Thursday, July 15, 2010

ስላላደረግክልኝ ነገር አመሰግንሃለሁ ክፍል 2

እንደ እኔ ውጭ ሀገር መሄድ የሚወድ ሰው አልነበረም፡፡ ከቻልኩ እንደ ሰው ቪዛ አግኚቼ ካልቻልኩም እንደ በርበሬ እና ሽሮ ተፈጭቼ አሜሪካ መሄድ አለብኝ ብዬ ቁርጥ ሃሳብ ነበረኝ፡፡ ያውም ደግሞ አሜሪካ ገብቼ ዜጋ መሆን ነው የምፈልገው፡፡እዚህ ሀገር መማር፣ መሥራት፣ መኖር ፈጽሞ አልቻልኩም፡፡ ሕልሜም እውኔም አሜሪካ ነው፡፡ ስለ ጤንነቴ ከሚጠይቀኝ ሰው ይልቅ ስለ አሜሪካ የሚነግረኝ ሰው ነበር የምወ ድደው፡፡ ያ በጣም የሚወድደኝ እና የምወድደው አጎቴን እንኳን አስቀይሜዋለሁ፡፡ እርሱ ዜግነቱን የሚለውጥ ሰው ደመኛው ነው፡፡ ከወንድሞቼ እና እኅቶቼ ጋር ምነው ምንስ ቢሆን እንዴት ዜግነት ይቀየራል ?እያለ ይጣላል፡፡ እኔ ደግሞ ካልቀየርኩ ሞቼ እገኛለሁ ብዬ ተነሣሁ፡፡

ቤተ ሰቦቼ ቢሉኝ ቢሠሩኝ ይህንን ሕልም መተው ስላልቻልኩ አለ በሚባለው መንገድ ሁሉ እኔን አሜሪካ ለመላክ ሞከሩ፡፡ ከአጎቴ በቀር፡፡ አንድን ነገር ሙጭጭ ስትልበት ጥምም ነው የሚልብህ፡፡ ለጓደኞቼ የተሳካው መንገድ ሁሉ ለእኔ ጠመመ፡፡ ሌላው ቀርቶ ኬንያ ሄጄ ፕሮሰስ ጥበቃ ሦስት ዓመት ተቀመጥኩ፡፡ ጠብ የሚል ነገር አልነበረም፡፡

የኬንያው አልሳካ ሲል ዑጋንዳ ገባሁ፡፡ እዚያ እንዲያውም የተሻለ ነገር ማየት ችዬ ነበር፡፡ አንድ ፕሮሰስ ገዝቼ አንድ ስድስት ወር ጠበቅኩና ተሳካ፡፡ ለኢንተርቪው ተጠርቼ ስገባ ሰውነቴ ይንቀጠቀጥ ነበር፡፡ የማውቀውን ነገር እንኳን መናገር አቃተኝ፡፡ የኔ መውደቅ ሳያንስ ባለ ፕሮሰሱንም አዘጋሁበት፡፡

እንደገና አገሬ ገብቼ ሌላ ነገር ጀመርኩ፡፡ ዲቪ ገዝቻለሁ፤ ፎርጂድ ፓስፖርት ለማሠራት ሞክሬያለሁ፤ ለባዛር እና ለኤግዚቢሽን በሚል ቪዛ ለማሠራት ገንዘብ ከሰክሻለሁ፡፡ ብቻ ተወው፤ ጓደኞቼ «ዋልያ» እያሉ ይቀልዱብኛል፡፡ እንደ ዋልያ ከሀገሬ ውጭ እንድኖር አልተፈቀደልኝማ፡፡ ያልተሳልኩት ታቦት፤ ያልሄድኩበት ጠበል፣ ያላማከርኩት ባሕታዊ፣ ያልከፈልኩበት ኤምባሲ የለም፡፡ ሁሉም ጭጭ ምጭጭ አሉ፡፡

ሲጨንቀኝ ከእግዚአብሔር ጋር ተጣላሁ፡፡ ባይኖር ነው እንጂ ቢኖርማ እንዴት ይህንን ሁሉ ጸሎት፤ ይህንን ሁሉ ሥዕለት አይሰማም፤ ቢያዳላ ነው እንጂ ባያዳላማ ለሌሎች ያደረገውን ለእኔ ማድረግ እንዴት ያቅተዋል ብዬ ተቀየምኩት፡፡

