Tuesday, July 24, 2012

ፈረንጅ ነውኮ


click here for pdf 
ማክሰኞ ሐምሌ 3 ቀን 2004 ዓም የተዘጋውን የኢንተርኔት መሥመር ለማስከፈት እዚህ አያት መንገድ ጉርድ ሾላ ያለው የቴሌኮሙኒኬሽን ቅርንጫፍ ሄድኩላችሁ፡፡ በጠዋቱ ሠልፉ ለጉድ ነው፡፡ ምናለ የቀበሌ መስተዳድሮች ለአንዳንድ መሥሪያ ቤቶች ሥልጠና ቢሰጡ? ቀበሌ እንኳን የጠፋው ሰልፍ እዚህ ከነ ሙሉ ክብሩ ይንጎማለላል፡፡ አዛውንትና አሮጊቶች እግራቸው እየተንቀጠቀጠ ውጭ በብርድ ቆመዋል፡፡ ያውም ከሠላሳ ደቂቃ በላይ፡፡
እንደምንም ተራ ደርሶኝ ወደ ውስጥ ገባሁ፡፡ እዚያም ለካስ ሌላ ሰልፍ አለ፡፡ ደግነቱ እዚህ የምትሰ ለፉት ተቀምጣችሁ ነው፡፡ ፊት ለፊታችን የተገተሩት ኮምፒውተሮች ብዙዎች ናቸው፡፡ የሚሠሩት ሰዎች ግን ሦስት ኮምፒውተር ለአንድ ሠተራኛ እንዲደርሳቸው ሆነው ነው፡፡ አሁን እነዚህ ሁሉ ኮምፒውተሮች የሚሠራባቸው ከሌለ ለምን ተገዙ? ከተገዙስ ለምን አይሠሩም? ማን መልስ ይሰጣችኋል? ትሻልን ሰድጄ ትብስን አመጣሁ አለ ያገሬ ሰው፡፡

Wednesday, July 18, 2012

አትርፍ

click here for pdf 
ሰውዬው ምንም ነገር የማይጠግብ ነው ይባላል፡፡ ሁሉንም ነገር የርሱ ብቻ በማድረግ የሚረካ፡፡ መደመርና ማባዛት እንጂ ማካፈልና መቀነስ ያልተማረ፡፡ አንድን ነገር በመጠቀም ሳይሆን አንድን ነገር የራስ በማድረግ ብቻ የሚረካ፡፡ አንዳንድ ሰው ገጥሟችሁ አያውቅም፡፡ ኮሚቴ ከተቋቋመ እርሱ፤ ቢሮ ከተመሠረተ እርሱ፡፡ ሹመት ከመጣ እርሱ፤ ፊልድ የሚወጣ ከሆነ እርሱ፤ ስብሰባ ከተጠራ ራሱ፤ አበል ያለው ሴሚናር ካለ እርሱ፤ የውጭ ዕድል ከመጣ ራሱ፤ ልምድ ልውውጥ ከመጣ እርሱ፤ ድግስ የሚያ ዘጋጅ ኮሚቴ ከተቋቋመ እርሱ ጥልቅ የሚል ሰው አልገጠማችሁም? እንደዚያ ዓይነት ማለት ነው፡፡

Wednesday, July 11, 2012

አንዳንድ ጊዜ እንኳን

click here for pdf
በዚህ ሰሞን ኢትዮጵያውያንን የተመለከቱ ሁለት መልካም ዜናዎችን ስሰማ በመክረሜ አምላኬን አመሰገንኩት፡፡ የመጀመርያው ባሳለፍነው የአውሮፓ ዋንጫ ላይ ለቼክ ሪፐብሊክ ቡድን ሲጫወት ስለ ነበረው «ገብረ ሥላሴ» ስለተባለው ወገናችን ሚዲያዎችና የእግር ኳስ ተንታኞች ይሰጡት የነበረው አኩሪ የሞያ ምስክርነት ነበር፡፡ ከዚያ ደግሞ እርሱን የራሳቸው ለማድረግ የአውሮፓ ቡድኖች ላይ ታች ሲሉ ማየት በራሱ ሌላ ኢትዮጵያዊ ኩራትን ይጭራል፡፡

