Wednesday, August 31, 2011

ተመጣጣኝ አመክንዮ

የዓለም የጦማሪዎች ቀን
ነሐሴ 25 ቀን 2003 ዓም [August 31, 2011]
አትላንታ የሰማሁትን አስገራሚ ነገር ልንገራችሁ፡፡
አንድ ሰው ሜዳ ላይ ሥጋ ለመጥበስ የሚያገለግለውን ዕቃ (ባርቢኪው ይሉታል) ውጭ ያሳድረዋል፡፡ ይህንን ሰሞን በፈረንጆቹ ዘንድ የሙቀት ወቅት ነውና የቻለ በራሱ ዕቃ ያልቻለ ለአካባቢው ነዋሪ በተዘጋጀው መጥበሻ ሜዳ ላይ ሥጋ የማይጠብስ የለም፡፡ ይህ ታሪኩን የምንናገርለትም ሰው ቤቱ ፊት ለፊት ያለው መስክ ላይ ሥጋ ሲጠብስ አምሽቶ ትቶት ገባ፡፡ በማግሥቱ መጥበሻው በቦታው አልነበረም፡፡ አካባቢው ደኅና ሠፈር የሚባል ነበርና የመጥበሻው መጥፋት ሰውዬውን አስገረመው፡፡ ቀናት አልፈው ሳምንት ሆነው፡፡ መጥበሻው እንደጠፋ ቀረ፡፡

የዓለም የጦማሪዎች ቀን


 ነሐሴ 25 ቀን 2003 ዓም [August 31, 2011] 

የኢትዮጵያውያን ጦማሪዎች ጉባኤ
የዓለም የጦማሪዎች ቀን በዚህ ዓመት ነሐሴ 25 ቀን 2003 ዓም [August 31, 2011] ይከበራል፡፡ በተለያዩ ድረ ገጾች እና የማኅበራዊ ሚዲያዎች ላይ እንደምናየው የየሀገሩ፣ የየከተማው እና የየክፍለ አህጉሩ ጦማሪዎች የተለያዩ ዝግጅቶችን በአንድ አካባቢ በማዘጋጀት ዕለቱን ለማክበር ተዘጋጅተዋል፡፡ ኢትዮጵያ ውስጥ እና በኢትዮጵያውያን አካባቢ የሰማሁት ነገር የለኝም፡፡
በአሁኑ ጊዜ የኢትዮጵያውያን ጦማሪዎች ቁጥር እየጨመረ መጥቷል፡፡ በፖለቲካ፣ በማኅበራዊ ኑሮ፣ በእምነት፣ በኪነ ጥበብ ወዘተ ላይ የሚያተኩሩ ጦማሪዎች ብቅ ብቅ እያሉ ነው፡፡
ሰዎች ሃሳባቸውን መግለጣቸው፣ መረጃ መለዋወጣቸው እና መገናኘታቸው መቼም ቢሆን በሥዕለት የሚገኝ ዕድል ነው፡፡ «አህያ ቢራገጥ ጥርስ አይሳበርም» የሚለውን ብሂል «ሃሳብ ቢቧቀስ ጥርስ አይሳበርም» ወደሚለው ለመቀየር የሚቻለው የሃሳብ መግለጫ መንገዶች ሲበዙም ሲጠነክሩም ነው፡፡ ከእነዚህ መንገዶች ላይ ዘመኑ ብሎግን ጨመረልን፡፡

Monday, August 29, 2011

ነብር ያለ ጅራት


ሰውዬውን ይዘውት የመጡት የመንደሯ ታዋቂ ሰዎች ናቸው፡፡ በሌላኛው መንደር የሳለውን ሥዕል በማድነቅ ነው ያመጡት፡፡ በተለይም የዚችኛዋ መንደር ሰዎች አዳኞች በመሆናቸው የልዩ ልዩ እንስሳትን ሥዕል እንዲስልላቸው ይፈልጋሉ፡፡
ሰዓሊው ቀለሙን እና ሸራውን እስከገዙ ድረስ ማንኛውንም ሥዕል እግዜር እንደ ፈጠረው አድርጎ ሊስል እንደሚችል በኩራት ተናግሯል፡፡ መንደርተኞቹም ይህንኑ እስከሚያዩት ቸኩለዋል፡፡ አዳኞቹ ተሰብስበው መጀመርያ የየትኛው እንስሳ ሥዕል መሳል እንዳለበት ተከራከሩ፡፡ በመጨረሻም እጅግ አስቸጋሪ የሆነውን ነብርን እንዲስልላቸው ተስማሙ፡፡

Friday, August 26, 2011

A Carrot, an Egg, and a Cup of Coffee

 from  Welteberhan


 A young woman went to her mother and told her about her life and how things were so hard for her. She did not know how she was going to make it and wanted to give up; she was tired of fighting and struggling. It seemed as one problem was solved, a new one arose.

