Tuesday, January 22, 2013

‹ጎደሎ እንደሆንን አናስብ›




በዘመናዊው የስፖርት ታሪካችን ውስጥ በእግር ኳስ ዓለም እንደ ትናንቱ አንገታችንን ቀና አድርገን በኩራት የሄድን አይመስለኝም፡፡ ለካስ እንችላለን፤ ለካስ ከሠራን የማንሆነው የለም፣ ለካስ ጥረት ካለ ለእኛ ያልተፈቀደ ነገር የለም፤ ለካስ ትብብር ካለ እንዳንወጣው የተከለከለ ተራራ፣ እንዳንሻገረም የታጠረ ገደል የለም፤ ለካስ ‹እችላለሁ› ብሎ ማሰብ ከተቻለ የማይቻል ነገር የለም፡፡ ኢትዮጵያ እንደ ብራዚል ስትጫወት፣ እንደ ጣልያን ስትከላከል፣ እንደ ስፔን ስታጠቃ ከማየት በላይ ምን መታደል አለ፡፡ ልጆቹ ከባርሴሎና ማሠልጠኛ የወጡ ናቸው እንዴ? የአፍሪካ ዋንጫ የተጀመረው ዛሬ ነው እንዴ? እያሉ እነ ቢቢሲና ሲኤንኤን፣ አልጄዚራና ሱፐር ስፖርት ውዳሴ ሲያዘንቡ መስማት መታደል ነው፡፡

ምርጥ ደራሲ ደርሶት፣ ምርጥ ዳይሬክተር አዘጋጅቶት፣ ምርጥ ተዋንያን እንደተወኑት ምርጥ ድራማ፤ የተጠና፣ የተቀናበረ፣ ምት ያለው፣ የተሠናሰለ፣ ምርጥ ጨዋታ ነበር ልጆቻችን ያሳዩን፡፡ በዚህኛው የአፍሪካ ዋንጫ የመጀመርያውን ቀይ ካርድ አይተን፣ በዐሥር ተጨዋች ተጫውተን፣ አስቀድሞ ግብ ገብቶብን በሙሉ መተማመንና፣ በኢትዮጵያዊ ወኔ መጨዋት፣ መረበሽን ተቋቁሞ ከመከላከል ወደ ማጥቃት መዞር፣ በራስ የግብ ክልል እንኳን ተረጋግቶ ኳስ መቀባበል፣ ይህ ነው መጀመርያ የተሸነፈው ቡድን፡፡
 የኢትዮጵያ ብሔራዊ ቡድን ከሀገሩ ወጥቶ ሲጫወት ብዙዎቻችን የምንፈራው ብዙ ግብ አስተናግዶ እንዳይመጣ ነበር፡፡ ሽንፈቱ ቀለል ያለና አጥንት የሚሰብር እንዳይሆን ነበር፡፡ ዛሬ ይህ አስተሳሰብ ተሸንፏል፡፡ ብሔራዊ ቡድኑ መጀመርያ ያሸነፈው ዛምቢያን አይደለም፡፡ ኢትዮጵያውያንን ነው፡፡ ‹ድብልቅልቃቸው ወጥቶ፣ ደርዘን ግብ አስተናግደው፣ የሌሎች የነጥብ መሰብሰቢያ ሆነው፣ አንገታችንን አስደፍተው ይመጣሉ፤ እኛ ሩጫ እንጂ እግር ኳስ አይሆነንም፤ እንዲያውም ሳናልፍ በቀረብን› የሚሉ የሀገር ቤት ቡድኖችን ነው ያሸነፉት፡፡ ሳላህዲን በዛምቢያ ላይ የተሰጠውን ፍጹም ቅጣት ምት ስቶታል፡፡ በደካማ አስተሳሰቦች ላይ፣ አይሆንም፣ አይሳካም፣ አይቻልም፣ የትም አንደርስም በሚሉ ቀድመው የሚሸነፉ ስሜቶች ላይ የመታውን ፍጹም ቅጣት ምት ግን በሚገባ አስቆጥሮታል፡፡ 
 በጨዋታው አጋማሽና በጨዋታው መጨረሻ በዲኤስ ቲቪ ሱፐር ስፖርት ጨዋታውን ይተነትኑ የነበሩት ባለሞያዎች በኢትዮጵያውያኑ አጨዋወት፣ በራስ መተማመን፣ መናበብ፣ ታክቲክና ጥንካሬ ላይ አስደናቂ የሆኑ አስተያየቶችን ሲሰጡ ነበር፡፡ ያውም ከብራዚል ጋር እያነጣጠሩ፡፡ ኢትዮጵያ ውስጥ ይተላለፉ ከነበሩ የሬዲዮ ፕሮግራሞች በአንዱ የተገኙ አንድ የእግር ኳስ አሠልጣኝም ‹የእኔም ሥጋት ዛሬ ተቀርፏል›› ብለው ነበር የተናገሩት፡፡ ከዚህ በላይ ምን ድል አለ?
አስቀድሞ ሳላህዲን ሰኢዲ ፍጹም ቅጣት ምት ሲስት፣ በኋላም ኢትዮጵያዊው ግብ ጠባቂ በቀይ ሲወጣ የተከፈተው የተስፋ መስኮት ገርበብ ያለ መስሎ ነበር፡፡ በወቅቱ በፌስ ቡክ አስተያየታቸውን ይሰጡ የነበሩ ኢትዮጵያውያንም ‹‹አይይይ›› ‹‹ኡፍፍፍ›› ‹‹ውይይይ›› የሚሉ የንዴት፣ የተስፋ መቁረጥና የቁጭት ድምጾችን ያሰሙ ነበር፡፡ ልጆቹ ግን የነበረውን እንዳልነበረ፣ የተደረገውን እንዳልተደረገ ቆጥረው ግብ እንዳገባ ተጨዋች ነበር የሚጫወቱት፡፡ የኢትዮጵያ እግር ኳስ ያስመዘገበው አዲስ ድል ይህ ነው፡፡ ዳኛው በግብ ጠባቂው ላይ ቀይ ካርድ ቢመዙም፣ ተጨዋቾቹ ግን በመደናገጥና በመረበሽ፣ ተስፋ በመቁረጥና ከንግዲህ አለቀልን በሚለው ስሜት ላይ፣ ከፊሽካ በፊት በመሸነፍና ከፍጻሜው በፊት በመጨረስ ድክመት ላይ ነበር ቀይ ካርዳቸውን የመዘዙት፡፡
 ትናንት ግብ ጠባቂያችን ጀማል ጣሰው አይደለም ከሜዳ የወጣው፡፡ ‹‹አንችልም አይሆንልንም፣ ዛምቢያኮ ያምናው ሻምፒዮና ነው፤ በጎዶሎ ተጨዋች መጨዋት ከባድ ነው፤ ከእንግዲህ ሌላ ግብ እንዳይገባ መጠበቅ ብቻ ነው፤ በቃ አለቀልን ማለት ነው፤ የኛ ነገር እንዲህ ሊሆን ነው›› የሚለው ቀድሞ አብሮን ይጫወት የነበረ አሥራ ሁለተኛው ክፉ ተጨዋች ነበር በቀይ ካርድ የወጣው፡፡ እንዲያማ ባይሆን እንዲህ ያለ መረጋጋት፣ እንዲህ ያለ በራስ መተማመን፣ እንዲህ ያለ ወኔ፣ እንዲህ ያለ በጎደሎ ተጨዋች ተጫውቶ ማጥቃት፣ እንዲህ ያለ ከቅጣት በኋላ ውብ ጨዋታ ማሳየት፣ እንዲህ ያለ በፈተና ውስጥ እያለፉ ታሪክን መቀየር ከየት ይመጣ ነበር? ጀማል አንተ አይደለህም ከሜዳ በቀይ ካርድ የወጣኸው፣ ይሄ አሥራ ሁለተኛው ክፉ ተጨዋች ነው ከሜዳ የተባረረው፡፡
ቀዩ ካርድ ተመዘዘ፡፡ አንድ ተጨዋች ተቀነሰ፡፡ ተመርተን በመጀመርያው አጋማሽ ከሜዳ ወጣን፡፡ መልበሻ ክፍል ውስጥ ምን ተመከረ? እንዲህ ነበር ያሉት ‹‹እኛ ሙሉ ነን፤ ፈጽሞ ጎደሎ እንደሆንን አናስብ››፡፡ እውነትም ከዕረፍት መልስ የወጣው ቡድን ጎደሎ አልነበረም፡፡ ሙሉ ነበር፡፡ አንድ ብሔራዊ ቡድን የሚያስፈልገውን ሁሉ የታጠቀ፤ ወኔና ክሂሎት የሰነቀ ቡድን ነበር፡፡ ትናንትና ከዛምቢያ ጋር ነጥብ ተጋርተን ነበር የወጣነው፡፡ ‹‹ጎዶሎ ነን›› በሚለው ስሜት ላይ ግን ሙሉ ሦስት ነጥብ ይዘን ነው የወጣነው፡፡
 እውነታቸውን ነው ዓለም እንደሆነ ምንጊዜም አትሞላም፡፡ ‹‹ሁሉ ሙሉ ሁሉ ዝግጁ›› የሚሆነው ለማስታወቂያ ብቻ ነው፡፡ የዚህ ዓለም ጉዞ ሲሞላ ሲጎድል ነው፡፡ ታድያ ለምን ያለንን እንጂ የጎደለንን እናስባለን፡፡ ዓይን ላይኖረን ይችላል፤ ግን አእምሮ አለን፤ እጅ ላይኖረን ይችላል፤ ግን ዓይን አለን፤ ሥራ ላይኖረን ይችላል፤ መሥራት የሚችል ሙሉ ጤና ግን አለን፤ እናት ላይኖረን ይችላል፤ ከእናት የሚመረጥ አባት ግን አለን፤ አባት ላይኖረን ይችላል፤ እንደ አባት የሚከባከቡ ብዙ አጎቶች ግን አሉን፤ ውጤት ማምጣት ያለብን ስንሟላ ብቻ ነው እንዴ?
የብሔራዊ ቡድኑ ተጨዋቾች ‹ጎደሎ እንደሆንን አናስብ፡፡ በቤታችን ያልተሟላ ነገር አለ፡፡ በቢሯችን ያልተሟላ ነገር አለ፡፡ በትዳራችን ያልተሟላ ነገር አለ፡፡ በንግዳችን ያልተሟላ ነገር አለ፡፡ በሀገራችን ያልተሟላ ነገር አለ፡፡ በትምህርታችን ያልተሟላ ነገር አለ፡፡ በጤናችን ያልተሟላ ነገር አለ፡፡ በአካላችን ያልተሟላ ነገር አለ፡፡ በፍላጎታችን ያልተሟላ ነገር አለ፡፡ ግን ለምን ጉድለታችንን ብቻ እናስበዋለን፡፡ ለምንስ መጉደላችንን ብቻ እየሰብን እንብሰከሰካለን፡፡ ለምንስ የወደፊቱን ላለፈው ነገር ስንል እንሠዋለን፡፡ ለምንስ ነገን በትናንት ምክንያት እናበላሸዋለን፡፡ 

