኙ ሳናውቅና ሳንፈቅድ በተጣመርናቸው የሞያ አጋሮቻችን ጥፋት መወቀሳችንና ሕዝባዊ አመኔታ ማጣታችን አይቀሬ ነው፡፡
ጥቂት የዚያ ብሔረሰብ ሰዎች፣ የተወሰኑ የዚያ ቡድን አባላት፣ እፍኝ የማይሞሉ የዚያ ሀገር ዜጎች፣ በጣት የሚቆጠሩ የዚያ ሃይማኖት አማኞች፣ ውክልና የሌላቸው የዚያ ማኅበር አባላት፣ ለራሳቸው ብቻ ሲሉ ወጥ በረገጡ የዚያ ሞያ ባለቤቶች፣ ከሁለት ወንበር በማይበልጡ የዚያ መሥሪያ ቤት ባልደረቦች ጥፋት ‹እንደ አህያ ጆሮ እንደ ጦር ጉሮሮ‹ ሁሉንም አንድ አድርጎ የመኮነን አባዜ የመጣው ጥንድ ከመሆን ፈተና ነው፡፡ በተቀዳደዱ ካልሲዎች ምክንያት የሚያገለግሉትም አብረው እንደሚጣሉት፡፡
ምርጥ የባለሞያ ወጥ፣ በስሕተት በበዛ ጨው ምክንያት ተመጋቢ የሚያጣው ጥንድ የመሆን ፈተና ገጥሞት ነው፡፡ ‹በጨው ደንደስ በርበሬ እንደሚወደሰው› ሁሉ በጨው ጥፋትም በርበሬ ከጥቅም ውጭ ሊሆን ይችላል፡፡
ዘመናዊ ኑሮ የጉርብትና ሥርዓት ነው፡፡ ዐውቀነውም ይሁን ሳናውቀው ከብዙ ነገሮች ጋር ተጣምረንና ኅብረት መሥርተን ነው የምንኖረው፡፡ ሰው ብቻውን መጥፎ፣ ብቻውንም ጥሩ መሆን አይችልም፡፡ ብቻውን ንጹሕ፣ ብቻውንም ቆሻሻ ለመሆን አይችልም፡፡ እኛ ቤት የምትመጣው ዝንብ ከየት መነሣት እንዳለባት ልንወስንላት አንችልም፡፡ አንዳንድ ጊዜ በአንድ መንደር መብራት፣ ውኃና መንገድን ለማስገባት፤ ጸጥታ፣ ንጽሕናና ውበትን ለመጠበቅ መንደሩ ሁሉ ይስማማና ጥቂት ጎረቤቶች ግን እምቢ ይላሉ፡፡ አልከፍልም፣ አልሠራም፣ አልሰበሰብም፣ አልተባበርም፣ አያገባኝም ይላሉ፡፡ የስንት ጎበዞችን ዕቅድ የጥቂት ቀዳዳ ካልሲዎች ችግር ከጥቅም ውጭ ያደርገዋል፡፡
ጥንድነት የማይቀር የኑሮ ሥርዓት ከሆነ ከባዱ ነገር ጥንድ የመሆንን ፈተና እንዴት እንለፈው ነው፡፡
‹‹ትንሽ በር በሬ ብደቁሰው፣ ብደቁሰው
ሀገሩን ሁሉ አስነጠሰው፣ አስነጠሰው››
የተባለው ይህንን ይነግረናል፡፡ ለማስነጠስ በርበሬ መደቆስ አያስፈልገንም፡፡ የሌላው ጎረቤት በርበሬ በቂ ነው፡፡ በቢሯችን ውስጥ መልካም ሽቱ የተቀባ ሰው ካለ ለሁላችን መዓዛው እንደሚተርፈው ሁሉ፣ የጫማውን ጠረን ማስወገድ ያልቻለውም የቢሯችን ባልደረባም በተቃራኒው እንዲያ ነው፡፡