Her mother took her to the kitchen. She filled three pots with water and placed each on a high fire. Soon the pots came to boil. In the first she placed carrots, in the second she placed eggs, and in the last she placed ground coffee beans. She let them sit and boil; without saying a word.

Wednesday, August 24, 2011

የሞያ ፍቅር


በሊቢያ የእርስ በርስ ውጊያ ከታዩት ድንቅ ነገሮች አንዱ የሴት ጋዜጠኞች ጽናት፣ ትጋት እና ድፍረት ነው፡፡ ለታላላቆቹ የቴሌቭዥን ጣቢያዎች የሚዘግቡት የጦርነት ውስጥ ጋዜጠኞች ሴቶች ናቸው፡፡ ሴቶች እንኳን ሕግ እና ሥርዓት በመሣርያ ኃይል በሚጣስበት የርስ በርስ ጦርነት ጊዜ ቀርቶ በሰላሙ ዘመን እና ቦታም ቢሆን ብዙ ጊዜ መብቶቻቸው ሲጣሱ፣ በጾታቸው ምክንያትም ሲደፈሩ እናያለን፡፡

Tuesday, August 23, 2011

ታሪክ ላይ መተኛት (ክፍል ሁለት)


አንድ ሰው ተዋወቅኩላችሁ እዚህ ዋሽንግተን ዲሲ፡፡ «ኢትዮጰያ ውስጥ ታዋቂ ጋዜጠኛ ነበረ» አለኝ ሰውዬውን ያስተዋወቀኝ ሰው፡፡ ቀጠል አድርጎም እኔም «ጋዜጠኛ» መሆኔን ገለጠለት፡፡ ሰውዬውም «ምን ጋዜጣ በኛ ጊዜ ቀረ፤ ሠራነው በጊዜው» አለ አውራ እና መሐል ጣቱን አጋጭቶ እያጮኸ፡፡ ስሙን ለመስማት ጓጓሁ፡፡
«መቼም በዝና ሳታውቀኝ አትቀርም፣ እንትና እባላለሁ» ብሎ ስሙን ሲነግረኝ ልቤ ቀጥ ልትል፡፡ ሰው ፊት የሚሳቅ ቢሆን ኖሮ በዚህ ቀን ስቄ አላባራም ነበር፡፡ ዐወቅኩት፡፡ ጋዜጣውም ትዝ አለኝ፡፡ ያንን ጋዜጣ ለርእሰ አንቀጹ እና በውስጡ ይጽፉ ለነበሩ ሁለት ጎበዝ ሰዎች ስል እገዛው ነበር፡፡ ከአምስት ዓመት በፊት ኅትመት አቁሟል፡፡

Monday, August 22, 2011

አይ ጋዳፊ i


ይህን ጽሑፍ ቨርጂንያ አሌክሳንድርያ ዱክ መንገድ አጠገብ ከሚገኘው የወዳጄ የአካሉ ዮሴፍ ቤት ሆኜ ስጽፍ የኮሎኔል ጋዳፊ የሥልጣን ፀሐይ ለመጨረሻ ጊዜ በማቆልቆል ላይ ነበረች፡፡

Saturday, August 20, 2011

ታሪክ ላይ መተኛት (ክፍል አንድ)



እዚህ አሜሪካ ስመጣ ሁልጊዜም የሚገርመኝ አንድ ነገር አለ፡፡ በኢትዮጵያ አዲሱ ትውልድ ዘንድ የተዘነጉ አካላት እዚህ እንደ ትኩስ ወጣት ሲራወጡ አያለሁ፡፡
ከዛሬ አርባ እና ሃምሳ ዓመታት በፊት ወጣቱን፣ ገበሬውን፣ ወዛደሩን፣ ሴት እና ወንዱን ከጎናቸውም ሆነ ከኋላቸው ያሰለፉ፤ በሕፃን በዐዋቂው አንደበት እንደ ውዳሴ ማርያም በየሰዓቱ ስማቸው ሲነሣ የነበሩ፤ ልጅ ሆነን እንኳን በስማቸው እንጫወት የነበሩ ፓርቲዎች፣ ድርጅቶች እና ግለሰቦች መኖራቸው ትዝ የሚለኝ እዚህ አሜሪካ ስገባ ነው፡፡

