Thursday, January 16, 2014

ገና በጎዳና

ሁለት የጎዳና ልጆች የገና ዋዜማ አመሻሽ ላይ፣ ጎዳና ዳር ቁጭ ብለው አላፊ አግዳሚው ለዓመት በዓሉ ሲራወጥ ያያሉ፡፡ ዶሮ ያንጠለጠለ፣ በግ የሚጎትት፣ ቄጤማ የቋጠረ፣ በሬ የሚነዳ፣ እህል ያሸከመ፣ ‹የገና ዛፍ› የተሸከመ፣ አብረቅራቂ መብራት የጠቀለለ፣ ዋዜማ ሊቆም ወደ ቤተ ክርስቲያን ነጭ ለብሶ የሚጓዝ፣ ምሽቱን በዳንስ ሊያሳልፍ ሽክ ብሎ ወደ ጭፈራ ቤት የሚጣደፍ፣ ብቻ ምኑ ቅጡ፣ ከተማዋ ቀውጢ ሆናለች፡፡
እነርሱ ደግሞ የተበጫጨቀች ልብስ ለብሰው፣ የደረቀ ዳቦ ይዘው፣ በቢል ቦርድ ላይ የተለጠፈውን የጥሬ ሥጋ ሥዕል እያዩ፣ መጣሁ መጣሁ የሚለው የገና ብርድ እያቆራመዳቸው፣ የቆሸሸ ሰውነታቸውን እየፎከቱ፣ የቀመለ ፀጉራቸውን እያከኩ፣ በታኅሣሥ 15ና በታኅሥ 29 መካከል ያለው ልዩነት ጠፍቷቸው፣ የበግ ድምጽ እንጂ ሥጋው ርቋቸው፣ የበሬው ፎቶ እንጂ ሥጋው ጠፍቶባቸው፣ ያገኙትን ወረቀት እያነደዱ ጎዳናው ዳር ተቀምጠዋል፡፡
‹‹ቆይ ግን ገና ምንድን ነው?›› አለ አንደኛው ሰውነቱን እየፎከተ፡፡
‹‹የክርስቶስ ልደት ነዋ፤ በማይክራፎን ሲሰብኩ የሰማሁት እንደዚያ ነው››
‹‹የት፣ መቼ፣ ለምን ተወለደ?››