ጥንድነት የሚያመጣውን ፈተና ለመወጣት አንድም የዳበረ የኑሮ ጥበብ ያሻል፣ አንድም የታሰበበትና ተገቢ የሆነ የጥንድነት ልማድና ሕግ ያስፈልጋል፤ አንድም ደግሞ ከፈተናው የመውጫ ውጤታማ የአደጋ ጊዜ በር ሊሠራ ይገባል፡፡ ጥንድነት የሚያመጣውን ፈተና ለመከላከል፣ ካልሆነም ለመፍታት የሚያስችል ከማኅበረሰቡ ጋር የተዋሐደ የኑሮ ጥበብ ያስፈልጋል፡፡ ይህንን የኑሮ ጥበብ ለመገንባት ደግሞ የሃይማኖት ትምህርቶች፣ ሥነ ቃል፣ ሚዲያና ዘመናዊ የኑሮ ዘዴ ትምህርቶች ታላቅ አስተዋጽዖ ያደርጋሉ፡፡
አብሮነት የሚያስከትላቸውን ፈተናዎች ማራቂያ፣ ሲመጡም የከፋ ጉዳት ሳያደርሱና እንደ ቀዳዳው ካልሲ ለመጣል ሳያበቁ፣ ማስወገጃ የዳበረ ሀገራዊ ልማድና ሕግም ወሳኘው ነው፡፡ አንዳንድ ጊዜ ፈተናውን አምቀን ብቻ እንድንይዘው፣ ያለ መውጫ እንድናስበው፣ የዐርባ ቀን ዕድል አድርገን እንድንቆጥረው፣ መፍትሔው አብሮ መውደቅ ብቻ አድርገን እንድናየው የሚያደርግ ሀገራዊ ልማድና ሕግ ካለ ጥንድነት እሴት ሳይሆን ዕዳ ብቻ ይሆናል፡፡
ፍየል ቀንዷ ለምን ወደ ኋላ ዞረ? ሲባል፤ ስትገባ መውጫ መውጫውን ለማየት ነው አሉ፡፡ የምንገባበት ነገር ሁሉ አንዳች የመውጫ የአደጋ ጊዜ በር ሊኖረው ይገባል፡፡ የአደጋ ጊዜ በር በማናቸውም ጊዜ፣ በፈለገው ሰው፣ ለማናቸውም ዓይነት ምክንያት አይከፈትም፡፡ የሚከፈትበት ምክንያት፣ ጊዜ፣የመክፈት ሥልጣን ያለው አካል አለ፡፡ በጥንድነት ፈተናም እንዲሁ ነው፡፡ እንደ መግቢያው በር ሁሉ የመውጫ የአደጋ ጊዜም በር ያስፈልጋል፡፡ መግቢያ ብቻ ያለው ባለ አንድ በር ቤት ለጥንድነት አይመከርም፡፡ ዐውቀን የዘጋነው፤ በአደጋ ጊዜ ግን ልንከፍተው የምንችለው፣ የመጨረሻው አማራጫችን እርሱ ሲሆን ዘለን የምንወጣበት የአደጋ ጊዜ በር ያስፈልጋል፡፡ ‹እኔ በዚህ አልስማማም፣ የእኔ ሃሳብ የተለየ ነው፣ እኔ በዚህ መኪና ተሳፍሬ እስክገለበጥ ድረስ አልጓዝም› ብለን ልንናገርበት የምንችለው በር፡፡ ጥንድነት ዕድልና መብት እንጂ ዕዳና ግዴታ እንዳይሆን፡፡
ከአዲስ አበባ ወደ ፍራንክፈርት፣ ኢትዮጵያ አየር መንገድ ውስጥ