Friday, August 19, 2011

I am so humbled by this honor


(ምንጭ፡-አዲስ ዘመን ነሐሴ 12 ቀን 2003ዓ.ም. 70ኛ ዓመት ቁጥር 342)
ቪዥን ኢትዮጵያ ፎረ ዲሞክራሲ የተባለ መንግስታዊ ያልሆነ ድርጅት መልካም ዜጋን በመቅረጽ እና የመልካም አስተዳደር ተግባራትን በማጠናከር ረገድ ከፍተኛ አስተዋጽኦ አድርገዋል ያላቸውን አራት ግለሰቦች ሊቀ ዲሞክራት እና ስድስት ግለሰቦችን ‘’የዓለም የሰላም አምባሳደር’’ የሚል ማዕረግ ሰጥቷል፣ በዚህም የነገረ ቤተክርስቲያን ተመራማሪ እና ደራሲ የሆነው ዲ/ን ዳንኤል ክብረት ‘’የዓለም የሰላም አምባሳደር’’ የሚል ማዕረግ ሰጥቶቷል፡፡ ስነስርዐቱ ላይ በመገኘት ማዕረጉን የሰጡት ፕሬዚዳንት ግርማ ወልደጊዮርጊስ ሲሆኑ የፌደራል ጉዳዮች ሚንስትር ዶ/ር ሽፈራው ተክለማርያም ‘’የዓለም የሰላም አምባሳደር’’ የሚል ማዕረግ ካገኙት ግለሰቦች አንዱ ናቸው፡፡ ቪዥን ኢትዮጵያ ፎረ ዲሞክራሲ ዋና ዳይሬክተር አቶ ታደለ ደርሰህ በስነስርዐቱ ላይ እንደገለጹት የተመረጡት ግለሰቦች በግልና በመንግስታዊ ተቋማት የላቀ ሥራ የሰሩ ናቸው፡፡ የዜጎች መብት እንዲታወቅ ና እንዲከበር ከፍ ያሉ ተግባራት አከናውነዋል አርአያና ምሳሌ ሆነው የሚጠቀሱም ናቸው ድርጅታችን ወደፊትም እንዲህ ያሉ ግለሰቦችንና ኃላፊዎችን ለተግባራቸው ዕውቅና በመስጠት የመሸለም ሥራ እንደሚሰራ ገልጸዋል፡፡ ለአገልግሎት ባሕር ማዶ የሚገኘው ዲ/ን ዳንኤል ክብረትም በባለቤቱ አማካኝነት የማዕረግ ስጦታውን ተቀብሏል፡፡  for news clik here www.gebrher.com

ስላከበራችሁኝ እግዚአብሔር ያክብርልኝ

Thursday, August 18, 2011

ለቤተ መጻሕፍትዎ

     ከእንጦጦ ኀሙስ ገበያ እስከ መርካቶ


አዘጋጅ:- ብርሃኑ ሰሙ
ኅትመት:- አልፋ አታሚዎች
የታተመበት ዘመን:- 2003 ዓም
የገጽ ብዛት:- 328
ዋጋ:- 50 ብር

Tuesday, August 16, 2011

የጠፋው ትምህርት ቤት


ዳዋ ውስጥ የሰማሁትን አንድ አስቂኝ ታሪክ ላውጋችሁማ፡፡ ነገሩ የተፈጸመው በአንድ የበጎ አድራጎት ድርጅት ውስጥ ነው፡፡
ድርጅቱ አንድ የገጠር ትምህርት ቤት ለማሠራት በሚሊዮን የሚቆጠር ገንዘብ ከውጭ ርዳታ ሰጭዎች ያገኛል፡፡ በተወሰነ ጊዜ ውስጥ ትምህርት ቤቱ ተሠርቶ፣ የተለያዩ ከፍተኛ አካላት ባሉበት ተመርቆ፣ የምረቃው ሥነ ሥርዓት ፎቶዎች እና ቪዲዮዎች ለለጋሾቹ ይላካሉ፡፡

