Saturday, June 26, 2010

171ኛው ሆስፒታል

በዓለም በደረጃው 171ኛ በሆነው ሆስፒታል ውስጥ ነው ከዚህ የሚከተለው ታሪክ የተፈ ጸመው፡፡ ይህ ሆስፒታል ዛሬ አንድ መቶ ሰባ አንደኛ ይሁን እንጂ እጅግ ገናና የሆነ ታሪክ እና ዝና የነበረው ነው፡፡ አያሌ ከባድ በሽታዎችን ድል እየመታ፣ ታላላቅ ሰዎችን እያፈራ፣ ለአንድም ቀን በበሽታ ሳይደፈር የኖረ ሆስፒታል ነው – 171ኛው ሆስፒታል፡፡

አንድ ቀን የሆስፒታሉ አምስት ሠራተኞች ሻሂ እየጠጡ የቆጥ የባጡን ይጨዋወቱ ነበር፡፡ በመካከል ላይ «እኛ ለብዙ ዓመታት በዚህ ሆስፒታል ውስጥ እየሠራን ነው፤ ሆስፒታላችን ግን እናውቃለን በሚሉ ጥቂት ዶክተሮች የተያዘ ነው፡፡ እነዚህ አምስት እና ስድስት ዶክተሮች ብቻ ናቸው ቀዶ ሕክምና እያደረጉ የሚያክሙት፡፡ በዚህ ምክንያትም ገንዘብ፣ ስም እና ዝና ያገኙት እነርሱ ብቻ ናቸው፡፡ ይህ የጥቂት ዶክተሮች አስ ተዳደር ማብቃት አለበት፡፡ ሁላችንም ይህ ዕድል ያለ አድልዎ ሊሰጠን ይገባል» የሚል ሃሳብ አነሡ፡፡ ይህ ሃሳብ እንደ ሰደድ እሳት በሆስፒታሉ ውስጥ በአንድ ጊዜ ተነዛ፡፡ የጥበቃ ሠራተኞች፣ ጸሐፊዎች፣ የጤና ረዳቶች፣ መዝገብ ቤቶች፣ አትክልተኞች፣ ምግብ ቤቶች፣ ፋርማሲስቶች፣ የጥገና ባለሞያዎች፣ ግዥ ክፍሎች፣ ሌሎችም ሃሳቡን በመደገፍ ተነሡ፡፡ «ካሁን በኋላ የጥቂት ዶክተሮች የአገዛዝ ዘመን ማብቃት አለበት» የሚለው መፈክር ይስተጋባ ጀመር፡፡

በዐሥረኛው ቀን ሠራተኞቹ ማኅበር አቋቋሙ፡፡ የማኅበሩ ሊቀመንበርም የሆስፒታሉን ባልደረቦች ለስብሰባ ጠራ፡፡ «ዛሬ የተሰበሰብነው ለለውጥ ነው፡፡ ይህ ሆስፒታል ከተቋቋመ አያሌ ዘመናት ተቆጥረዋል፡፡ እስካሁን ሕመምተኛውን ቀዶ ሕክምና እያደረጉ ስም እና ዝና ያተረፉት፣ ዳጎስ ዳጎስ ያለ ደመወዝም የሚያገኙት ጥቂት ዶክተሮች ናቸው፡፡ ይህ ሁኔታ ማብቃት አለበት፡፡ እኛስ በምን እናንሳለን፡፡ ሁላችንም የሆስፒታል ሠራተኞች መባላችን ካልቀረ ዕድሉ ሊሰጠን ይገባል፡፡ ለዚህ ነው የጠራናችሁ» በማለት ሰብሳ ቢው ሲናገር አዳራሹ በጭብጨባ ተናጋ፡፡