ተጨዋቾቹ ምንድን ነው ያደረጉት? አንድ ተጨዋች ጎድሎብናል፡፡ አዎ፡፡ ልንተካው እንችላለንን? አንችልም፡፡ ታድያ ምን እናድርግ? ጎደሎውን በሌላ ነገር እናሟላው፤ በምን? ባለን ነገር ጎደሎውን እንሙላ፡፡ ምን አለን? ተናብቦ፣ ተገናዝቦ፣ ተሳስቦና ተረባርቦ የመጨዋት ችሎታ አለን፡፡ ሀገራዊ ወኔና፣ ኢትዮጵያዊ የማሸነፍ መንፈስ አለን፤ ስለዚህም ይህ ችሎታችን አሥራ አንደኛ ተጨዋች ሆኖ ይጫወታል፡፡ የጎደለን ነገር የለም፡፡ እኛ ሙሉ ነን፡፡ ጎደሎ አይደለንም፡፡ ይህ ነበር ውሳኔው፡፡ ይህ ነበር መርሑ፡፡
ጎደሎውን ባልጎደለው ነገር መሙላት እንጂ  ጎደሎውን እኝኝ እያሉ ማሰብ ጉድለትን አያስቀረውም፡፡ የአንዳንዱ ጉድለት የሚታይ ነው፡፡ የሌላው ጉድለት ግን የማይታይ ነው፡፡ ከዚህ ውጭ ሙሉ ነገር የለም፡፡ የኢትዮጵያ ቡድን አንድ ተጨዋች ቢጎድለውም የዛምቢያ ቡድን ደግሞ ብዙ ነገር ይጎድለው ነበር፡፡ በአንድ ተጨዋች የማይሟላ ብዙ ጉድለት ነበረበት፡፡ እንዲያውም ትናንት ፍጹም ቅጣት ምቱ ባይሳት ኖሮ የዛምቢያ ቡድን ተሸናፊ ነበር፡፡ ለምን? ቢባል ከአንድ ተጨዋች የሚበልጥ ብዙ ጉድለት ነበረበት፡፡ የእነርሱ ጉድለት እንደኛ ስላልታየ፤ ስላልተቆጠረና በዳኛ ውሳኔ የተፈጸመ ስላልሆነ ነበር ልዩነቱ፡፡
 