65 comments:

  1. U said right our brother kale hiywot yasemah

    ReplyDelete
    Replies
    1. የዚህ ጽሑፍ ዋና መልእክት ሁለት የተለያዩ አካላትን ጥምረት ጥቅም ወይ ጉዳት ለማሳየት ቢሆንም ዳኒ የተጠቀምክባቸው ምሳሌዎች ላይ ግን ቅሬታ አለኝ። ለመሆኑ ባልና ሚስት ሁለት አካል ወይስ አንድ ፤ ቀኝና ግራ እግር ወይም እጅስ፤ በአንድ ሰውነት ያሉ ሁለት ነገሮች። ያንዱ ጥንካሬ ለሌላው ጥንካሬ እንደሆነ ሁሉ ያንዱ ድካምም እንደዛው ነው። ቀኜ ጠንካራ ስለሆነ በግራዬ ካማረረ ችግሩ የአንድ ሰውነት አካል መሆንን ያለመቀበል ድክመት ይሆናል። በአጭሩ ጋብቻ ጥንድ የመሆን ሳይሆን አንድ የመሆን ምስጢር ነው። በአንድነት ውስጥ ደግሞ የአንድነት ጥንካሬ ፣ ጤና ፣ ሰላም ፣ፍቅር የአንድነት ድካም፣ህመም፣ማታት ፣መስነፍ እንጂ ያንተ ያንቺ ሊኖር አይገባም።

      Delete
    2. @ 12:05PM
      I think you better dig further to understand marriage. My education on marriage says that marriage is leading a house with two opinions. The two opinion are always there and equal in there capacity, but they lead only one house. This very fact needs how to entertain the two opinions especially when they are different.
      In the area of marriage our custom is declining, it needs attention from all stake holders. The stake holders needs also further knowledge on the very facts of marriage.
      Partnership in marriage is always there, it is the life they lead is one /unified/. But I agree that in any work one of the two partners may be the role player, but it should not be said he is keeping the house. Even the concept of keeping comes due to the other partner. I always feel that for the pot to serve the water inside for the user it needs stone support, and the work of the stone should not be neglicated. But lessons from the works of one partner should be taken in the absence blaming the other, as the result is of both.
      Even though it is too tough to express on the subject matter shortly let me finish by the above only.

      Delete
  2. አራት እግር ያለው መኪና አንዱ ጎማ ሲተነፍስ የሚቆመው ለምንድን ነው? ጥንድ የመሆን ፈተና ገጥሞት አይደል፡፡ ያልተነፈሱት ሦስት ጎማዎች በተነፈሰው አንድ ጎማ ምክንያት መቆማቸው የግድ ነው፡፡ ስንት የተጣመሩ ፓርቲዎች ከመካከላቸው እንደ ካልሲው የተቀደደ፣ እንደ ጎማው የተነፈሰ ሲያጋጥማቸው አይደል ቆመው ወይም ፈርሰው የቀሩት፡፡

    ReplyDelete
  3. Good views.
    Regarding couples in marriage (which is the foundation of family) the globalists do not want such life enabling social contract to thrive and prosper.Around two years ago a friend of me informed me the following website about such conspiracy. It is such an aye opening information to read.
    http://www.savethemales.ca/001904.html
    http://henrymakow.com/220801.html

    ReplyDelete
  4. You write exactly my personal story! Tidar gojo endih kehone minale lebicha shi amet kurmit bilu!

    ReplyDelete
  5. Honestly speaking this article is not impressive unless it has an objective of promoting Ato Getahun.

    ReplyDelete
    Replies
    1. To speak honestly, first you have to be honest for yourself, but not. If you do not learn from or understand this article, you are not honest.

      Delete
    2. " You are nor honest if you don't understand this article" ? What does this mean? ..

      Article is not God's word..

      Delete
  6. wey dani , gud eko new , eyetaweche hulu astemariwech nachew , ye teru memeher wetet endehonke yasmesekeral . beta bezehu ketel .