እነዚያው ጥቂት ዶክተሮች ሃሳብ ለመስጠት እጃቸውን ቢያወጡም የሚሰማቸው አላገኙም፡፡ አንድ በጥበቃነት ሲያገለግሉ የኖሩ ሰውየ ተነሡና፡፡ «ይህንን ላሰባችሁት ዕድሜ ይስጥልን፡፡ ለብዙ ዘመናት ሲያንገበግበን የኖረ ነገር ነው፡፡ እኔ ለምሳሌ ሰላሳ ስምንት ዓመት አገልግያለሁ፡፡ እስካሁን ግን አንድ በሽተኛ አክሜ፤ አንድም መድኃኒት አዝዤ አላውቅም፡፡ ለስሙ ግን የሆስፒታሉ ሠራተኛ ነኝ፡፡ በሽተኞችም እየመጡ ''ሐኪም እገሌ የሉም?'' ነው የሚሉት፤ ይህ አሠራር ማቆም አለበት» ብለው አስጨበጨቡ፡፡

በዚህ ጊዜ አንደኛው የቀዶ ጥገና ሐኪም በንዴት ጦፈው ተነሡ፡፡ «አራት ደቂቃ ብቻ» አሏቸው ሰብሳቢው፡፡ «ሕክምና ሞያ ነው፡፡ ማከም ከፈለጋችሁ ተማሩ፡፡ ብዙ ሐኪሞችን ከፈለግን ብዙ የሕክምና ኮሌጆችን መክፈት እንጂ ተሰብስቦ መወሰን አይደለም መፍትሔው፡፡ ሞያ በመማር እና በመልመድ እንጂ እንደ ጠበል በመረጨት አይገኝም፡፡ ችግራችንን ከድጡ ወደ ማጡ እንዳትከቱት» ሊሰሟቸው የፈለጉ ጥቂቶች ናቸው፡፡

«ዋናው ነገር ትምህርት ነው የምትሉት እድሜያችሁን ለማራዘም ነው፡፡ ሕዝብ ካመነብኝ እንኳንስ ሐኪም ሌላም መሆን ይቻላል፡፡ እኔኮ ለዚህ ሆስፒታል ታማኝ ሆኜ ሃያ አምስት ዓመት አገልግዬአለሁ፡፡ ዋናው ለማኅበራችን ያለን ታማኝነት ነው፡፡» አንዲት በጽዳት ሠራተኛነት ያገለገሉ እናት ለንዴቱ በንዴት መልስ ሰጡ፡፡

«እኔ ሃሳብ አለኝ» አሉና አንድ የመዝገብ ቤት ሠራተኛ ተነሡ፡፡ «ካሁን በኋላ አንድ በሽተኛ ሲመጣ በር ተቆልፎ ዶክተሩ ብቻቸውን የሚያነጋግሩበት አሠራር መቅረት አለበት፡፡ ለምንድን ነው ሁላችንም የማንሰማው? ይሄ እኛ እንዳናውቅ የሚደረግ ሤራ ነው፡፡ ስለዚህም እዚሁ አዳራሽ እየመጣ በሽተኛው ይጠየቅ፡፡ ሁላችንም የመመርመር እድሉን እናግኝ፡፡ በሽታው ምን እንደ ሆነ አንድ ዶክተር ብቻውን በአምባገነንነት መወሰንም የለበትም፡፡ እዚሁ አዳራሽ ውስጥ በድምጽ ብልጫ መወሰን አለበት» ተጨበጨበ፡፡

«ተጨማሪ» አሉ የሆስፒታሉ ሾፌር «ላቦራቶሪ የሚባል የሰው ደም የሚጨርስ ነገር መቅረት አለበት፡፡ እኛ እንዳናውቀው እየጫሩ ሐኪሞቹ ይልካሉ፤ እየጫሩ ባለ ላቦራቶሪዎች ይመልሳሉ፡፡ መቅረት አለበት፡፡ ላቦራቶሪ ከሕዝብ ድምፅ አይበልጥም፡፡ ደግሞም ካሁን በኋላ ጥቂት ዶክተሮች ለብቻቸው ቀዶ ጥገና የሚያደርጉበት አሠራር ቀርቶ ማን ቀዶ ጥገና ማድረግ እንዳለበት እዚሁ በስብሰባ መወሰን አለበት» አሁንም ተጨበጨበ፡፡

