Friday, October 28, 2011

ኢትዮጵያ፡- ነጠላ እና ጋቢ


 click here for pdf
 ከሁለት ዓመታት በፊት ለአንድ ጉዳይ አኩስም ሄጄ ነበር፡፡ አንድ የሰባ ሁለት ዓመት ሽማግሌ አገኘሁ፡፡ እናም ስለ አኩስም እና አኩስማውያን እናወራ ጀመር፡፡
«አኩስም ማለትኮ ትንሿ ኢትዮጵያ ናት፡፡ እዚህ ያልኖረ፣ ያልሠራ፣ ያልተቀበረ የሰው ዓይነት የለም፡፡ እስኪ የአኩስም ነገሥታትን ስም ተመልከት የትግሬ ይሁን የአማራ፣ የኦሮሞ ይሁን የአገው በምን ታውቃለህ? እዚህኮ አይደለም ኢትዮጵያዊ ግሪኩ፣ አርመኑ፣ ጣልያኑ፣ ዓረቡ፣ አይሁዱ፣ ግብጹ፣ ሕንዱ፣ ምን ያልኖረና ያልተቀበረ አለ? አኩስም የሁላችሁ ናት፡፡ አኩስም በመወለድ አይደለም በመሆን ነው» አሉኝ፡፡ ገርሞኝ ነበር የማዳምጣቸው፡፡

Tuesday, October 25, 2011

ቻይንዬ


ሴትዮዋ ልጃቸው ከቻይና ትወልዳለች አሉ፡፡ አንድ ወር እንደሞላት ልጂቱ ትሞትና ልቅሶ ይጠራሉ፡፡ ታድያ እያለቀሱ ወደ ድንኳኑ ሲገቡ ምን አሉ መሰላችሁ «እኔ ድሮም ጠርጥሬ ነበር፣ ጠርጥሬ ነበር፤ የቻይና ነገር ይኼው ነው አይበረክትም» አሉ ይባላል፡፡
በአሁኑ ጊዜ በኢትዮጵያ ሚዲያ ስማቸው ከሚነሣ ሀገሮች እና ሕዝቦች መካከል የቻይናን እና የቻይኖችን ያህል ቦታ ያለው የለም፡፡
በመንገድ ሥራ፣ በግድብ፣ በማዕድን ማውጣት፣ በቴሌ ኮሙኒኬሽን፣ በሸቀጣ ሸቀጥ፣ በፖለቲካ፣ ባህል ሁለ ነገራችን ቻይና ቻይና ይላል፡፡ የኢትዮጰያ ቴሌቭዥን እንኳን በቀን ውስጥ ቢያንስ አንድ የቻይና ዜና ሳያሳየን አይውልም፡፡ ጠላ ቤት፣ ጠጅ ቤት፣ ሥጋ ቤት፣ ጉልት ገበያ፣ መርካቶ፣ አትክልት ተራ፣ አጠና ተራ፣ በግ ተራ፣ ካዛንቺስ፣ ቺቺንያ ዘወር ዘወር ብትሉ ከአሥሩ ሰው አንድ ሦስቱ ቻይና ሆኖ ታገኙታላችሁ፡፡
እንዲያውም ከመብዛታቸው የተነሣ እንደ አንድ ብሔረሰብ ተቆጥረን በፌዴሬሽን ምክር ቤት ወንበር ይሰጠን ብለዋል እየተባለ ይቀለድም ነበር፡፡

Thursday, October 20, 2011

አይ ጋዳፊ




ላም ገፊ
 ሞት አቃፊ
ሲለምኗት ትታ ሲጎትቷት የሚለውን የኛ ብሂል አታውቀውም
ብታውቅማ በሰላም መልቀቅ ስትችል እንዲህ በሞት አታጣውም፡፡

ምናለ እንዲህ መሞት ላይቀር


ሀገርህ ሊቢያ ሳትታመስ
ሀገር እንደ ራሔል ሳታለቅስ
ረሃብ በልጆቿ ሳይነግሥ
እልቂት እንደ ምሥራቅ ነፋስ ሳይነፍስ
ምድሪቱ በሞርታር ሳትታረስ
ሰማዩ በጄት ሳይገመስ
መንገድ ሕንፃዋ ሳይፈርስ
 ያኔ ብትተወው ወንበሩን
ያኔ ብትሰማው ሕዝቡን

ለምን እጮኻለሁ?