በትናንትናው ጨዋታ ሦስት ነጥብ ያመጣንበት ትልቅ ድል ቢኖር ‹‹ጎደሎ ነን ብሎ በማሰብና በመጨነቅ›› ላይ የተቆጠረው ሦስት ነጥብ ነው፡፡ እንደዚያ የምንወዳቸውና የምንንሰፈሰፍላቸው ወላጆቻችን እንኳን ስንት ጉድለት አለባቸው፡፡ እንዲያ ነፍሳችንን የምንሰጥላቸው የአብራካችን ክፋይ፣ የማኅፀናችን ፍሬ የሆኑ ልጆቻችን እንኳን ስንት ጉድለት አለባቸው፡፡ እኛ ራሳችን ስንት ፈልገን ያላገኘነው፤ ጥረን ያልደረስንበት፣ አስበን ያልሆንነው፤ ታግለን ያልጨበጥነው ስንት ጉድለት አለብን፡፡ ግን ጎደሎነታችንን አናስብ፡፡ ያጣነውን ትተን ያገኘነውን እናስብ፤ የሌለንን ትተን ባለን እንጠቀም፤ ያልሆንነውን ትተን በሆንነው እንሥራበት፤ ያልደረስንበትን ትተን በደረስንበት እናፍራበት፡፡ የማይጎድል የለምና፡፡ የዚህ ዓለም ጉዞ አንዱን ጎደሎ እየሞሉ ሌላ ጎደሎ መፍጠር ነው፡፡
 ደረጃችን የሚመጥን ጨዋታ ተጫውታችኋል፡፡ አንገታችን ቀና አድርገን እንድንሄድ አድርጋችኋል፡፡ ብዙ ነጥብ አስቆጥራችኋል፡፡ ስለ እናንተ በኩራት እንዲወራ አድርጋችኋል፡፡ ሌሎች ቡድኖች በአውሮፓ ታላላቅ ቡድኖች የሚጫወቱ ተጨዋቾች ይዘዋል፤ እናንተ የላችሁም፡፡ ግን ጎደሎአችሁን አታስቡ፡፡ ሌሎች ቡድኖች ብዙ ጊዜ በአፍሪካ ዋንጫ ተሳትፈዋል፤ እናንተ ከሠላሳ ዓመት በኋላ መጥታችኋል፤ ይህንን እንደ ጉድለት አታስቡት፤ ስለ ሌሎቹ ብዙ ይነገር ይሆናል፤ ይህንን እንደ ጉድለት አታስቡ፡፡ ሌሎች የሌላቸው፣ እናንተ ብቻ ያላችሁ ብዙ ነገር አለና ያንን አስቡት፡፡ ለጎደላችሁ ሳይሆን ላላችሁ ነገር ቦታ ስጡት፡፡ ደግሞም ይህ የአድዋ ጦርነት አይደለም፡፡ እግር ኳስ መሆኑንም አትርሱት፡፡ አንችልም፣ አይታሰብም የሚለውን ቡድን አሸንፋችሁ ‹‹የይቻላል ዋንጫ›› ካመጣችሁ እኛ በኩራት ጉሮ ወሸባዬ እያልን እንቀበላችኋለን፡፡ ‹ካፍ› ያልሰጣችሁን ዋንጫም እንሰጣችኋለን፡፡
መልካም ዕድል፡፡ 

89 comments:

  1. ውስጤን የማላውቀው ስሜት እየወረረኝ ጽሁፉን አነበብኩት ምን ይሆን?

    ReplyDelete
    Replies
    1. የሐገር ፍቅር ይሉት ነገር ስለሆነ እንኳን ደስ ያለን፡፡

      Delete
  2. melkam yehone betam yemimarke tsufe new may God bless you

    ReplyDelete
  3. thank you.... yes we can.... we can open our eyes and see what we can... the team performance is for all Ethiopians to open our eyes to make everything happen for good cause...

    ReplyDelete
  4. Good observation!!Thank you Sir!!

    ReplyDelete
  5. Dani.talaqyehaymanot fiqir bicha sayhon yehager fiqirim tatkehal lekka?

    ReplyDelete
  6. መልካም ጽሑፍ፡፡ በደስታ ላጦዙን ወንድሞቻችን እግዜአብሔር አምላክ ፍጻሜውን ያሳምርላቸው፡፡ ድንግል ትርዳቸው፡፡ አሜን፡፡

    ReplyDelete
  7. dani, 10q. you could express our feeling as ur thought and Ethiopian thought. yes, it seemed difficult, however, all thing would be possible. long live for our country and also our national team.

    ReplyDelete
  8. አንበሳ ናቸው

    ReplyDelete
  9. በቅድሚያ ብሄራዊ ቡድናችን 1-1 መውጣቱ ጥሩ ነው፡፡ምክንያቱም ከዚህ ውጪ ብንሸንፍም የሞራል ውድቀቱና ህመሙ ከባድ ይሆን ነበር በተቃራኒው ደግሞ ብናሸንፍም ጉራውና ደስታው በዚህም የተነሳ መዘናጋቱ ለዘለቄታው ጥሩ አይሆንም ነበር፡፡ስለዚህም እኩል ለእኩል መውጣታችን ብድናችንን በትክክል ያለበትን ደረጃ እንድንመዝነው የሚያደርግ ይሆናል ማለት ነው፡፡በእርግጥ እግር ኳስ እድልም ጭምር ስለሆነ ምን እንደሚፈጠር አስቀድሞ ለመገመት በጣም ይከብዳል፡፡