    ReplyDelete
  7. hooo dani eyetaweche hulu betam astematri ena denke nachew , antem yasmesekerkew yanten tebib ena asteway mehonehen becha sayhon yastemaruhe memeroch wetet mehoneh new , berta tenkerehe sera yanen new agerem hezbem , EGZIABEHEREM yemiwedew . TEBAREK ABZETO YESTEHE

    ReplyDelete
  8. bequsawi negr enji hiwt balew negr ayaskedm

    ReplyDelete
  9. Wow!! Yeliben Negerkegn. God bless you

    ReplyDelete
  10. ድንቅ እይታ ነው ዲን. ዳንኤል፤ ቃለ ሕይወት ያሰማልን፤ የአገልግሎት እድሜህን ያርዝምልን።

    ReplyDelete
  11. kale hiywot yasemah melkam mikir.

    ReplyDelete
  12. Dani! . . . yih fetena beyetignawum akitacha ale mallet new. tikim gin yelewum.

    ReplyDelete
  13. Hulum kumnegern+kechewata.yeyazenew.enameseginalen.D.n Daniel.
    asedemaryam ke Frankfurt.

    ReplyDelete
  14. Dani, you are our manual and our asset I always excited by your writing system I wonder you.

    ReplyDelete
  15. Igziabiher yibarkih, barkohallimm.

    ReplyDelete
    Replies
    1. EGEZIABHER yebarekeh!!!! Barkohalemem

      Delete
  16. I LOVED IT DANIYE

    BINI

    ReplyDelete
  17. i have no word 2 thank u any way God bless u

    ReplyDelete
  18. It seems supporting divorce. Is that? If so, what about the coexisting or harmonizing? spirituality? ...

    ReplyDelete
  19. ምን ነው ዳኒ እረሳኸው ካልስ እኮ አንዳንዴ ተስፍቶ ይለበሳል፡፡አንዱ አይነት እይታ ብቻ ነው የፃፍከው፡፡

    ReplyDelete
    Replies
    1. nice perspective. very wise.

      Delete
  20. betam arif miliketa new!!!

    ReplyDelete
  21. Rome ena Bergude. Denke new Dani

    ReplyDelete
  22. ለብዙ ነገሮች እስማማለሁ፡፡ በትዳር ጥንድነት ግን የመውጫ በር ሊኖር አይገባም ብዬ አምናለሁ፡፡ በርግጥ ለዚህኛው ጥንድነት ዝሙት መውጫ በር ነው የሚለኝ ካለ ያማ ዙሪያው በር ሆኖ (ፈርሶ) ነው እላለሁ፡፡

    ReplyDelete
    Replies
    1. Thank you so much the Anonymous person, he is trying to separate husband and wife. Divource is not allowed in our church.

      Delete
    2. Bebizu neger esmamalehu, betidar gin alsmamam.

      Delete
    3. Thanks my dear..
      Can you imagine looking/prepare an emergence exit for marriage ? It is so funny especially hearing such ideas from Dn. Daniel , son of our church ( Ethiopian Orthodox), preacher and social blogger..;-))

      Delete
    4. He is a human being no body is perfect. When someone is working hard it may some mistake please don't take all his advice like God words. Daneil knows that divorce is not support by Bible however his personal opinion is matter. Some people evenif they know God is not allowed to do something. They follow their personal opinion. We have to pray for him because he have been working for us many years some times mistakes happned.

      Delete
    5. ውድ ወንድሜ እኔ ዳኒ ከንስር ዓይኖቹ ያራቃቸውን ለማቅረብ እንጂ መምህሬን የክፉ ዓላማ አራማጅ (የቤተ-ክርስቲያናችንን ስርዓት አፍራሽ) ነው እያልኩ አይደለም፡፡ ይህንን ደግሞ ለሁለት አስርት ዓመታት በቃል በመጻፍ ከሱ ስቀበል ኖሬያለሁና በድፍረት መመስከር እችላለሁ፡፡ ‹ እግር እኔ እጅ አይደለሁምና የአካል ክፍል አይደለሁም ብትል ይህን በማለትዋ የአካል ክፍል መሆኑዋ ይቀራልን › ብሎ አስተምሮኛልና፡፡ ይልቅስ አንዱ ለሌላው ይጸልይ!!!