‹‹እነርሱ የሚሉት ቤተልሔም በምትባል ከተማ፣ በእኩለ ሌሊት፣ በብርድ ወቅት፣ ራቁቱን፣ እናቱ በከተማዋ ማደሪያ የሚሰጣት አጥታ፣ በተናቀው ቦታ በከብቶች በረት ውስጥ ተወለደ፡፡ በጣም ስለበረደውና ራቁቱን ስለነበር ከብቶቹ በትንፋሻቸው አሞቁት፤ ሌላ ሰው ስላልነበረ እረኞቹ መጥተው ዘመሩለት፡፡ እንዲህ ነው የሰማሁት፡፡››
‹‹እኛምኮ እንደርሱ የሚያስጠጋን አጥተን ነው ጎዳና የወደቅነው፡፡ እንደርሱ ራቁታችንን ነን፤ እንደርሱ የሚበላ የለንም፤ እንደርሱ እኛንም የሚያሞቁን እነዚህ ውሾች ናቸው፤ እንደርሱ እንደርሱ እኛም በተናቀው ቦታ ላይ ነን›› አለ ሁለተኛው ልጅ ውሻውን እየደባበሰ፡፡
‹‹የሚገርምህ ነገር ጌታ የተወለደው በከብቶች በረት ዋሻ ውስጥ ነው፡፡ ያኔ ጥድ የለም፤ በረት እንጂ፡፡ ጌታኮ ጫካ ውስጥ አልተወለደም፡፡ ያኔ ከረሜላ የለም፤ ያኔ ጥጥ የለም፣ ያኔ ፖስት ካርድ የለም፣ የሰብአ ሰገል ወርቅ፣ ዕጣንና ከርቤ እንጂ፡፡ አሁን ይኼን ሁሉ ከየት እንዳመጡት እንጃ፡፡ ይልቅስ ራቁታችንን ሆነን፣ የሚበላ ናፍቆን፣ በእንግዶች ማረፊያ ሥፍራ የሚሰጠን አጥተን፣ ከእንስሳት ጋር ተኝተን እኛ አለንላቸው፡፡ ገናኮ መከበር የሚገባው ከእኛ ጋር ነበር፡፡ ገና የሀብታሞች ሳይሆን የድኾች፣ የተከበሩ ሳይሆን የተዋረዱ፣ ቤት ላላቸው ሳይሆን ማደርያ ያጡ፣ ዘመድ ያላቸው ሳይሆን ወገን ያጡ ሰዎች በዓል ነው፡፡ ገና የሚወርዱበት እንጂ የሚወጡበት በዓል አልነበረም፡፡››
‹‹እኔም እሱን እያሰብኩ ነበር፡፡ ተመልከት ያኔ የዘመሩትን እረኞች አሁን ማንም አያስታውሳቸውም፡፡ ያኔ የቤተልሔም ሰዎች በጥጋብና በዕንቅልፍ ተወስደው አላስጠጋው ሲሉ በረታቸውን የሰጡት ከብቶች ነበሩ፡፡ አሁን የእነርሱ ዋጋ መታረድ ሆነ፡፡ በዓሉኮ የከብቶች በዓል ነበረ፡፡ እኔ ከብቶች ውለታ በዋሉበት፣ ከሰው የሚበልጥ ሥራ በሠሩበት በገና ቀን መታረዳቸው ይገርመኛል፡፡››
‹‹አይግረምህ፤ በሰው ልጅ ታሪክ ሁሉ እንደዚህ ነው፡፡ ታሪክ የሠሩትና መሥዋዕትነት የከፈሉት ምንጊዜም መሥዋዕት እንደሆኑ ናቸው፡፡ በኋላ የሚጠቀመው ታሪክ ሠሪው አይደለም፤ ታሪክ ተራኪው ነው፡፡ ‹የበሬን ምስጋና ወሰደው ፈረሱ› የተባለው ዝም ብሎ እንዳይመስልህ፡፡ አንተ በሠራኽው ታሪክ አንተን አርደው ያንተን በዓል የሚያከብሩ ሞልተዋል፡፡››
‹‹እርሱማ አታይም እንዴ፤ በኛ በድኾች ስም ይለመናል፤ ብር ይሰበሰባል፤ እኛ በፊልም እየተቀረጽን ታሪኩን እንሠራዋለን፤ በኋላ ግን እኛው ራሳችን በድህነት ቢላዋ እንታረድና የኛን በዓል ሌሎች ያከብሩልናል፡፡ ታሪኩን የሚሠሩት እረኞች፣ አበሉንና ደመወዙን የሚበሉት ግን የቤተልሔም ሰዎች፡፡ አንተ ፖስት ካርድ ብቻ ሆነህ ትቀራለህ፡፡ እስኪ የገናን በዓል ተመልከት፡፡ እረኞቹ የታሉ፤ በረቱ የታለ፤ ከብቶቹ የታሉ፤ ከሩቅ ሀገር የመጡት የጥበብ ሰዎች የታሉ፤ ጌታ የተኛበት የእንጨት ርብራብ የታለ፡፡ ሁሉም የሉምኮ፡፡ የእረኞቹን ቦታ ተኝተው የነበሩት የቤተልሔም ሰዎች ወስደውታል፤ የበረቱን ቦታ የገና ዛፍ ወስዶታል፤ የጥበብ ሰዎችን ቦታ የገና አባት ተረክቦታል፤ የከብቶቹን ታሪክ ሰባኪዎቹና ዘማሪዎቹ፣ ፓስተሮቹና ቄሶቹ ወስደውታል፤ የመላእክቱ ዝማሬ በጭፈራ ቤቶቹ ዘፈን ተተክቷል፡፡ ከብቶቹንም፣ እረኞቹንም፣ ሰብአ ሰገልንም፣ በረቱንም፣ መላእክቱንም፣ የምታገኛቸው ፖስት ካርድ ላይ ብቻ ነው፡፡››