Friday, August 12, 2011

ሥዕሎቻችን


|ወደ አሜሪካ ለመብረር ከመነሣቴ ከአራት ሰዓታት በፊት ሦስት ጓደኛሞች በምናዘወትረው የአራት ኪሎው ማለዳ ካፌ ቁጭ ብለናል፡፡ አንዱ ወዳጃችን ታድያ «ሰውኮ እህህ» የሚል የስሙኒ ጥቅስ አምጥቶ ይንጨረጨራል፡፡ «እገሌ እንዴት እንዲህ ይሆናል፡፡ እገሌስ እንዴት ይህንን ያህል ይወርዳል፡፡ እገሌስ ቢሆን ንግግሩ እንዲህ መሆን የጀመረው መቼ ነው፡፡ ደግሞ የእገሊት ይግረም» አያለ ይብሰከሰካል፡፡
እየደጋገመ «ለካስ ሰው ባስቀመጡት ቦታ አይገኝም» ይላል፡፡ ሁለተኛው ወዳጃችን እስኪጨርስ ታገሠውና «ግን ችግሩ ያለው ከእነርሱ ነው ወይስ ካንተ የሚል ያልተጠበቀ ጥያቄ አመጣ፡፡ እኔ ራሴ በጥያቄው አዘንኩም ተገረምኩም፡፡ ሰዎቹ ያደረጉትን ነገር እየዘረዘረለት እንዴት ተበዳዩን ችግሩ ካንተ ሊሆን ቢችልስ ይለዋል ብዬ ተቀየምኩት፡፡
«አንድ ነገር እስኪ ልጠይቃችሁ» አለን፡፡

Tuesday, August 9, 2011

ኅሊና እና መንገድ


አንድ ሰው ከሚያሳድዱት ሰዎች እየሸሸ ይሮጣል፡፡ ሊያመልጥ በሚችልባቸው መንገዶች ሁሉ እየተሹሎከሎከ ተጓዘ፡፡ ሰዎቹ እንዳያዩት ሊደበቅባቸው በሚችሉ አማራጮች ሁሉ ተፈተለከ፡፡ በስተ መጨረሻ እግሩ ከአንድ ግምብ አጠገብ አደረሰው፡፡ ግንቡ እጅግ ቁመታም እና ረዥም ነበር፡፡ ተንጠላጥሎ ለማለፍም ምንም ዓይነት መወጣጫ አልነበረውም፡፡ ምናልባት የሚያስገባ ቀዳዳ ባገኝ ብሎ የግንቡን ጥግ ተከትሎ ሮጠ፡፡ ነገር ግን እርሱ ደከመው እንጂ መገቢያ ሊያገኝ አለቻለም፡፡
በመጨረሻ ተስፋ ሊቆርጥ ደረሰ፡፡ ከኋላው የሚያሳደዱት ሰዎች እንደርሱው ግንቡን ሲያዩ መጀመርያ ደነገጡ፤ በኋላ ግን እርሱን ለመያዝ አመቺ መሆኑን ዐውቀው ደስ አላቸው፡፡ ሊሄድ ይችላል በሚሏቸው በሁለቱ የግንቡ አቅጣጫዎች ተከፋፍለው ሮጡ ፡፡

Thursday, August 4, 2011

የአንድ ዕብድ ትንቢት


አንድ ዕብድ አራት ኪሎ ላይ ጆሊ ባር ፊት ለፊት ቆሞ «ወደፊት የኢትዮጵያ ሕዝብ በስድስት ይከፈላል፣ በስድስት ይከፈላል» እያለ ቡትቶውን እየጎተተ ይጮኻል፡፡ አጠገቡ የነበሩ ጋዜጣ ሻጮች «ዝም በል፣ ዕብድ፣ ተነሣብህ ደግሞ፤ ማን ይከፍለዋል ደግሞ፤ መዓት አውሪ» አሉና ሊያባርሩት እጃቸውን ወነጨፉ፡፡ እርሱም በተራው ከት ብሎ ሳቀና «የዕውቀት ማነስ ችግር አለባችሁ፡፡ ኩላሊታችሁ ችግር አለበት፡፡ የኛ ሰው መከፋፈል ልማዱኮ ነው፡፡ በዝባዥ እና ተበዝባዥ፤ አድኃሪ እና ተራማጅ፤ ፊውዳል እና ፀረ ፊውዳል፤ ኢምፔሪያሊስት እና ፀረ ኢምፔሪያሊስት፤ አብዮተኛ እና ፀረ አብዮተኛ፤ ሕዝባዊ እና ፀረ ሕዝብ፤ ልማታዊ እና ፀረ ልማት፤ ኮሚቴ ሰብሳቢ እና ኪራይ ሰብሳቢ» መልሶ ከት ብሎ ሳቀ፡፡