    ወንድም ዳንኤል ፅሁፍህ ጥሩ ይዘት ያለው ነው፡፡ነገር ግን ስለ ብሄራዊ ቡድናችን አጠቃላይ ምንነት ትክክለኛና ተገቢ የሆነ ምዘናና አስተያየት ለመስጠት ግን ጊዜው ገና ነው፡፡ስለ እግር ኳስ ምንነት በቂ ግንዛቤ የሌለን እንዳንሆንም ያስፋራል፡፡ስሜታችንና አመለካከታችን እንደ ፔንዱለም ከአንዱ ጫፍ ወደ ሌላኛው አንዱ ጫፍ በከፍተኛ ፍጥነትና እርቀት የሚወዛወዝ ይመስላል፡፡ስለመሸነፍም ሆነ ስለማሸነፍ በውስጣችን የሚፈጠረው ስሜት የሚመነጨው ቅድሚያ በዚህ አይነት ውድድር ላይ ስለመሸነፍም ሆነ ስለማሸነፍ ካለን የቅድሚያ አመለካከት (Perception) የመነጨ ነው፡፡ስለዚህም ስለመሸነፍም ሆነ ስለማሸነፍ ጤናማ የሆነ አመለካከትና ስሜት ቢኖረን ጥሩ ነው፡፡ጠንካራ የሚባል ቡድን በአንድ ደካማ ቡድን ሊሸነፍ ይችላል፡፡እግር ኳስን ይበልጥ አጓጊ የሚያደርገውም ይህ ተፈጥሮው ነው፡፡ስለዚህም ውድድሩን የሞት የሽረት ጉዳይ እያደረግንና በሚፈጠረው ነገርም ሌላም አይነት ተገቢ ያልሆነ የተለየ የተለጠጠ ትርጓሜ እየሰጠን ማየት ጤናማ አይመስለኝም፡፡ብሄራዊ ቡድኑ በራሱ ከዛምቢያ ጋር እያደረገ በነበረው የመጀመሪያው ዙር ጨዋታ ላይ ከፍተኛ የሆነ የስሜት መረበሽ ይታይበት ነበር፡፡
    በሰከነ መንገድ እያሰቡ መረጋጋትና ከሁካታ መራቅ ለቡድኑ ጥሩ ውጤት ማምጣት ወሳኝነት ያለው ይመስለኛል፡፡የሚገጥሙትን ማንኛውንም ቡድን መመዘን የሚገባው ሜዳው ላይ ባለችው ዘጠና ደቂቃ ውስጥ ነው መሆን ያለበት፡፡ሃያል ቡድን ነው ስለተባለ ከልክ በላይ አግዝፈው ማየት እንደዚሁም በተቃራኒው ደካማ ነው ስለተባለም ከልክ በላይ አቅልሎ ማየት ለሽንፈት ይዳርጋል፡፡በዘጠና ደቂቃው ውስጥ እያንዳንዱን አጋጣሚና እድል እንዳያመልጥ በብልሃት መጠቀም ለሚገኘው ድል ከፍተኛ አስተዋፅኦ አለው፡፡ምክንያቱም የእያንዳንዱ ውድድር ውጤቱ የሚመዘነው በዚያው በዘጠና ደቂቃው ውስጥ ባለው እንጂ ከዚያ በፈት ወይንም ከዚያ በኋላ በሚሆነው ነገር አይደለም፡፡ለአፍሪካ ዋንጫ በማለፋችን እጅግ ደስ የሚል ነገር ነው ነገር ግን ከመስመር የወጣና ያልተመጣጠነ ጤነኛ ስሜትና አመለካከት ካለን ግን በቃ ዋናውን ውድድሩን እዚሁ የጨረስነው ያህል እንደተሰማን ያህል ማለት ነውና በማለፋችን ብቻ ሌላ ውድድር እንደሌለብን አድርገን ነው የሚሰማን ማለት ነው፡፡በዚህ አይነት ለአፍሪካ ዋንጫ በማለፋችን የሚሰጠውም የተለያየ የተደበላለቀ ስሜት ውዥንብርና አመለካከትም በራሱ በዘለቄታ ላለው ለእግር ኳሳችን እድገት ፀር ነው፡፡አሁን በሄራዊ ብድናችንም ያለበት አጠቃላይ አቋም የተደበላለቀ ስሜት(Inferiority complex as well as superiority Complex) ውስጥ እንዳይሆን መጠንቀቅ ጥሩ ነው፡፡ማን እንደሚያሸንፍ አስቀድሞ የሚታወቅ ነገር ቢኖርማ ኖሮ ለምንስ አስቀድሞ ውድድሩ ያካሄዳል፡፡ዋናው ቁምነገር በዋናነት በዘጠና ደቂቃ ውስጥ ያለው ነገር ላይ ማተኮር ብቻ ነው፡፡ስለ ገንዘብ ሽልማትና ዋንጫ ስለመውሰድ ተገቢ ያልሆነ ውዥንብር ውስጥ መግባት ላልተጠበቀ ውድቀት ይዳርጋል፡፡ቡድኑ ስለ ውጤት ሳይሆን መጨነቅ ያለበት በዘጠና ደቂቃ ውስጥ ማድረግ ያለበትን ነገር ስለማድረግ በማሰብ የሚችለውን ነገር ሁሉ በልበ ሙሉነት ማከናወን ብቻ ነው፡፡ስለውጤት ከልክ በላይ እየተጨነቁ ውጤት ለማምጣት ይከብዳል፡፡ውጤት የሚመጣው ከሚሰራው ነገር መንጭቶ ነውና ስራው ላይ ማተኮር ነው ዋናው፡፡ሌላው አንድ መረዳት ያለብን ነገር ለምሳሌ የኢትዮጵያ ብሄራዊ ቡድን በዚህ ውድድር ዋንጫ ወሰደ እንበል፡፡ነገር ግን ይህ ማለት የኢትዮጵያ ኳስ አደገ ማለት ግን አይደለም፡፡ምን ሁኔታ ላይ እንዳለን በቅጡ የምናውቀው ነገር ነውና፡፡እራሳችንን መመዘን ያለብን በጥቂት ውድድሮችና ውጤቶች ሳይሆን የብዙ አመታትን አጠቃላይ ጉዞ በመመዘን ነው መሆን ያለበት፡፡የአፍሪካን ዋንጫ አንድ ወቅት የወሰድን ሀገር ለአፍሪካ ዋንጫ ውድድር አለፍን ብሎ ያዙኝ ልቀቁኝ ካልን ይህ እራሱ ዳንኤል አንድ ወቅት ላይ እንዳለው የታሪክ ምፀት ነው የሚሆነው፡፡በእርግጥም በቀይ ካርድ ከወጣ ተጨዋች በላይ እንደ ኢትዮጵያዊ የጎደለን ነገርም እኛነታችንን የምናይበትና የምንመዝንበት በተቃርኖ የተሞላና ያልተመጣጠነ ውዥንብር የበዛበትና ግራ የተጋባ እይታችን ነው፡፡ትንሽ ነገር ስናገኝም ሆነ ትንሽ ነገር ስናጣ ያዙኝ ልቀቁኝ የምንል መሆን የለብንም፡፡በህይወታችን ውስጥ ሰላም ያለው ዘላቂ እውነተኛ ስኬትና ደስታም ያለው ነገሮችን እንዳመጣጡ በፀጋ ለመቀበል ካለን ዝግጁነት ጋር የተያያዘ ነው፡፡ከአጠቃላይ ሁኔታው እንደምረዳው ከሆነ ሽንፈትን በፀጋ ተቀብለን ለማስተናገድም ብቻ ሳይሆን ዝግጁነት የጎደለን በተቃራኒው ያለውንም የአሸናፊነት ድልንም ቢሆን ተቀብለን በተገቢው ጤናማ ስሜትና አመለካከት ለማስተናገድ ይህንንም ድል ለወደፊቱ እንደ ጥሩ ስንቅ ለመያዝ ዝግጁነት ያለን አልመሰለኝም፡፡If we are not ready and sober to entertain failure then we are not also ready and sober to entertain success as well. I think this is the deepest sense of our self that is some how wallowing out of some sort of confusion and instability.ስለዚህም እያንዳንዱ ክስተት ትክክለኛ የአንደምታ ትርጓሜ ስለሚያስፈልገው ዳንኤልም ስለ ብሄራዊ ቡድናችንና ስለተገኘው ውጤትም ትክክለኛውን ትርጓሜ ብትሰጠው ጥሩ ይመስለኛል፡፡የጅብ ችኩል ቀንድ ይነክሳል እንዳይሆንብን ስለ ብሄራዊ ቡድናችንና ኳሳችን ትክክለኛ ምዘና ለመስጠት ቢያንስ ቢያንስ የመጀመሪያውን ዙር ውድድሮች እንኳን እንያቸው፡፡መልካም እድል ለብሄራዊ ቡድናችን፡፡