‹‹የሚገርመኝ ምን እንደሆነ ታውቃለህ፤ በዚህ መንገድ ዳር በተሰቀለ ትልቅ ቴሌቭዥን ላይ ሳይ፣ የሃይማኖት አባቶች ‹በዓሉን ከተቸገሩት ጋር በማክበር አሳልፉት› ሲሉ እሰማለሁ፡፡ አንዳቸውም ግን ከመናገር ባለፈ ከተከበረ መንበራቸው ወርደው ከእኛ ጋር ሲያሳልፉ አይታዩም፡፡ ‹ክርስቶስ ከሰማያት ወረደ› ማለት እንጂ መውረድ ለካስ ከባድ ነው፡፡››
‹ካመጣኸውማ ገናኮ የመውረድ በዓል ነበር፡፡ ክርስቶስ ከሰማየ ሰማያት ወረደ የሚባልበት በዓል ነበር፡፡ አሁን ግን የሚወጣ እንጂ የሚወርድ የለም፡፡ ወደ እኛ የሚወርድ የለም፡፡ ሰው አምላክ መሆን ቢያቅተው አምላክ ሰው ሆነ ይላሉ፡፡ እኛ እንደነርሱ መሆን አቅቶናል፤ ታድያ ምናለ እነርሱ እንደኛ ቢሆኑ፡፡ በጣም የሚገርመው ሰብአ ሰገል ስጦታ የሰጡት ራቁቱን ለነበረው፣ ቤት ላጣው፣ የቤተልሔም ሰዎች አላስጠጋ ላሉት፣ ከሰው ወገን ጠያቂ ላልነበረው ለክርስቶስ ነበረ እንጂ ሁሉ በእጃቸው፣ ሁሉ በደጃቸው ለሆኑት ለቤተልሔም ሰዎች አልነበረም፡፡ ዛሬ ግን ስጦታው ለቤተ ልሔም ሰዎች ሆነ፡፡››
‹አንድ ቀን አንድ ሰው ሲያስተምር ምን ሰማሁ መሰለህ፡፡ ክርስቶስ ‹ተርቤ አላበላችሁኝም፣ ተጠምቼ አላጠጣችሁኝም› ይላል፡፡ የሰሙት ሰዎች ‹የት አግኝተን እናብላህ እናጠጣህ› ቢሉት ‹ለታናናሾቹ ካላደረጋችሁ ለእኔ አላደረጋችሁትም፣ ለታናናሾቹ ካደረጋችሁ ለእኔ አድርጋችሁታል› አላቸው አሉ፡፡ ታድያ ከኛ የባሰ ታናሽ ማን አለ? ያኔምኮ ክርስቶስ ተራ፣ ድኻ፣ እዚህ ግባ የማይባልና የተናቀ መስሎ ስለመጣ ነው የቤተልሔም ሰዎች ያላስጠጉት፡፡ ዛሬስ ድንገት ከእኛ መካከል ቢኖርስ፣ እዚህ ጎዳና ዳር ከውሾቹ ጋር ተኝቶ ቢሆንስ፤ በገዛ የልደቱ ቀን ሰዎች እርሱን ንቀው እያለፉ፣ ተጸይፈው እያለፉ፣ በጽድና በከረሜላ፣ በበግና በዶሮ፣ በጠላና በጠጅ፣ በፖስት ካርድና በስጦታ የራሱን በዓል እያከበሩለት ቢሆንስ፤ ››
‹ማን ያውቃል ወዳጄ፤ ሰው እንደሆነ በዓሉን እንጂ ራሱን ክርስቶስን የሚፈልገው አልመሰለኝም፡፡ ቢፈልጉት ኖሮማ አንድ ጥድ የሚገዙበት እኛን አልብሶ ‹ታርዤ አላለበሳችሁኝም› ከሚለው ያወጣቸው ነበር፤ የአንድ ፖስት ካርድ ዋጋ ለኛ የወር የቤት ኪራያችን ነበር፤ በጉን በልተው እንኳን ቆዳውን ቢሰጡን ለኛ የዓመት ቀለብ ነበር፤ ለከረሜላው የሚወጣው ገንዘብ የኛን የዓመት ጤና ይጠብቅ ነበር፡፡ አሁንማ የበዓሉ ምክንያት ተረስቶ በዓሉ ብቻ ቀርቷል፡፡››
‹‹እና አሁን ገና እየተከበረ ይመስልሃል››
‹‹ምን እየተከበረ ነው፤ እየተቀበረ ነው እንጂ››
© ይህ ጽሑፍ በአዲስ ጉዳይ መጽሔት የወጣ ነው