 ሰሞኑን አንድ መልዕክት በኢሜይል ደረሰኝ፡፡ ካገባሁ ሁለት ዓመቴ ነው ትላለች እኅታችን፡፡ ገና ልጅ አልወለድንም፡፡ እኔ የሚያስጨንቀኝ ልጅ አለመውለዴ አይደለም፡፡ የባለቤቴ ጩኸት ነው፡፡ ምንም ነገር ቀስ ብሎ መናገር አይሆንለትም፡፡ ቁጣ እና ጩኸት የቀን ቀለቤ ሆኗል፡፡ አሁን አሁንማ ካልጮኸ የተናገረ አልመስልሽ እያለኝ ነው፡፡ መሥሪያ ቤቴ ውስጥ ወንዶች ሲያወሩኝ የጮኹብኝ እየመሰለኝ እሰቀቃለሁ፡፡ አሁን እየፈራሁ የመጣሁት እኔም የርሱ ጠባይ ተጋብቶብኝ ጩኸቱን በጩኸት መመለስ ስለጀመርኩ ነው፡፡ ታድያ እንዴት ብዬ ልዝለቀው? ይላል ጥያቄዋ፡፡

Monday, October 17, 2011

የዘረኛነት ወረርሽኝ

to read in pdf click here 
ሰሞኑን አንድ የንግድ ተቋማት ማስተዋወቂያ ቡክሌት ደርሶኝ ተገርሜ እያየሁት ነው፡፡ መጽሔቱ ክርስቲያን ነጋዴዎችን የያዘ መሆኑን ገና ከመግቢያው ል፡፡ ክርስቲያኖች እርስ በርሳቸው ሊረዳዱ እንደሚገባ፣ የጌታ ልጆች በአንድነት መኖር እንዳለባቸው፣ ከዚያም አልፎ አንዱ ከሌላው በመግዛት ወይንም በመጠቀም ወንድማማችነትን እንዲያሰፍኑ፣ ያም ለምድሪቱ በረከት መሆኑን በጥቅስ እያዋዛ ይገልጣል፡፡
እየገረመኝም እየደነገጥኩም ነበር ያነበብኩት፡፡ በኛ በኢትዮጵያውያን ዘንድ ዘረኛነት ይህንን ያህል ሥር ሰድዷል ማለት ነው? አልኩ ለራሴ፡፡ ለመሆኑ ይህቺ ሀገር በስንት ዓይነት ዘረኛነት እንድትሰቃይ ይሆን የተፈረደባት? ስልም ጠየቅኩ፡፡ ዛሬ በዚያች ሀገር «ገንዘባችን በየክልላችን» ብቻ ሳይሆን በየቋንቋችንም በመግባት ላይ ነው፡፡ የኢትዮጵያ የሚለው እየቀረ የኦሮምያ፣ የአማራ፣ የደቡብ፣ የትግራይ፣ የሶማልያ ባንኮች ብቅ ብቅ እያሉ ነው፡፡ ከዚያም አልፎ ደግሞ በይፋ ስማቸውን ባይገልጡም በአንድ እምነት ሥር ያሉ ሰዎችን ብቻ በአክስዮን የሚያሰባስቡ ባንኮችም እየታዩ ነው፡፡

Thursday, October 13, 2011

ጫካው ለዛፎች ብቻ

በአንድ ወቅት በጫካ ውስጥ ያሉ ዛፎች እንዲህ ሲሉ መከሩ፡፡
«እነዚህ አራዊት እኛ ለመጠለል ይመጣሉ፡፡ እኔ የእነርሱን ማንኮራፋት መስማት ሰልችቶኛል» አለ የዝግባ ዛፍ፡፡
«እኔ ደግሞ ከሁሉም የሰለቸኝ እኔ ላይ ወጥተው ሲራኮቱ እየቀነቁኝ ነው» ጽድ መለሰ፡፡
«ከሁሉም የሚብሰው የእኔ ነው» አለ ግራር፡፡ «ከሥሬ ይመጡና ኩሳቸውን ይጥላሉ፡፡ እኔ ሽታውን መቋቋም አቅቶኛል»
«አንዳንዶቹማ»አለ ዋርካ «ከኔ ሥር መጥተው ጉድጓድ ቆፍረው ይኖራሉ» ሁሉም ምሬታቸውን አወሩ፡፡
«ይህንን ያህል ካስመረሩን ለምን ዝም እንላቸዋለን? ድራሻቸውን ማጥፋት ነው» ዝግባ እየተንጎማለለ ፎከረ፡፡