    ReplyDelete
    Replies
    1. ፡የጅብ ችኩል ቀንድ ይነክሳል እንዳይሆንብን ስለ ብሄራዊ ቡድናችንና ኳሳችን ትክክለኛ ምዘና ለመስጠት ቢያንስ ቢያንስ የመጀመሪያውን ዙር ውድድሮች እንኳን እንያቸው፡፡

      እኔ በበኩሌ የተፃፈው ወይም ዳንኤል የፃፈው ስለብሄራዊ ቡድናችን ብቻ ሳይሆን ስለ እያንዳንዱ ጉዳያችን ማለትም ስለማንነታችን ስለማህበራዊ ስለኢትዩጺያችን ስላለብን አጠቃላይ ችግሮች ነው ምናልባት ስታነብ እያንዳንዱን ፅሁፍ በጥንቃቄ ማንበብ ያስፈልጋል አለበለዚያ ቀጥታ መተርጎም ብቻ ብዙ ችግሮች ይፈጥራል

      Delete
    2. okay i like your idea, which says "Let's not celebrate early", and in Daniel's defense we need to hope for better and be positive about the future also, but in a limited way.

      Delete
    3. Stop whining and enjoy the moment buddy.

      Delete
    4. የጅብ ችኩል እዚህ ላይ የሚያገለግል ኣይመስለኝም። የዳኒኤል እይታ ከዛ አንፃር አይደለም። በዛ ጨዋታ ላይ እንችላለን የሚለው አስተሳሰብ መፈጠሩ ስላስደሰተው ነው። እነም በዛ ደስተግኛ ነኝ። ከአሁን በኃላ ብንሸነፍም እይከፋኝም። በቃ መቻላቸዉን አሳይተዋል!!!

      Delete
  10. betam des yelale koran

    ReplyDelete
  11. thank you our brother. i always appreciate your way of writing ...as u said our player removed our long time frustration ...may GOD with them.....

    ReplyDelete
  12. ግሩም እይታ ነው በእውነት፡፡ጀግንነቱ ይቀጥላል ቡርኪና ፋሶ እና ናይጄሪያ ይጨነቁ እኛ እንችላለን!!!

    ReplyDelete
  13. Enamesegnalen Dany, teru adrgeh geltsehewal, lagerachin Melkam Edil Enemegnalen.

    ReplyDelete
  14. Thank u Memeher !!! All the best for the next game also!!!

    ReplyDelete
  15. በጣም ጥሩ መስታዎት ነው የሆነልኝ ቃለ ህይወት ያሰማልኝ!!!

    ReplyDelete
  16. ለእኔ በትክክል በኢትዮጵያ የእግር ኳስ አብዮት ፈንድቷል፤በትክክል አትዮጵያችን በእግር ኳስ አንድነትንና ልዩ ህብረትን ለዓለም አሳይታለች፤በእውነት ስለ እውነት-እኛው ራሳችን እኛን ያሸኘፍንበት እና ለተቀረውም ዓለም በህብረታችን ውስጥ ልዕልናችንን ያሳየንበት ትለቁ አደባባይ ሆኗል፡፡ አይደለም በአሥራ አንድ በአሥር ተጫውቶ ማሸነፍ እንደተቻለ የመንፈስ አንድነታችን ዐቢይ ምሥክራችን ሆኗልና እንኳን ደስ አለን!!

    ReplyDelete
  17. Thanks Dani, but" askedmo mamesgen lehamet yichegral" endayhonibn. Any ways thanks God

    ReplyDelete
    Replies
    1. ለእኔ የትናንቱ በቂዬ ነበር፡፡ ከዚህ በኋላ የሚመጣውን ሁሉ በደስታ መቀበል ነው፡፡ ያልሠራንበትን እኛም ብዙ መጠበቅ የለብንም፡፡

      Delete
    2. Thanks Dani for your response. You are right. Like this response, why don't you publish the questions that we asked you at d.t time about church & any kind of confusions in christian life. Personally I asked you two times in face book & e_mail,but no response. I think you know four books of Pop shinoda III that says "so many years with problems of people". We Ethiopians expect from you to collect questions raised while you preach, in e_mail,facebook, post etc. As to me no one is better than you to do this.
      Any ways think on it.And congra for you openned a book store. Now a days it is becoming difficult to get your books in any store.

      Delete
    3. I'm so impressed.Thank you Daniel. It's not about football.It's a wide scope of view.
      Bless you!

      Delete
    4. lek new yetenantu beki new i'm not worry about tomorrow .

      Delete
  18. በጣም ደስ ብሎናል እይታህ ያምራል::

    ReplyDelete
  19. Do you know why people see their weakest side and feel they can not succeed ? It is because of us (the rest people) and the society who tell them that they lack something. We categorize people based on their age, sex, educational status, physical appearance, experience etc (social, economic, physical, behavior traits) and attach their level of success accordingly. Specially, we, Ethiopians are very fast in identifying people weaknesses and continuously remind them the same. Egzer yiqir yibelen!

    ReplyDelete
  20. Thank you Dany you are our hero too
    God bless you !!!