44 comments:

  1. Dear D/n Daniel k!!!

    I'm one of your reader recently.. and I wish you long live for you and family. now i'm very eager to know beyond the mission of TIENS company which is become popular in our country, this company is advising itself in nekemte town currently in 2006,,
    what is your view regarding this company , in respect of religion, can you recommend us to be a member???
    God bless you all day and night!! from Nekemte

    ReplyDelete
  2. በጣም ውስጥን የሚነካ ነገር ነው በእውነት እስቲ ሁላችንም እናስብበት
    ቃለ ህይወት ያሰማልን ዲ/ን ዳንኤል!!

    ReplyDelete
  3. ዘ ክብረ ሃይማኖትJanuary 16, 2014 at 11:28 AM

    እግዚአብሄር እረጅም እድሜ ከ ጤና ጋር ይስጥህ

    ReplyDelete
  4. ማን አውቆት?
    ፈጣሪ ተወለደ .... በበረት
    እስትንፋስ ገበሩለት ... እንስሳት
    አህያም አወቀ ... ጌታውን
    ላምም አስታወሰ ... አምላኩን
    እረኞቸም ዘመሩ ... ተደስተው
    ዕቡያኑ አይሁድ ግን ... ነበር ተኝተው
    ትንቢቱን እያወቁት ... ማረፊያ ነፍገው
    ዛሬም ቆሟል በበራችን... ማረፊያ ሽቶ
    ማነው "ግባ" የሚለው ... በሩን ከፍቶ
    መንገድላይ ወድቆ ዛሬም ... አንሱኝ ይላል
    እንደ ጻድቁ ብሶይ ... ማን አስተውሏል
    አምላኩን ከመንገድ አንስቶ ... ይሸከማል?
    ደግሞስ ቁራሽ ፍርፋሪ ... ማን ሰጥቶታል
    ራበኝ እያለ ጌታ ... ሰምተነዋል?
    ተትረፍርፎለት ሀብቱ ... ለሚተፋው
    ሁሉም ያሸረግዳል ... ላልጎደለው
    በግብዣው ይጋብዘዋል ... በጥሪው
    ደሀው ክርስቶስ ግና ... ቁራሽ የለው
    በላይ በላዩ ደጋግሞ ይጋታል ወይን
    ለጌታ ግን ሳይቸረው ቀዝቃዛ ውኃን።
    ከራሱ ተርፎ ውሻው ልብስ ደርቧል
    በብርድ ቆራምቶ ጌታን ትቶታል።
    እንግዳ ሆኖ መጥቶ ጌታ እኛ ቤት
    "ወግድ" ተብሎ ተሰዷል በታላቅ ውርደት።
    ታስሮም አልጠየቅነውም ፈረድንበት
    ታሞ ወድቆም አይተነው ንቀን አለፍነው
    ታዲያ በፍርድ ለታ በየት ልንቆም ነው?
    እርሱ የሰጠንን ሁሉ ከከለከልነው።
    ልቡና ይስጠን ጌታ አውቀን እንዳናልፈው
    እርሱ ከሰጠን ላይ እንድንመጸውተው
    እንደ አንጢላርዮስ ክፉ እንደነበረው
    ደግነት ያድለን እርሱ ነው መዳኛው።