      Delete
    6. Windemoch,

      We all are talking about a single blog with a specific idea from this blog (emergence exit for marriage). We are not talking about Dn. Daniel's work for a couple of decades. It is undeniable that he is one of the very few wonderful son of the church. The point is care should always be taken while broadcasting to the society.

      Delete
  23. ፈጣሪ የበለጠ እውቀት ይግለጥልህ! እንዲህ ያሉ ማህበራዊ ምሁራን ያብዛልን!

    ReplyDelete
  24. To get our good pairs,the best solution is prayer by which Our Lord can do a.d give whatever we want our good partners,Egziabher yistelen,ejig astemari tsehuf new

    ReplyDelete
  25. As usual it is a lesson, but I can't publish in pdf, because I always download all these articles.

    ReplyDelete
  26. As usual it is a lesson, but I can't print it in pdf. I always download and file in a folder all your articles.

    ReplyDelete
    Replies
    1. Firs copy then past into microsoft word after that click Acrobat that appear the right side of the top catagory them click creat PDF. Shame on you, you don't know how to creat PDF at 21st century. If you need more information please come to us Magic Computer school. Address next to Merkato bus stop.

      Delete
  27. girum daneil ! please don't stay write day to day.

    ReplyDelete
  28. Thank you so much Dani. This is the main Ethiopian problem. We always think Tigray people and Eretria people are an Ethiopian but they are not. They are the problem of Ethiopia. We have been more than 500 year in war because of this two region. At the movement Eretria is not a problem for Ethiopian growth but we have to work hard to separate Tigray from Ethiopia then we can meet our goal. I belie the old sock is Tigray people and the new sock is Ethiopian. God bless you Dani.

    ReplyDelete
    Replies
    1. how on earth you give this kind of meaning to this article?

      Delete
    2. "God bless you Dani" Endezih aynet astesaseb yzeh gin endet new ye Egziabhern sim yemtiteraw? Lenegeru batawkew new enji btawks noro be Esu amsaya yetefeteren hizb( Be it Tigray, Eritrea, Oromo....) endezih bleh atankuashishm neber. Demo rasihn chal, be sew lai atinteltel. Ye Dn. Dani'n hasab wedante dekama astesaseb lemamtat atmokir. Dani lemalet yefelegewun blewal. Ante man new yesun terguami yaregeh ebakih.

      Delete
  29. You always talk about politics, where is God, Marry, Church. Please go back into your past life. I will pray for you.

    ReplyDelete
  30. It is wonderful view really! Keep it up Dani.

    ReplyDelete
  31. well said Dn.Daniel...i like your blogs.keep it up please....

    ReplyDelete
  32. Nice looking dear & i need more ..................

    ReplyDelete
  33. Dear all,
    Why we be in a hurry to make one sided translation and voice???? Who said separation is the ultimate solution? In this age, at the 21st century when the Globe is coming closer and small countries are working to merge and form economically, socially giant countries, do we think and ever dream to separate and again commit the same mistakes that others have done? Separation of a family, husband and wife, brothers and sisters, friends, etc are all the results of the Devil. Pls,lets think in another angle, narrow our differences and win those who have selfish political agenda. And this will be our exit mechanism.

    ReplyDelete
  34. ዳኒ የተመሳሳይ ፆታ ጥንድ መሆንን ምን ትለዋለህ? እግዜር ከዚህ ይጠብቀን!

    ReplyDelete
  35. ዲ. ዳንኤል እጅግ በጣም ስራዎችህን ስለምወዳቸዉ ሙሉ አካላትህ ረዥም የስራ ዘመናት ይኑራቸዉ፡፡ አምላክ ያበርታህ!

    ReplyDelete
  36. sima Dnai,
    R U married?
    or are you same people as business advisors who doesn't have a business for thmesleves!