ቀና ብዬ ባየው ሰማዩ ቀለለኝ
አላህን ሠፈራ ወሰዱት መሰለኝ

ያለውን ወሎዬ ታስታውሰዋለህ፡፡ በ1977 ከድርቁ በኋላ ነበር እንዲህ ያለው፡፡ እኔም እንዲያ ነው የሆነብኝ፡፡

አንዷ እንደኔ የጨነቃትም

አለህም እንዳልል እንዲህ ይደረጋል
የለህም እንዳልል ይመሻል ይነጋል

ብላለች አሉ፡፡

በመጨረሻ በኑሮዬ ተስፋ ቆረጥኩና ከማይሆኑ ልጆች ጋር ገጠምኩ፡፡ የሕይወቴ መመርያ መቃም፣መጠጣት፣መጨፈር ሆነ፡፡ ተያይዘን ከከተማ እንወጣለን፡፡ እንቅማለን እንጠጣለን፡፡ ከዚያም ሊደረግ የሚቻለውን ሁሉ እናደርጋለን፡፡ ላይፍ እንቀጫለን፡፡

እናቴ አዘነችብኝ፡፡ ውጭ ያሉት ወንድሞቼ እና እኅቶቼም እየደወሉ ሊመክሩኝ ሞከሩ፡፡ ማን ሊሰማቸው፡፡ አጎቴማ ዘወትር ኀዘን ብቻ ሆነ ሥራው፡፡ ዘመዶቼ ሁሉ ለምክር ተሰለፉ፡፡ እነርሱ ሊመክሩኝ ባሰቡ ቁጥር እኔ ከእነርሱ ራቅሁ፡፡ በኋላ ላይ አጎቴን «እንደዚያ ስሆን እያየኸኝ ለምን ነበር እንደ ሌሎቹ ያልመከርከኝ» ብዬ ጠይቄው ነበር፡፡ ያለኝን አልረሳውም፡፡ «ሰው በኑሮው ተስፋ በቆረጠበት ሰዓት፣ ሰው ጥፋትን እያወቀ በሚሠራበት ሰዓት፣ ጸሎት እንጂ ምክር አይመልሰውም» ነበር ያለኝ፡፡

አንድ ሁለት ዓመት በዚህ ሁኔታ ከቀጠልኩ በኋላ ደግሞ እርሱም ሰለቸኝ፡፡ ጓደኞቼን ሁሉ ዘጋኋቸው፡፡ በሬን ዘግቼ ቤቴ መዋል ጀመርኩ፡፡ አሁን እናቴ ይበልጥ ጨነቃት፡፡ ልጄን ምን አስነኩብኝ ማለት ጀመረች፡፡ ውጭ መውጣት አስጠላኝ፡፡ ሙዚቃ እና ፊልም ከፍቼ ቤት ውስጥ መዋል፣ ማደር ጀመርኩ፡፡

አንድ ቀን ምን እንደነካኝ አላውቅም በድንገት ተነሥቼ እንጦጦ ኪዳነ ምሕረት ሄድኩ፡፡ ተሳለምኩና እዚያው ቁጭ አልኩ፡፡ የተቀመጥኩት ከዋናው የግቢው በር አጠገብ ነበር፡፡ አንድ መንፈሳዊ ትምህርት ይሰማኛል፡፡ ድምፁን ወደምሰማበት ዘወር ስል አንድ ልጅ በትንሽ ቴፕ ነበር የሚያሰማው፡፡ ሄጄ ጠየቅኩትና በአሥር ብር ሸጠልኝ፡፡ የሕይወቴ ለውጥ ያኔ ተጀመረ፡፡

ይቀጥላል

19 comments:

  1. አረ ዳኒ ምነካህ ሰስፔንስ ፊለም አደረከው እኮ

    ReplyDelete
  2. Selam lante yihun Dn.Daniel.Eskezare minm comment setche alawkim mikniyatum malet yemfeligachewn kedmeh keleloch anbabiwochih siletenegereh zare gin yemegemeriya sew ehonalehu bye yehen byalehu. ስላላደረግክልኝ ነገር አመሰግንሃለሁ bemil arest yetsafkilin tarik keskezarewochu yemileyew wanegnaw neger lib anteltay madregih new ena yhen akahed lehulgizem tetkemibet. satinikegn hasaben silanebebkew egziabher yakbrlign!
    Emebete maryam bewuluneger atleyh!!

    ReplyDelete
  3. Minew mine Dani zarem Yeketilal?????????