    ReplyDelete
  5. ማን ያውቃል ወዳጄ፤ ሰው እንደሆነ በዓሉን እንጂ ራሱን ክርስቶስን የሚፈልገው አልመሰለኝም፡፡ ቢፈልጉት ኖሮማ አንድ ጥድ የሚገዙበት እኛን አልብሶ ‹ታርዤ አላለበሳችሁኝም› ከሚለው ያወጣቸው ነበር፤ የአንድ ፖስት ካርድ ዋጋ ለኛ የወር የቤት ኪራያችን ነበር፤ በጉን በልተው እንኳን ቆዳውን ቢሰጡን ለኛ የዓመት ቀለብ ነበር፤ ለከረሜላው የሚወጣው ገንዘብ የኛን የዓመት ጤና ይጠብቅ ነበር፡፡ አሁንማ የበዓሉ ምክንያት ተረስቶ በዓሉ ብቻ ቀርቷል፡፡››
    ‹‹እና አሁን ገና እየተከበረ ይመስልሃል››
    ‹‹ምን እየተከበረ ነው፤ እየተቀበረ ነው እንጂ›

    ReplyDelete
  6. i was crying when i read this. Thank you dn daniel. God bless you and your family.

    ReplyDelete
  7. denk eyta new!!! selam ena tenan lehulachen mastewalen yesten aman

    ReplyDelete
  8. It is very interesting message. D/n Daniel Kale Hiwot yasemalin.

    ReplyDelete
  9. Kalehiwot yasemalin.Ke Gegena befit bihon tiru neber

    ReplyDelete
  10. ትክክል ብለሃል ወይ ጉድ እኔም ዛፍ የገና አባትን ልዩ ልዩ ግጣጌጥችን ገዝቼ ልጆችን በቤት ውስጥ ደስ ለማሰኘት ከደከሙ እናቶችውስጥ ነኝ የሚገርመው ግን ከዚህ ምን ይማራሉ እያልኩ ነበር በደመነፍስ የማረገው ምንም ከዛፉ እና ከተገዛው ጌጣጌጥ ትምህርት እንደማይ ወስዱ ገብቶኛል ገን በብዛ እየተደረገ ያለው ይሄው ስለሆነ:: እራሴን ከአካባቢዬ ወጣ አርጌ የተለየ ነገር ለማድረግ አልቻልኩም :: አንተ በዚህ ታድለሃል ወጣ ብሎ ማሰብ በተለየ መልክ ማየት መታደልን ይጠይቃል::ዕንደኔ እነዚህ የጎንደር ጎዳና ተዳዳሪዎች ከገና ቀደም ብለው ቢመጡ ከብዙ ነገር ያድኑን ነበር:: እድሜውን ያድልህ ለኛም ማስተዋልን::

    ReplyDelete
  11. ".........ማን ያውቃል ወዳጄ፤ ሰው እንደሆነ በዓሉን እንጂ ራሱን ክርስቶስን የሚፈልገው አልመሰለኝም..."

    ReplyDelete
  12. ይህን ከበዓሉ በፊት አንብቤው ቢሆን ኖሮ ከሁለቱ ታናናሾች ጋር አከብረው ነበር። ለካስ አይኔ ተከፍቷል እንጂ አያይም። እንኳን አነተን የመሰለ መነፅር ጣለልኝ። ከእንግዲህ ግን የማይ ይመስለኛል። አንተንም መሳሪያው አድርጎ የቀረጸህ እግዚአብሔር ለኛ ሲል ያቆይልን። ከ መዘናጋትም ከ መታበይም ይጠብቅህ። ልክ እነዳሁኑ

    ReplyDelete
  13. you put one stone in my heart ,even if i am student,i am willing to help as much as i can in the future, tomorrow!