    ReplyDelete
  21. ኡኡኡኡኡኡፍፍፍፍፍፍፍ ዳኒ ጭንቅላቴን ያነበብከው መሰለኝ

    ReplyDelete
  22. ሌሎች የሌላቸው፣ እናንተ ብቻ ያላችሁ ብዙ ነገር አለና ያንን አስቡት፡፡ ለጎደላችሁ ሳይሆን ላላችሁ ነገር ቦታ ስጡት፡፡ Egziabher Yibarkih

    ReplyDelete
  23. ዳንኤል ያንተ ጽሁፍም ሶስት ነጥብ ይገባዋል::

    ReplyDelete
  24. kezih befit metsaf yeneberebh neger alneberem?
    slebetekrstian neger! ahun sport gemerk? semonegna tifozo felagi neh.

    ReplyDelete
    Replies
    1. I hate your kind of christian. we are not "Gedamawian" just to talk only about church. we live in this world. Really I love Daniel b/c he showed us how to live in this world by following christ. What is the matter talking about football? Is it a sin? Previously I consider my self as a non christian b/c I watch football, I read other books... But now I learn from Daniel that it is not a sin.

      Daniye betam new emiwodih.

      Delete
  25. I have not seen you responding to comments immediately before as I remember. Keep responding like this when important question being asked. Keep it up, keep going... Thanks for your good will work! God bless !!!

    ReplyDelete
  26. thank you Deakon Daniel for this wonderful reflection.

    ReplyDelete
  27. ዳኒ በቅድሚያ በሸገር ስፖርት ቀርበህ ሃገር የሚለውን የተነተንክበት ቃል በእጅጉ አስደስቶኛል ፣ ምንም እኩለ ለሊት ቢሆንም የብሄራዊ ቡድን ውጤቱን ተክትሎ ካለቀ ቡሃላ ሳላውቀው እንባየ ይወርድ ነበር አንዳንዴ በጎደሎ ከአምናው ሻምፒዮና ጋር ነጥብ ተጋርቶ መውጣት በጣም ትልቅ ነው፥. ይህ ማለት ከ፪፯ አመት ቡሓላ በአፍሪካ መድረክ ጎል አስቆጠርን ፪፩ አመት ቡሃላ ተሳትፎአችን በ ጎደሎ መጫወታችን ይህ ሁሉ ተደምሮ ደስታችንን እጥፍ ድርብ አድርጎታል ነገ ሌላ ውጤት ቢመጣ ለመቀበል ዝግጁ ነኝ በተረፈ ነገ ውጤቱ ቢከፋ ተናግረን ነበር ለማለት ነው « አንተን ከመላው ቤተሰብህ እግዚአብሂር ይባርካችሁ።

    ReplyDelete
  28. Gena zare tiru ''Optimistic Article'' Tetsafe bante! Try to be Optimistic like today.but I dislike all other articles written by This man!Go team Ethiopia!

    ReplyDelete
    Replies
    1. Where was your mind before!!!

      Delete
  29. abo tebarek. amazing understanding and explanation ...

    ReplyDelete
  30. gin betam des yemilew aselitangu Ethiopiawi mehonu new. enam yihe chaweta bizu timihirtna melikt alew lechigrochachin hulu mefitihew engaw gar endale tekumonal

    ReplyDelete
  31. ahunm goodluck mirt opinion.

    ReplyDelete
  32. ወንድሜ ዳንኤል ግሩም የሆነ አመለካከት ነው ያንጸባረከው። ልጆቻችን ከዛምቢያ ጋር አቻ ቢለያዩም እንዳልከው በእርግጥ እኔን አሸንፈውኛል፤ ሦስት ነጥብም ሰጥቻቸዋለሁ። በጣም እንሸነፋለን በዬ ከመስጋቴ የተነሳ ጨዋታውን ላለማየት እንኳን ቃጥቶኝ ነበር። በስተኋላ ላይ ግን ያስተዋልኩት እና ከአውሮፓውያኑ የስፖርት ጋዜጠኞች የሰማሁትን(በቀጥታ ስርጭቱ ላይ)ማመን ተስኖኝ ስደመም ነው ውዬ ያደርኩት። እግዚአብሔር ይመስገን፤ አሜን ያዝልቅልን።

    ReplyDelete
  33. አበበ ሙ በየነJanuary 23, 2013 at 9:26 AM

    ወንድሜ ዳንኤል

    እንኩዋን አብሮ ደስ አለን:: ሃገራችን ኢትዮጵያ የአፍሪካ ዋንጫን ከመሰረቱት ሃገሮች ቀዳሚዋና ዋነኛዋ ሆና እያለ ለሠላሳ አንድ ዓመታት ያህል ከዉደድሩ እርቃ የበይ ተመልካች መሆናችን ሲያስቆጨን እና ሲያሳዝነን ነበር::

    እነሆ ዛሬ ሃያ ዘጠነኛውን የአፍሪካ ዋንጫ ሃገራችንን ብቻ ሳይሆን የአፍሪካ ቀንድ እና የምስራቅ አፍሪካን ወክለን የመጀመሪያዉን ጨዋታ ከአምናው ባለድል ዛምቢያ ጋር አድርግን በጨዋታ ብልጫ ጭምር አቻ ወጥተናል::

    በእኔ ግምት ጨዋታዉን አሸንፈናል:: መቸም ጀግና የሚወለደው ጦርሜዳ እንደመሆኑ መጠን ተርብ የሆኑት ተጫዋቾቻችን አስቀድሞ ጎል ተቆጥሮባቸውም ጭምር አንበገርም: አንሽነፍም: ኢትዮጵያዊ እኮ ነን ብለው በአስር ተጫዋቾች ብቻ ከሃገራቸው ዉጪ ተጋጣሚያቸዉን አርበድብደው በአቻ ዉጤት መለያየታቸው ከድልም ድል ነው::

    ከብሄራዊ ቡድን ተጨዋቾች መሃል ምንያህል ተሾመን ሱዳንን አሸነፈን ገና ለዋንጫ ውድድሩ እንደአለፍን አግኝቸው ስናወጋ አሁን በአለን ስብስብ እና የተጨዋቾች ሁኔታ ከማንም ቡድን ጋር ገጥመን አንሸነፍም ብሎኝ ነበር:: ለእኔ የሁለታችን ወግ ብሄራዊ ቡድናችን የመንፈስ ዝግጅቱ ከፍተኛ እንደሆነ አሳይቶኛል:: በዚህ መነሾ ከዛምቢያ ጋር የተደረገው ጨዋታ በሃገርም ሆነ እሰው ሃገር ያሉ ኢትዮጵያን ሁሉ አንገታቸዉን ቀና እንዲያደርጉ አስችሏል:: ብሔራዊ ቡድናችን ሲጫወት በሃገራችን ባንዲራ ያሸበረቁ ኢትዮጵያዉያን ደጋፊዎች ቡድኑን ሲደግፉ የነበረው ሁኔታ ልብ ይነካ ነበር:: በዚሁ ሁኔታም እስከመጨረሻው ድረስ ይዘልቃሉ ብዬም አምናለሁ::