አምስቱም ዶክተሮች እጃቸውን አወጡ፡፡ «ሥነ ሥርዓት» ይላሉ ደጋግመው፡፡

በስንት መከራ ለአንዱ ተፈቀደላቸው፡፡ «ሕክምና ሞያ ነው፡፡ ሕመምተኛም እዚህ የሚመጣው ባለሞያ ፈልጎ እንጂ ለስብሰባ አይደለም፡፡ ያለ ላቦራቶሪ እንዴት ነው በሽታን ልንለይ የምንችለው? በምን አሠራር ነው ሁላችሁም ልታክሙ የምትችሉት? መግደል ነው እንዴ የምታስቡት፡፡» ሐኪሙ ሳይጨርሱ አንዲት የጤና ረዳት ተነሡና «ይህ ንቀት ነው፡፡ ንቀት ነው፡፡ ዕውቀት ሁለተኛ ነገር ነው፡፡ የመጀመርያው ለሆስፒታሉ የሠራተኞች ማኅበር ታማኞች ነን አይደለንም? ነው፡፡ ቀጣዩ ደግሞ ሕዝብ መርጦናል ወይስ አልመረጠንም ነው፡፡ የቀረው ነገር ፍሬ ከርስኪ ነው» ተሳቀ፤ ተጨበጨበ፡፡

በስብሰባው መጨረሻ በወጣው የአቋም መግለጫ ስድስት ውሳኔዎች ተወሰኑ፡፡

1. ማንኛውም በሽተኛ ወደ ሆስፒታሉ ሲመጣ ወደ ስብሰባው አዳራሽ ገብቶ፣ በግልጽነት፣ በሁሉም ሠራተኞች ፊት እየተጠየቀ እንዲመረመር፤ በድብቅ ዶክተሩ ብቻውን መመርመሩ እንዲቀር

2. ላቦራቶሪ፣ አልትራሳውንድ፣ ራጅ፣ የመሳሰሉት ለብዙኃን አሠራር ስለማይመቹ እንዲቀሩ፡፡ ደግሞም ከመላው ሠራተኛ ድምጽ እነርሱ አይበልጡም

3. ማንኛውም በሽተኛ ምን እንዳመመው በድምፅ ብልጫ እንዲወሰን

4. ቀዶ ጥገና የሚያስፈልገውን በሽተኛ ማን ቀዶ ጥገና ማድረግ እንዳለበት በድምጽ ብልጫ እንዲወሰን፤ ዶክተሮች እንደማንኛውም ሠራተኛ ድምጽ ካገኙ ያክማሉ፡፡

5. ቀዶ ጥገና አድራጊ ማን ማድረግ እንዳለበት ሲወሰን መጀመርያ ለሠራተኛ ማኅበሩ ያለው ታማኝነት፣ ቀጥሎ ከዚህ በፊት ዕድሉን ያላገኘ መሆኑ፣ እንዲታይ

6. ቀዶ ጥገና አድራጊዎች ከልዩ ልዩ የሆስፒታሉ ክፍሎች ያላቸው ተዋጽዖ እንዲመጣጠን

                                                                  ተጨበጨበ፡፡

የመጀመርያው በሽተኛ ይግባ ተባለ፡፡ በሽተኛዋ ተጠሩ፡፡ «ወ/ሮ ሀገሬ ይግቡ» ወ/ሮ ሀገሬ ገቡ፡፡ በተሰብሳቢው መካከል አልፈው መድረክ ላይ ተቀመጡ፡፡ ቀድሞ ከሚያውቁት ስለተለየባቸው ግራ ገባቸው፡፡ ሰብሳቢው ጥያቄ ጀመረ፡፡

«ምንዎን ነው የሚያምዎት?»