    ReplyDelete
  14. በጣም ነው የተሰማኝ ምናለ የህንን ቀድሜ ባነበብብኩነና የተቻለኝን ባረግኩ ነው ያልኩት በርግጥ ይሄ የአንድ ወቅት ሥራ ብቻ እንዳልሆነ ይገባኛል፡፡ እግዝአብሄር ትዕዛዙን ለመፈፀም ሁላችንንም ይርዳን፡፡ አሜን

    ReplyDelete
  15. I want to know what you did and how you spent the holiday

    ReplyDelete
  16. kadem bil tru naber. GBU & ur family

    ReplyDelete
  17. ............ታድያ ከኛ የባሰ ታናሽ ማን አለ? ያኔምኮ ክርስቶስ ተራ፣ ድኻ፣ እዚህ ግባ የማይባልና የተናቀ መስሎ ስለመጣ ነው የቤተልሔም ሰዎች ያላስጠጉት፡፡ ዛሬስ ድንገት ከእኛ መካከል ቢኖርስ፣ እዚህ ጎዳና ዳር ከውሾቹ ጋር ተኝቶ ቢሆንስ...........

    ReplyDelete
  18. ዳኔ ፣ በበኩሌ ከራሴ ጋር ቃል ኬዳን በዛሬው ለት ገብቸ አለሁ ። ይሕ ትልቅ ቅዱስ ትምሕርት ስለሆነ ብትችል የዜያ ሰው ይበለን እና ለከርሞ በበዓሉ ዋዜማ ጽሑፎን በድጋሜ ቤወጣ ብዙውን ምእመን ወደቀኝ ሌመራ ይችላል።በተረ ፈ መልካም የጥምቀት በዓል። የድንግል ልጅ አንተንና ቤተ ሰብሕን ይባርክ።

    ReplyDelete
  19. Isn't this what the church has been preaching for the last hundreds of years, only to fail till the present moment?. Your whole text is to sensationalize and grasp attention by stirring emotion. But not to find pragmatic solution to those homeless kids you are talking about. We don't have to help the poor to score a point in the heavens, or to make the creator happy, or because its Christmas. We ought to help because we are humans. we owe it to our humanity. your intention is good, but i am afraid you write in a sensational, fictional and unreal characters that looses touch with reality.

    ReplyDelete
  20. I am amazed by the 'qedem bil tiru neber' comments. This appears to mistakenly suggest there is only one holiday and that had passed. We have Timket, Fasika...and then Gena again ahead of us. What matters is to have the giving heart as of this moment. For that matter, you don't need Gena to be charitable as those in the street go hungry not only on Gena but every single hour. So, please go for it, and live the good Samaritan's way as of now! Dear Dani, more blessings for you and your family!

    ReplyDelete
  21. ታሪክ የሠሩትና መሥዋዕትነት የከፈሉት ምንጊዜም መሥዋዕት እንደሆኑ ናቸው

    ReplyDelete
  22. ታሪክ የሠሩትና መሥዋዕትነት የከፈሉት ምንጊዜም መሥዋዕት እንደሆኑ ናቸው

    ReplyDelete
  23. ታሪክ የሠሩትና መሥዋዕትነት የከፈሉት ምንጊዜም መሥዋዕት እንደሆኑ ናቸው

    ReplyDelete
  24. The idea is generally good, let alone Christians non-believers would also support it. It is good to remind Christians to mind what they do during such great Holidays.

    But, I do not in general find your fictional way of writing interesting. I find it difficult to finish the story as I could not imagine fictional street boys rehearsing such deep preaching.