Thursday, July 5, 2012

ወርቁ ሰው

ሰሞኑን የአሜሪካኖችን የተረት መጽሐፍ ሳነብ እንዲህ የሚል ታሪክ አገኘሁ፡፡ እኔ በአበሻኛ ላውጋችሁ፡፡

ሰውዬው ሁሉን ለኔ ብቻ የሚል ዓይነት አይጠግቤ ሰው ነው አሉ፡፡ ያየውን መልካም ነገር ሁሉ የርሱ ማድረግ አልነበረም ዓላማው የርሱ ብቻ ማድረግ እንጂ፡፡ የሚደሰተውም እርሱ ሲኖረው ሳይሆን እርሱ ብቻ ሲኖረው ነው፡፡ እርሱ ብቻ እንዳለው ያሰበውን ነገር ሌሎችም ሰዎች እንዳላቸው ሲሰማ ያዝናል፡፡ አንዳንዴ በዓለም ላይ እርሱ ብቻ ኖሮ ይህ የሚያየው ሀብት፣ ሥልጣንና ገንዘብ ሁሉ የራሱ ብቻ እንዲሆን ይመኛል፡፡ 

አንድ ቀን እርሱ ብቻ ሊያገኘውና ከሰዎች ሁሉ ሊበልጥበት የሚችለውን ነገር ሲያስብ ቆየ፡፡ በመጨረሻም «ምናለ የምነካው ነገር ሁሉ ወርቅ በሆነልኝና እኔ ብቻ በዓለም ላይ ወርቅ በወርቅ በሆንኩ» ብሎ አሰበ፡፡ ይህንን ሃሳቡን ለመፈጸምም እልም ያለ በረሃ ውስጥ በሚገኝ ዋሻ ወደሚኖር ጠቢብ ዘንድ ሄደ፡፡ ከብዙ ድካምና ፍለጋ በኋላም ያንን ጠቢብ አገኘውና ሃሳቡን አጫወተው፡፡

Sunday, July 1, 2012

ሰው የሚያጣምመው መሬት

ክፍል ሁለት


ወደ ሚስትሪ ፕሎት ቤት ለመግባት ሠላሳ ሜትር የማይሞላ ዳገት አለው፡፡ ያንን ዳገት ከመውጣት በአንድ ፊት የግሼንን ዳገት መውጣት ይሻላል፡፡ አንዳች ነገር ወደ ኋላ ይገፋችኋል፡፡ ገባን እንደምንም፡፡

ፊዚክስ ደኅና ሰንብች፣ የመሬት ስበት ደኅና ሁኚ ማለት እዚህ ነው፡፡



ቤቱ 17 ዲግሪ ተጣምሞ ታዩታላችሁ፡፡ አስጎብኚዋም፡፡«ይሄ ቤት ተጣምሟል ወይስ አልተጣመመም» ብላ ጠየቀችን፡፡ «የሞኝ ጥያቄ፡፡ ፈረንጅ ደግሞ ተጃጅሎ ያጃጅላል» አልኩ በልቤ፡፡ ሁላችንም እያየሺው በሚል ስሜት መለስን፡፡ ከኪሷ የውኃ ልክ መለኪያውን አነሣችና ወለሉ ላይ አስቀመጠችው፡፡ መለኪያው ቤቱ በደልዳላ መሬት ላይ ማረፉን ያረጋግጣል፡፡ በዓይኔ ነው፣ በሕልሜ ወይስ በቴሌቭዥን አለ ያገሬ ሰው፡፡ «በዓይኔ በብረቱ» እያሉ መመስከር ሊቀር ነው ማለት ነው አልኩ፡፡ ጠጋ ብዬ አየሁት፡፡ ቤቱ አልተጣመመም፡፡ ግድግዳውም 90 ዲግሪ ነው፡፡