ከሌሊቱ ስምንት ሰዓት

ማታ በተደረገው ርብርብ እሳቱ ተግ ብሎ አደረ፡፡ ታድያ ምን ያደርጋል፡፡ አበው ሰው በመንገዱ ነው የሚፈተነው ይላሉ፡፡ መነኮሳቱ ለጸሎት ሌሊት እንደሚነሡ የሚያውቅ ሰይጣን እሳቱንም ከሌሊቱ ስምንት ሰዓት ቀሰቀሰው፡፡ እነሆ በገዳሙ የሚገኙ መነኮሳት እና ወጣቶች አሁን በመከላከል ሥራ ላይ ተጠምደው ይገኛሉ፡፡ አሁንም እሳቱ ከአየር ላይ የሚጠፋበትን መንገድ ለመፈለግ ጥረት መደረግ አለበት፡፡

በተለይም ወደ ገዳሙ ለርዳታ የምትጓዙ ምእመናን የውኃ ማመላለሻዎችን፣ መቆፈር ያዎቸን፣ አካፋዎችን እና ሌሎች የርዳታ መሣርያዎችን ይዛችሁ እንድትሄዱ ትጠየቃላችሁ፡፡ እዚያ ቦታ ላይ ሌሊት እና ቀን በድካም ላይ ለሚገኙ ወገኖቻችንም የውኃ እና የምግብ ርዳታ በመውሰድ የበኩላችሁን ድጋፍ ታደርጉ ዘንድ የአደጋ ተከላካዮቹ ጠይቀዋል፡፡