    Daniel, please focus on ideas. Most of us are grown up citizens not children and we will get bored in the middle of your stories. You could present this story without involving the two characters.

    ReplyDelete
  25. የተቸገረ ብታይ ከንፈር ከመምጠጥ የቻልካትን ትንሿን አድርግለት! ሐዋርያው በሥራና በምግባር እንጂ በቃል ብቻ አንዋደድ እንዲል ለድኾች የቻልነውን እንስጥ! በየበአላቱ ዶሮ በማይጮኽበት ጢስ በማይጤስበት ቤት ያለችንን ተካፍለን እንብላ! ትዝ ይለኛል ልጅ እያለኹ እንደ ልደተ ክርስቶስ ባሉ በዓላት ላይ ከክፍል ጓደኞቼ ጋር ዶሮ እያሰራን ለድኾች እናበላ ነበር።

    http://yonas-zekarias.blogspot.co.uk/

    ReplyDelete
  26. D/daniel Egiziabehe Edmena tena yesteh
    badoneten enday aderekegn

    ReplyDelete
  27. ዳኒ እንኳን አደረሰህ።ሰው አምላክ መሆን ቢያቅተው አምላክ ሰው ሆነ።እስኪ እናስበው ለምን ይሆን አስተውለነው እናውቅ ይሆን? ክርስቶስ ከሰማዬ ሰማያት ወረደ ሰውግን መውረድአይፈልግም ወደላይ መውጣት እጁ ።ይገርማል ሰውግን ከየት የተማረውን ይሆን የሚሰራ? አባታችን መድሀኒታችን ያሰተማረን ሌላ ሰው በራሱ ያልተማረውን ከየት እደሚያመጣው በጣም ያሳዝናል። ዳኒእእግዚያብሔር ይባርክህ ምናልባት ከመቶ አስር እንኳን ይህን አስታውሶ ሊድን ቢታደል ማን ያውቃል አንም አስታዋሽ አትጣ ባለቤቱ ያስታውስህ መልካም በአል እስከ ቤተሰቦችህ እመኝልህ አለሁ ።ቸር ወሬ ያሰማን ከበላይ ነኝ።

    ReplyDelete
  28. ENASTEWELE!!!!!!!!!!!!!!!

    ReplyDelete
  29. ENASTEWELE!!!!!!!!1111

    ReplyDelete
  30. Amilake kidusan azang libi yisiten kale hiyiwot yasemaln.

    ReplyDelete
  31. betam talak mikir yalew melekt new ,,,egzaibaker yistilin ye agelglot zemenhn yarzmln

    ReplyDelete
  32. May God blees you brother!

    ReplyDelete
  33. አንተ በሠራኽው ታሪክ አንተን አርደው ያንተን በዓል የሚያከብሩ ሞልተዋል፡፡››
    የዛሬው አለም ህዝብ መመሪያ ይህ ነው መርዳቱ ቀርቶ መግደሉን በሰዎች መነገዱን በተወ

    ReplyDelete
  34. ገናኮ የመውረድ በዓል ነበር፡፡ ክርስቶስ ከሰማየ ሰማያት ወረደ የሚባልበት በዓል ነበር፡፡ አሁን ግን የሚወጣ እንጂ የሚወርድ የለም፡፡

    ReplyDelete
  35. ገናኮ የመውረድ በዓል ነበር!!!!!!

    ReplyDelete
  36. ገናኮ የመውረድ በዓል ነበር፡

    ReplyDelete
  37. ታሪክ የሠሩትና መሥዋዕትነት የከፈሉት ምንጊዜም መሥዋዕት እንደሆኑ ናቸው

    ReplyDelete
  38. In this article i was seeing my self from the begging to the end. Love it. Nice thought dear Deacon Daniel.

    ReplyDelete
  39. አሁንማ የበዓሉ ምክንያት ተረስቶ በዓሉ ብቻ ቀርቷል

    ReplyDelete