Tuesday, October 11, 2011

የአንድ ምእመን ሮሮ

to read in pdf, click here
 (አንድ ቤተ ክርስቲያን ውስጥ ትምህርት ይሰጣል፡፡ እኒህ ምእመን ቁጭ ብለው ይሰማሉ፡፡ የሰባኪው ሁኔታ አልጣማቸውምና በልባቸው እንዲህ ያማርራሉ፡፡)
«ምን ገባችሁ ገባችሁ ይላል፤ ይልቅ እንዲገባን አድርጎ አያስተምረንም፡፡ አሁን ኢየሱስ ከናዝሬት ወደ ገሊላ ሄደ ብሎ እልል በሉ ማለት ምን ማለት ነው፡፡ አሁን እኛ እልል የምንለው ገሊላ ስለ ሄደ ነው፤ ከናዝሬት ስለተነሣ ነው? ወይስ ስለሄደ ነው? እና ላይሄድ ኖሯል፡፡ ለምን ሄደ? እንዴት ሄደ? ሄዶ ምን አገኘን እያለ እንዲነግረን እንጂ ወደ ገሊላ መሄድማ እማሆይ አማረችስ ባለፈው ጊዜ ኢዬሩሳሌምን ሲሳለሙ ገሊላ ሄደው አልነበረም? ወይ አንተ ፈጣሪ፡፡
ልሂድ ልውረድ ልጄንም ላምጣው፣ እያሉ በርእስ መቀለድ ምን የሚሉት አባዜ ነው፡፡ ሰሞኑንማ የእብራይስጥ ስም ከመጽሐፍ ቅዱስ ውስጥ ፈልጋችሁ ያንን ርእስ ካላደረጋችሁ ትታሠራላችሁ የተባላችሁ ነው የምትመስሉት፡፡ 

Thursday, October 6, 2011

ጸሎት እና ዐፄ ቴዎድሮስ

click here for pdf
ብዙዎቻችን ለጸሎት ጊዜ እንደማይተርፈን እንናገራለን፡፡ ነገር ግን ከኛ በላይ በኃላፊነት እና በሥራ ይጣደፉ የነበሩ ሰዎች ለጸሎት ጊዜ እንደነበራቸው ስናይ እኛ ጊዜ ሳይሆን ፍላጎት እንደሌለን እንገነዘባለን፡፡
በዘመነ መሳፍንት ተበታትና የነበረቺውን ኢትዮጵያ አንድ ለማድረግ ያለ ዕረፍት ላይ ከታች ይኳትኑ የነበሩት ዐፄ ቴዎድሮስ ምንም እንኳን ፋታ ባይኖራቸው ለጸሎት ግን ጊዜ ነበራቸው፡፡
ንጉሥ ቴዎድሮስ ለጸሎት ማልደው መነሣት ልማዳቸው ነበር፡፡ ከመኝታ እልፍኛቸው ወጥተው ጋቢያቸውን ይከናነቡና ድንጋይ ላይ ቁጭ ብለው ጸሎታቸውን ያደርሳሉ፡፡ አቡነ ዘበሰማያት፣ የዕለት ውዳሴ ማርያም እና መልክዐ መድኃኔዓለም የዘወትር ጸሎቶቻቸው ነበሩ፡፡ ጊዜ ካገኙም ዳዊት ይደግሙ ነበር፡፡
ገሪማ ታፈረ፣ አባ ታጠቅ ካሣ የቋራው አንበሳ፣ ገጽ 93

Tuesday, October 4, 2011

ያዝማሪ ቀልባጣ


በኢትዮጵያ በዘመነ መሳፍንት ማብቂያ ሰሞን የታላቁ ራስ ኃይሉ የልጅ ልጅ የወይዘሮ ድንቅነሽ እና የዳሞቱ ባላባት የደጃች ዘውዴ ልጅ የነበሩት ደጃች ጎሹ ዐፄ ቴዎድሮስን ድል አድርገው ኢትዮጵያን የመግዛት ሕልም ነበራቸው፡፡ ለዚህም እንዲረዳቸው መሣርያ ያከማቹ አዝማሪ መድበውም ያዘፍኑ ነበር፡፡
በተለይም ጣፋጭ የተባለው አዝማሪያቸው የእርሳቸውን እና የጦረኞቻቸውን ልቡና የሚቀሰቅስ፣ ደጃች ካሣን (በኋላ ቴዎድሮስን) ደግሞ የሚያንኳስስ ግጥም እየገጠመ ያዜምላቸው ነበር፡፡ አዝማሪ ጣፋጭ በፊት ከደጃች ካሣ ጋር የነበረ በኋላ ግን ምናልባት ደጃች ጎሹ ካሸነፉ ሹመት ሽልማት አገኛለሁ ብሎ ወደ ደጃች ጎሹ የታጠፈ እበላ ባይ አዝማሪ ነው ይባላል፡፡
አዝማሪ ጣፋጭ የነገሩን አመጣጥ፣ የታሪኩን አካሄድ፣ የዘመኑን ሁኔታ ሳይገመግም፤ ዛሬ የሚቀባጥረው ነገ ሊያመጣ የሚችለውን ፍዳም ሳይገመግም፣ እንዴው ደጃች ጎሹ ስላበሉት ብቻ በደጃች ካሣ ላይ መዓቱን ያወርድባቸው ነበር፡፡