    እንደ እኔ አተያይ ይህ ዘመን የኢትዮጵያዉያን መልካም ዘመን ነው ብዬ አምናለሁ:: የማይደፈሩ የሚመስሉ እንደ አባይ ግድብ የመሰሉ ነገሮችን ደፍረን እየሰራን በመሆኑ እኛ ኢትዮጵያዉያን ሙሉ መሆናችን እያሳየን ነው::

    ቀሪዎቹ ጨዋታዎች በመልካም ዉጤት እና በድል እንዲጠናቀቁ እየተመኘሁ:: ሁላችንም በአለንበት ሥፍራ ሆነን የአገር ገፅታ ግንባታ ላይ እንድናተኩር እጠይቃለሁ:: እግዚአብሔር አባታችን ኢትዮጵያን ይባርክ::

    ቸር እንሰንበት

    ReplyDelete
    Replies
    1. አንበሳ ናቸው, Betam betam yatadasatkubte kene yimachachew.

      Delete
  34. ለምንስ ነገን በትናንት ምክንያት እናበላሸዋለን፡፡

    ReplyDelete
  35. koy nege wanchawin binwesdew destacinin endet linigeltsew new?...gena kegimiru destachin yeteganene aymesilihim ?
    d.t

    ReplyDelete
  36. Andnet min yahil wesagn endehone abronet yet endemiaderese kebiherawi budnachin meredat yasefelgal egna ketebaberen yetenayet medres enechilalen ebakachihu bandnet enezemer 1 kal yinuren 1 enehun yalem wanchan bicha saihon yalem ekonominim mekotater enechilalen! Kalebelezia endih keteleyayen hulunem neger enatalen?

    ReplyDelete
  37. wow wow wow this is rely nice view !!! Dani I appreciate u always !! keep it uppppppppppppppppppppp

    ReplyDelete
  38. ዳኒ ብቻፈጣሪ ይርዳቸው በጣም ደስ ይሚል ምልከታ ነዉ ገና ከዚህ በላይ እንጓዛለን ያለንን በአግባቡ ከተጠቀምን

    ReplyDelete
  39. Amen Melkam edil Yihunilin

    ReplyDelete
  40. Why don't you write on sport newspapers? What is the role of foot ball for the people who lives in extreme poverty? For that matter, they are playing for 2 million birr. It is good to do one thing for identity case and with full sense of nationalism. Then, we always become winners!Those of you who will be offended by my comment, please forgive me.

    ReplyDelete
    Replies
    1. I will not forgive you!

      Delete
  41. open our eyes to make everything happen for good cause..

    ReplyDelete
  42. እንደ ኢትዮጵያዊ የጎደለን ነገርም እኛነታችንን የምናይበትና የምንመዝንበት በተቃርኖ የተሞላና ያልተመጣጠነ ውዥንብር የበዛበትና ግራ የተጋባ እይታችን ነው፡፡ትንሽ ነገር ስናገኝም ሆነ ትንሽ ነገር ስናጣ ያዙኝ ልቀቁኝ የምንል መሆን የለብንም፡

    ReplyDelete
  43. Instead of telling your difficult problems to God, tell to your problems that God is almighty.

    ReplyDelete
    Replies
    1. I like it really!!!!!!!!!!!!!!!!

      Delete
  44. እውነት ነው ያለንን ነገር ማሰብ ነው የሚበልጠው።
    አባቶቻችንስ የአድዋን ጦርነት ባላቸው ነገር እና በእግዚአብሔር ረዳትነት አልነበር ድል ያደረጉት የጎደላቸውን ቢያዩ ኖሮ የማይሆን ነበር ምክንያቱም ጣሊያኖቹ ይዘውት የነበረው መሳሪያ ኢትዮጵያ ከያዘችው በፍፁም አይመጣጠንም ነበርና። ዳኒ እግዚአብሔር ይባርክህ! አስታዋሽና መካሪ ወንድም አያሳጣን።
    "ያለንን እንጂ የሚጎድለንን አናስብ"

    ReplyDelete
  45. Thanks dani this is what they deserve. what ever the result is we have to be together and appreciate each other to get good result in anything in our life. Appreciation is back bone of our strength.

    ReplyDelete
  46. ድንግል ማርያም ትርዳቸው !

    ReplyDelete
  47. Awosem!!!!!!!!!!!

    ReplyDelete
  48. ኢትዮጵያዊነታችን በትክክል እየተነሳ ነው፡፡
    ገና በአንድነታችን በፍቅራችን በጀግንነታችን እንደ ከዚህ በፊቱ ታሪካችን አሁንም ለዓለም እናሳያልን፡፡

    ReplyDelete
  49. በጨዋታው እንደማንኛውም ኢትዮጵያዊ ተደስቻለው፡፡ ነገር ግን ከጨዋታው በስተጀርባ የተንጸባረቀው የፖለቲካ ጨዋታ፣ የዘረኝነትና ጎጠኝነት ትርኢት ትኩረትን የሚስብ ነበር፡፡ ለመሆኑ ኢትዮጵያ ስንት ሰንደቅ ዓላማ ነው ያላት? አንዳንዶች የኢትዮጵያን ብሄራዊ መዝሙር ላለመስማት ጆሯቸውን ሲደፍኑ ማየት ያሳዝናል፡፡ አዳነ ግርማ ያስቆጠረው ጎል የኢትዮጵያ ሳይሆን የደቡብ ነው ብለው ሲሟገቱ ማየት ያሳፍራል፡፡ ከደቡብም ወደሲዳማ፣ ከሲዳማ ወደ ………… እያለ ጎጠኝነቱ ይቀጥላል፡፡ ይህ ብቻ አይደለም አዳነ ጎል እንዲያስቆጥር ያደረገው አዲስ ህንጻ በመሆኑ ጎሉ የአዳነ ሳይሆን የአዲስ ህንጻ ነው ብለው ሲከራከሩ መስማት ይዘገንናል፡፡ ለነገሩ የዚህ ሁሉ ውጤት የኢሕአዴግ የከፋፍለህ ግዛ መርህ ነው፡፡ በመጠኑም ቢሆን እየተሳካለቸው ነው፡፡ የገብያ ግርግር ለወንበዴ ይመቻል እንዲሉ፡፡ ስለአንድነት ሲወራ እንደእሬት የሚመራቸውና የሚያንገፈግፋቸው!!!! ጣት ቆሰለ ተብሎ ተቆርጦ አይጣልም እንደሚባለው አንዱ አንዱን እንዲጠብቅ የማይታይ መንፈስ አስተሳስሮናል፡፡

    ReplyDelete
    Replies
    1. Normally it is natural to focus on locality. But not to this extent. We should give priority to being Ethiopia specially at this time. Hawassa always get mad when Adane scored. This is expected, since he grow here. But that doesn't mean that he is ethnically totally sidama or Debub.shame on such kind of persons.