«ራሴን»

«ከጀመረዎ ምን ያህል ጊዜ ነው»

«ብዙ ዓመት ሆኖታል»

«ዕረፍት ያደርጋሉ»

«አዬ ልጄ ምን ዕረፍት አለኝ»

«ይበቃል» ተባሉ፡፡

«በሉ በሽታቸው ምን ሊሆን ይችላል? በሚለው ላይ ሃሳብ ስጡና በድምፅ እንወስን» አሉ ሰብሳቢው፡፡

«ጨጓራ ነው» «የለም ኩላሊት ነው» «የለም የለም ጉበት ነው» «ፈጽሞ፣ ይህማ መጋኛ ነው» «የለም ደንቃራ ተደርጎባቸው ሳይሆን አይቀርም» ሃሳቦቹ ከያቅጣጫው መጡ፡፡ አሁንም ዶክተሮቹ እየተነሡ ጮኹ፡፡ ይህ ግን 171ኛው ሆስፒታል ነውና ሰሚ አላገ ኙም፡፡ «በሽታ እንዴት በድምፅ ብልጫ ይወሰናል፤ በቂ ምርመራ ተደርጎ፣ አስፈላጊ የሆኑ ላቦራቶሪ፣ የአልትራ ሳውንድ፣ የመሳሰሉት ውጤቶች ሳይታዩ እንዴት ብዙ ሰው ስለተናገረ ብቻ ሊወሰን ይችላል፡፡ ለምን ታማሚውን እንገድለዋለን» ማን ይስማ፡፡

«ድምፅ ስጡ» ተባለ፡፡

ከአምስት ተቃውሞ በቀር በብዙኃኑ ድምፅ «በሽታው ኩላሊት ነው» ተብሎ ተወሰነ፡፡ ሕመምተኛዋ ወ/ሮ ሀገሬ ተቃወሙ «እኔ ኩላሊቴን ደኅና ነኝ፡፡ ተውኝ እባካችሁ፡፡ እን ዲያውም መታከም አልፈልግም፡፡ ይቅርብኝ እንዲሁ ብኖር ይሻለኛል፡፡ ''ትሻልን ሰድጄ ትብስን አመጣሁ'' አሉ አያቴ፡፡ በቃኝ አልፈልግም» ተንገበገቡ፡፡

«የለም የለም፤ ይህንን ያህል ጊዜያችንን አባክነውማ አልታከምም ማለት አይችሉም፡፡ አሁንማ ድምፅ ተሰጥቶ፣ ተወስኖ፣ የግድ ነው፤ ይታከማሉ» ሰብሳቢው ተቆጣ፡፡

«ቀዶ ጥገና ያስፈልገዋል አያስፈልገውም?» ሰብሳቢው ጠየቀ፡፡ ከአምስት ተቃውሞ በስተቀር «ያስፈልገዋል ተብሎ ተወሰነ»

«እሺ ማን ቀዶ ጥገና ያድርግ» ሰብሳቢው መጠየቅ ሲጀምር አንዱ ዶክተር ዘለው ተነሡ «ኧረ ስለ ፈጠራችሁ፤ ሰው መቀለጃ አይደለም፡፡ እስቲ ይዋል ይደር በሉ»

ይህ ግን 171ኛው ሆስፒታል በመሆኑ የሰማቸው የለም፡፡

ጥቆማዎች ቀረቡ፡፡ በመጨረሻም የሆስፒታሉ አትክልተኛ ሆነው ለሠላሳ ዓመታት ያገለገሉትና አሁን ዓይናቸውን የጋረዳቸው አቶ እንዳለ ተመረጡ፡፡ ጭብጨባው አስተጋባ፡፡

አቶ እንዳለ ወደ መድረኩ ሲወጡ «ወ/ሮ ሀገሬ ይቅርብኝ አልታከምም» እያሉ ይጮኻሉ፡፡ ይህ ግን 171ኛው ሆስፒታል መሆኑ የገባቸው አልመሰለኝም፡፡