    ReplyDelete
    Replies
    1. I think you and some guys have missed the concept of this article. The article did not enhance divorce, instead it suggest what should be considered before marriage. Besides it also says that partnership in all aspects may not be successful. Even though it does not explicitly says what I understand from the article is that the only way to continue with partnership is appreciating those differences.
      I feel also the best way besides improvement in manner in the marriage world is to appreciate the hard fact in our partners. What I understand and define love is giving with out expecting. To be a house holder one has to marry, to have this one has to withstand the problem of his partner.
      Good choose for partner in the marriage world helps not more than 50%, instead how to live on marriage gives 100% relief in life. And I understand what Daniel says is one has to know how to live.

      I am not in fever of Daniel, but I do not feel ashamed if I had had in fever of him.

      Delete
  37. አሁንም ተባረክ፡፡እግዚአብሔር ስለ እኛ ስለማናስተውልና አይነ ስውር ልጆቹ ሲል የአንተን የማስተዋል አይን ይበልጥ ያተልቅልህ፡፡ሁሌም በምህረቱና በፍቅሩ ያስብህ፡፡

    ReplyDelete
  38. ጥንድነት የሚያመጣውን ፈተና ለመወጣት አንድም የዳበረ የኑሮ ጥበብ ያሻል፣ አንድም የታሰበበትና ተገቢ የሆነ የጥንድነት ልማድና ሕግ ያስፈልጋል፤ አንድም ደግሞ ከፈተናው የመውጫ ውጤታማ የአደጋ ጊዜ በር ሊሠራ ይገባል፡፡ ጥንድነት የሚያመጣውን ፈተና ለመከላከል፣ ካልሆነም ለመፍታት የሚያስችል ከማኅበረሰቡ ጋር የተዋሐደ የኑሮ ጥበብ ያስፈልጋል፡፡ ይህንን የኑሮ ጥበብ ለመገንባት ደግሞ የሃይማኖት ትምህርቶች፣ ሥነ ቃል፣ ሚዲያና ዘመናዊ የኑሮ ዘዴ ትምህርቶች ታላቅ አስተዋጽዖ ያደርጋሉ፡፡

    ReplyDelete
  39. ዲ. ዳንኤል እጅግ በጣም ስራዎችህን ስለምወዳቸዉ ሙሉ አካላትህ ረዥም የስራ ዘመናት ይኑራቸዉ፡፡ አምላክ ያበርታህ!

    ReplyDelete
  40. ዲ/ን ዳንኤል እንደምን አለህ? ቃለ ህይወት ያሰማልን!
    እኔ እምለው ግን ለመሆኑ አገር የሚባለው ጋራውና ሸንተረሩ ነው ወይስ ሰዉ? አለያስ የሁለቱ ጥምረት?
    መሬቱ ከሆነ አገር የሚባለው፣ በእርግጥ አገር አለን ብየ እስማማለሁ! ሰዉ ከሆነ አገር የሚባለው አገር አለን ብየ የማምነው “እግዚአበሔር ሰውን ተንኮለኛና ምቀኛ አድርጎ ፈጠረው” ከተባለ ነው፡፡ መልካም ሰዎች የሉም ብየ አይደለም ፤ ነገር ግን ከሚያጋጥምህ ብዙው እንዲህ ሆኖ ስታገኘው ትደመድማለህ፡፡ ስለዚህ አገር የሚባለው ሰዉ ከሆነ አገር የለንም ማለት ነው፡፡
    የሁለቱ ጥምረትም ከሆነ አገር የሚባለው፣ አሁን ከአገር ክፍሎች (components) አንዱ ይጎድላል ማለት ነውና አገራችን ጎደሎ ናት፡፡
    በጣም ተስፋ እየቆረጥኩ ስለሆነ ምን ትለኛለህ?

    ReplyDelete
  41. Three days before, we heard in the medias an Ethiopian domestic worker, who work in Kuwait, murdered a Kuwait girl and admitted it to the police. But after that her acts have caused lots of problems for other Ethiopian workers. Their employers and the people start acting differently towards them (as Dn Daniel well expressed it in this article) because of one person all Ethiopian workers have
    Considered as 'bad people.'