      Delete
    2. Thank you Lord for letting us see our unity and our beauty.

      Forgot bad side views as they will lead us no where.

      I, the younger one, know we're all Ethiopian.
      Even though American's recruit sport players from every state(some states as same size as Ethiopia),they say America scored. It doesn't mean the place where the individual player came from is neglecting, but there is time and place assigned for it.
      Melkam edil budinachin endigtmewu emegnalehu.

      Delete
    3. Yekedmo siriat nafaki atihun. Lijiet temeliso ayimetam. Wedefit bicha!

      Delete
  50. Great performance. I know our boys will keep making us proud. Just the draw is a win for us. You have already won for me, now continue showing us nice game.

    Cheers

    ReplyDelete
  51. Guys this is not about Ethiopian team!This is about all Ethiopian mentality,about our daily life/life style This is about YOU AND ME.I dont know about you but I AM INSPIRED ...Powerful message."All HABESHA MUST READ IT" God bless you Daniel!

    ReplyDelete
  52. Thank You Dani. This is a nice article that tell us what should we do in our life. We should develop such type of attitude in every walk of life if we want to see a better Ethiopia in the future. Yes it seems a lot of things are going wrong but nothing is impossible. We have to say "Yes we can do!".

    ReplyDelete
  53. Your view is so good, a lesson should be taken from this view by our political leaders who blame the previous regime or other political rivals .This should be a lesson to some political leaders and their followers who did believe that Ethiopia has no hope without port and blame the current regime for this.What did happen is already passed,but the future is in our hand.There are many countries which has no any natural resources on which they depend on,but they are numbered as one of the most developed countries.For example Germany has no much natural resource other than coal.But they have the best human capital in the world.After all it isn't the resource that makes us prosperous ,it is the human capital which change this resource to real wealth.The human capital we should have is a capital who believes that the problem and the solution is with in us.If we live in the past ,blame others and project all the mistakes on others, the future will be like the past.If our leaders lack something , let us try to find a solution together. If not together ,let us try to be part of the solution.

    Did the economy of Germany Germany destroyed in the second world war? yes,but did they blame each other for their current problems? No, they would rather put themselves as part of the problem and part of the solution.So they decided to work for their country 8hours for free for 2 years.Soon the manufacturing sector started to boom and the faced electric power problem.And they made themselves part of the problem and part of the solution.They didn't blame the gov't for establishing many factories beyond the power grid can handle.But many of them put a solar panel over their roof and feed the power grid and they started to get some money.By doing so they became part of the solution.To criticize is good ,if it is followed by solution and implementation of the solution.Let us leave the past for the historians and living in the present ,let us struggle for the future.

    ReplyDelete
  54. Dani God bless you,I saw the 2nd half of the game, and i never realized that they were 10, i heard that by the next day.anyways, May God be with them till the end.

    ReplyDelete
  55. Tekalign M (Jimma U)January 23, 2013 at 9:04 PM

    የአገር የወገን ፍቅርን ከልብ ይዜን በአንድነት መንፈስ ከሰራን የአገራችን ትንሳኤ በጣም ቅርብ ነው።

    ReplyDelete
  56. Thanks Dani ...... good luck for Team Ethiopia! PROUD!PROUD!PROUD!

    ReplyDelete
  57. ያጣነውን ትተን ያገኘነውን እናስብ፤ የሌለንን ትተን ባለን እንጠቀም፤ ያልሆንነውን ትተን በሆንነው እንሥራበት፤ ያልደረስንበትን ትተን በደረስንበት እናፍራበት፡፡ የማይጎድል የለምና፡፡ የዚህ ዓለም ጉዞ አንዱን ጎደሎ እየሞሉ ሌላ ጎደሎ መፍጠር ነው፡፡

    ReplyDelete
  58. Good observation and thought."በፍላጎታችን ያልተሟላ ነገር አለ፡፡ ግን ለምን ጉድለታችንን ብቻ እናስበዋለን፡፡ ለምንስ መጉደላችንን ብቻ እየሰብን እንብሰከሰካለን፡፡ ለምንስ የወደፊቱን ላለፈው ነገር ስንል እንሠዋለን፡፡ ለምንስ ነገን በትናንት ምክንያት እናበላሸዋለን፡፡"

    ReplyDelete
  59. ያጣነውን ትተን ያገኘነውን እናስብ፤ የሌለንን ትተን ባለን እንጠቀም፤ ያልሆንነውን ትተን በሆንነው እንሥራበት፤ ያልደረስንበትን ትተን በደረስንበት እናፍራበት፡፡ የማይጎድል የለምና፡፡ የዚህ ዓለም ጉዞ አንዱን ጎደሎ እየሞሉ ሌላ ጎደሎ መፍጠር ነው፡፡

    ReplyDelete
  60. this is hana, it is a great view dani but we need a goooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooal!!!!!!

    ReplyDelete
  61. በጣም ጥሩ መስታዎት ነው

    ReplyDelete
  62. በመጀመሪያ ዳንኤል ላመሰግንክ እወዳለሁ ያነበብኩት ፅሁፍ በጥልቀት ላነበበው ሰዉ ብዙ ትምህርት ይሰጣል እኔም ትምህርት ወስጀበታለሁ በእግር ኳስ ብቻ ሳይሆን በሌላዉ ህይወታችንም ቶሎ ተስፋ መቁረጥ የለብንም በተለይ እኛ ኢተዮጵያኖች ሁሉንም ነገር ማድረግ እንችላለን! አፄ ሚኒሊክ ሁሉንም አሰተምረዉን አልፈዋል አድዋ ላይ ድል እንደተቀናጀን ሁሉ ድህነትንም ድል እንቀናጅበታለን የምን ተስፋ መቁረጥ የምን ሽንፈት We are Ethiopians ኢትዮጵያ ለዘላለም ትኑር! እግዚአብሔር ኢትዮጵያን ይባርክ አሜን!!!

    ReplyDelete
  63. always positive thanks Dani God bless you

    ReplyDelete
  64. AWESOME ARTICLE....

    ReplyDelete