«ለዚህ ዕድል በመመረጤ ፈጣሪዬን አመሰግናለሁ፡፡ እናንተ ካመናችሁብኝ ገና ብዙ ኦፐሬሽን አደርጋለሁ፡፡ ዋናው መማር ሳይሆን መመረጥ ነው፡፡ የተማሩ ብዙዎች የመሚመረጡ ግን ጥቂቶች ናቸው፡፡ በሉ በሽተኛዋን እዚህ ጠረጴዛ ላይ አስተኙና ዓይኔን ጋረድ ስላደረገኝ ቢላዋውንና መቀሱን አስይዙኝ፡፡ ደግሞም ኩላሊት የት እንደሚገኝ በእጄ አስጨብጡኝ፤ የቀረውን ነገር ለኔ ተውት»

ዶክተሮች ሊከላከሉ ይታገላሉ፤ ወ/ሮ ሀገሬ ይጮኻሉ፤ ይህ ግን 171ኛው ሆስፒታል በመሆኑ የሚናገር እንጂ የሚሰማ አላገኙም፡፡

31 comments:

  1. ውድ ዳኒ ጥሩ ተመልክትኸዋል።
    ለማሳተፍ ተብሎ በተመረጡ የቀዶ ጥገና አባላት የተካሄደው የወ/ሮ ሀገሬ ቀዶ ጥገና መጨረሻ ምን እንደሚሆን መገመት አያዳግትም። ያልታደሉ እናት። በ171 ሆስፒታል ብቻ ሳይሆን የሆስፒታሉ ቅርጫፎች የሆኑት ክሊንኮች እና ፋርማሲዎችም ተመሳሳይ ችግር አለባቸው። የሙያ ብቃት ሳይሆን እድሜ፣ጾታ፣ውልደት፣ቋንቋ፣ቀለም እና የመሳሰሉት እንደ መመዘኛ ሲቀርቡ ችግሩ ይጀምራል ... ከዚያማ መቀስ ሲባል ወረንጦ፣መርፌ ሲባል ጅማት እየተቀባበሉ ...ወ/ሮ ሀገሬም አይድኑ ባለሙያዎቹም አይረኩ።

    አንድ ጓደኛዬ ሰቃይ ከነበረበት ዩንቭርስቲ ሲመረቅ እንደልምዱ እዚያው አስተማሪ ሆኖ መቅረት ሲገባው የ__አስተዋጽዖ ለመጠበቅ ሲባል ብቻ ከሱ ላነሱት እድሉ በመሰጠቱ የተጎዳው ማነው? የተጠቀመውስ? እንዲያ ከሆነስ የተሻሉ ባለሞያዎችን ከውጭ ማስመጣት ለምን አስፈለገ .. እውቀቱ ካልሆነ የሚያስፈልገው?

    ይብላኝ እንዲያ ለወሰኑት እንጂ ጓደኛዬስ PhDውን ለመያዝ በቢሮክራሲው ለማለፍ ሳይኖርበት አሳክቶታል። አንዳንዴ እንዲያውም ለበጎ ነው ይላል።

    ሌላም ሌላም...

    ReplyDelete
  2. We are very glad to be the first ones to comment on this reading, D. Daniel...this story can have many meanings behind it however for us, we are guessing this is about the problem we are facing in our church these days, especially, in DC and surrounding states...just recently one church father (Sebsabiw in the story) opened a church without any blessing from the Archbishop of the dioceses (the Doctor in the story)...only God know when this madness is going to stop…this exactly the same as having the Gardener do a surgery on the lady…the priest is doing a surgery on the church …Kalehiwot Yasemalin

    Ameha Giyorgis and Fikrte Mariam
    DC/VA

    ReplyDelete
  3. አምደ ሚካኤልJune 26, 2010 at 4:07 PM

    አምደ ሚካኤል
    ትምህርት ካስተማረው ጊዜ ያስተማረው ይበልጣል ብለው ይሆን?
    ዘቦ ዕዝን ሰሚዐ ለይስማዕ
    እግዚአብሔር ይስጥልን

    ReplyDelete
  4. Can u please tell us what 171 means?