    ReplyDelete
    Replies
    1. ጥንድነት የሚያመጣውን ፈተና ለመወጣት አንድም የዳበረ የኑሮ ጥበብ ያሻል

      Delete
  42. ፍየል ቀንዷ ለምን ወደ ኋላ ዞረ? ሲባል፤ ስትገባ መውጫ መውጫውን ለማየት ነው አሉ፡፡

    ReplyDelete
  43. you do explain it very well dear Daniel 'andande fetena new andande demo..........................' becha lebaleedar kaweran Egzeabher yerdan!!!!!!!!!!!!!

    ReplyDelete
  44. ትላልቅ የዕቃ መደብሮች ፡ ሆስፒታሎች ፡ በአጠቃላይ ብዙ ሰው ሊያሰባስቡ የሚችሉ ቦታዎች ፡ ለአደጋ ገዜ ብቻ የሚያገለግል ፡ በተረፈ ግን ሁሌ ተዘግቶ የሚኖር በር አላቸው ፡፡ አደጋ ቢነሳ ለማምለጫ ነው፡፡

    የአስተያየት ሰጭው ቁጥር ግን በትዳር ላይ በርከት ብሏልና ፡ እስቲ ወደ ትዳሩ፡፡

    በመጀመሪያ ተፋቱ የሚል ሃሳብ ዲ/ን ዳነኤል አላቀረበም ፡፡ ሰለዚህ አፍቃሪዎች ሆይ ተረጋጉ፡፡ ለአዳራሽ የአደጋ መዉጫ የሚዘጋጀው ፡ ሰው አስገብቶ አደጋ ለማድረስ ሳይሆን ፡ ለጥንቃቄ ነው፡፡
    አቶ ጉተማ የተባሉ የሰፈሬ ሽማግሌ ትዝ አሉኝ ፡፡ በልጂነቴ ፡ ከጓደኞቼ ጋር ሰንጫወት በድንገት ብቅ ይሉና ፡ ያገኙትን ልጅ በቁንጥጫ ጆሮውን ወደላይ ይስቡታል፡፡
    " ምን አርግኩኝ?" ብሎ ለጠየቀ መልሳቸው
    " ምን የማታረጉት ነገር አለ" የሚል ነበር ፡፡
    ልጥንቃቄ መሆኑ ነው ፡ ቁንጥጫ በታሳቢ!

    ታዲያ ትዳርም ላይ እንደ ሠርጉ ሁሉ ፡ ፍችም ሊያጋጥም ይችላልና ፡ ቅድመ ዝግጅት ካለው ፡ በሁዋላ የከረረ ጦርነት የለውም፡፡ ተለያይቶም ወንድምና እህት መሆን ይቻላል፡፡
    አንድ አምሳል አንድ አካል ነን ፡ ተዘጋጁ ማለት የሰይጣን ሃሳብ ነው የምትሉ ፡ የአብረሃምንና የሣራን ሕይወት እምኝላችሁዋለሁ! እንደምኞት ሳይሆን ቢቀር ግን ፡ እባካችሁ ቆንጨራ አትማዘዙ ፡፡

    በቀዳዳው ካልሲ ብዛት ፡ ሳይሳኩ የቅሩት የስራ ውጥኖች ብዛት ቀላል አይደለም፡፡ ብዙ ሰው ፈጣሪ " ጥረህ ግረህ ፡ እንጀራህን ብላት " እንዳለው አልሰማም ወይም አይሰማኝም ብሎ ትቶታል ፡፡ የስው እንጀራ ሲያቆመጥጥ ይኖራል!

    ቀዳዳ ካልሲ በፖለቲካው ፡- ይህ በጣም ሰፊ መወያያ ነጥብ ነው ፡፡ ለግዚው የሙሉቀን ዘፈን ላይ ያል ግጥም

    እኔም ልጅ እሷም ልጅ ተጋቡ ይሉናል
    የተሰቀለውን ማን ያወርድልናል

    በቸር ይግጠመን!
    ጌቱ ከጀርመን

    ReplyDelete