    ReplyDelete
  4. z word of God definetly changes her direction

    ReplyDelete
  5. «ሰው በኑሮው ተስፋ በቆረጠበት ሰዓት፣ ሰው ጥፋትን እያወቀ በሚሠራበት ሰዓት፣ ጸሎት እንጂ ምክር አይመልሰውም»በከፊል ብስማማበትም ሁለቱንም መሞከር ግን / ከተሞከሮ አንጻር /ተገቢ ይመስለኛል፡፡ "የሕይወቴ ለውጥ ያኔ ተጀመረ...." ለሁሉም ጊዜ አለው እንዳለው ጠቢቡ፡፡ ደግሞስ ለኛ የሚያስፈልገውን ከእኛ በላይ ያስብልን የለ እንዴ!
    እውነተኛ ትረካ ሰለሆነ መጨረሻውን በጉጉት እንጠብቀዋን፡፡
    ሰላመ እግዚአብሔር አይለየን
    ደረሰ ዘባሕር ዳር

    ReplyDelete
  6. Selam Dn. Daniel

    Minew?! Kehulu yemitelaw endezih ayinet lib manteltel yemilutin atsatsaf newu Ebakih... Tolo bel.

    ReplyDelete
  7. menem lemalet yekebdal
    andegnahen cheresewna....

    ReplyDelete
  8. በጣም የተዋጣልህ ደራሲ ነህ ምናለበት መንፈሳዊ ድራማዎችን ደርሰህ ለእይታ ብታቀርብልን ጽሁፎችን እየቆራረጥክ ልበችንን ከምታንጠልጥለው…

    ReplyDelete
  9. ወይ ዲ/ን ዳንኤል .. አሁን ምን አለበት ብትጨርሰዉ... እሺ ይሁን ግን ታሪኩ የቆመበትን ቦታ እንዳትረሳ።

    ከብሪታኒያ

    ReplyDelete
  10. dear brother pls finish it soon it is extremly suspensing! Tsegawin yabzalih !

    ReplyDelete
  11. Yemitcherisew Kehone Cehrisewuna Andi gize Enanibibew Enji. Min nekah Dn. Daniel...

    ReplyDelete
  12. betam enji, this is a story of our lives though. i like it, i can't wait to hear what that sibket had done for this poor lost soul...Amlak cher yakoyen dani brother.

    ReplyDelete
  13. ውድ ወንድማችን፤
    ምንም እንኳን እኔ የኦርቶድክስ እምነት ተከታይ ባልሆንም ድረገጽህን(ጡመራህን) በየጌዜው እከታተላለሁ።መሰረታዊውን እምነትህን ባልጋራም የአጻጻፍ ስልትህንና የማህበረ-ሰብ አመለካከትህን አደንቃለሁ። አንዳንድ ትምህርቶችንም አግኝቼበታለሁ።
    በርግጥ በየጊዜው የበሰሉ ጽሁፎችን ማውጣት ቀላል አይደለም:: እኔም በዚሁ አገልግሎት ላይ የተሰማራሁ በመሆኔ ችግሩ ይገባኛል። ቢሆንም እንደዚህ ባጭሩ ሃሳብ እያለቀብህ ትቸገራለህ ብዬ መገመት ክብዶኛል። ካልሆነ በእውነት ይሄ ጽሁፍ ረዝሞ ነው የከፋፈልከው?!
    በርታ!

    ReplyDelete
  14. ኸረ ተው ዳኒ........

    ReplyDelete
  15. በጣም አስተማሪ ትረካ ስለሆነ ወድጀዋለኩ! በዚሁ ቀጥሉበት!

    ችል-ጌት
    ከባህር ዳር

    ReplyDelete
  16. I live outside Ethiopia, I like the way you write now days I mean in this blog. I like the stories being short because if it is too long I don't read the whole article. I read only some parts. If its short, I read the whole part. So please don't make it long as some people advising you.

    God bless you.
    From Canada

    ReplyDelete
  17. ሰው በኑሮው ተስፋ በቆረጠበት ሰዓት፣ ሰው ጥፋትን እያወቀ በሚሠራበት ሰዓት፣ ጸሎት እንጂ ምክር አይመልሰውም»

    ReplyDelete
  18. Dan, oh my God, please Continuous......
    Adey from Awassa

    ReplyDelete
  19. ይባቤ ጌትንትSeptember 19, 2010 at 10:31 AM

    በጣም አሰተማሪ ትረካ ነው ቀጥልበት፡፡አሁን ያለሁት ደ/ጎንደር ውስጥ ሲሆን 1999 ዓ.ም ለ1፡00 ያክል ደሴ መ/ዓለም ቤ/ቲያን ስላስተማርከኝ ሁሌም ከህሊናየ አትጠፋም፡፡
    አግዚአብሄር ይርዳህ

    ReplyDelete