    ReplyDelete
  5. +++
    According to United Nations Development Program, Ethiopia ranks 171 th in Human Development Index and, yes, in the present day Ethiopia what comes first is your blind loyalty to the regime.

    ReplyDelete
  6. 171ኛ የመሆኑ ሚሰጢር ግን አልገባኝም….ትንሽ ግልጽ ብታደርግልኝ ዲ.ን ዳንኤል እባክህ???

    ReplyDelete
  7. This looks an irony, unfortunately I did not realy get it. I was expecting the "andmita" of the content. As I tried to undrstand the message, it looks to emphasize the importance of giving due respect to professionals and their profession and getting appropraite education to do a task.

    Thanks anyways

    ReplyDelete
  8. ኤክማ
    ይህ ጽሁፍ ከ ዛሬ 35 አመት በፊት የነበረውን የማህበረሰባችንን የንቃተ ህሊና ደረጃ የሚያስታውስኝ ነው ። የአብዮት ወላፈን በነገሰበት ዘመን ፡የጅምላ ጥላቻ (ምሳሌ. ሆዱ ገፋ ያለውን ሁሉ ኢ.ዲ ዩ. መጥራት ማውገዝ) በየመስሪ ቤቱ የለውጥ ሀዋርያ ተብለው የሚቀመጡ ግለሰቦች ከዋናው አሰተዳዳሪ የበለጠ ተፈሪነት የነበራቸው ነበሩ ግን ለአብዮቱ ታማኝ ከመሆን ውጪ ቀለም የደፈሩ አልነበሩም መሪዎቻችንም እንዲሁ ነበሩ። በድምጽ ብልጫ ሃላፊን ከስራ ማባረር ያኔም ነበር አሁንም ተደርጎአል።
    ለፓርቲያችን ታማኝ እስከሆነ ድረስ ባይማርም ሚኒሰትር መሆን ይችላል። ከ35 አመታት በሓላ ይህ ቃል በፓርላማችን ውስጥ ሲነገር ሰማሁ። ታዲያ ታሪክ እራሱን አይደግምም ለሚሉ ከዚህ ምን ይማራሉ፡:

    ReplyDelete
  9. Are they 171 countries in the world? And ehiopia is 171th (poorest)? I don't know.

    ReplyDelete
  10. Yes...Ethiopia ranks 171 in Human Development Index - UN

    Am I right?

    ReplyDelete
  11. I really like it. Egzer ye mastewalun tsega yabzalih. ke wudase kentu yitebikih. le Ewunet be ewunet eskemechereshaw metsinatin yistih yemilut 3 mirkatoche nachew, egzer yewotatin mirkat kesema.
    While reading this article, two things come to my mind right away:
    1. Over all ethiopian administration system
    2. Ethiopian orthodox tewahedo administration in the USA.

    thanks a lot dani.

    ReplyDelete
  12. Thanks a lot Dn. Daniel

    I think this story corresponds to Ethiopians, we are at the rank of about 171 in economic growth and the Ethiopians have been blessed by the oriental Orthodox church (five in number) doctrine for long years. But this have been changed recently, most people blessed by what his political view allows not on how reliable the religious doctrine is.
    These days the one with a blinded gardener do a surgery on many Ethiopians..............................................................................................

    ReplyDelete
  13. +++

    በርታ አሁንም እንጠብቅሃለን ዲ/ን ዳንኤል

    ይህ ታሪክ አሁን አሁንማ መንፈሳዊ ነን በሚሉት ሰዎች እየባሰ መጥቶአል::
    መደማመጥና አቅምን ማወቅ ደግሞ ለኑሮ ያስፈልጋሉ::

    ReplyDelete
  14. አባግንባር (ከሮማ)June 27, 2010 at 6:39 PM

    ውድ ዳኒና አስተያየት ሰጪ ታዳሚዎች በሙሉ ሰላምታዬ ይድረሳችሁ

    በ171ኛው ሆስፒታል የ8ኛው ሺህ መገለጫ ሥራ እንደተሠራ ከጽሁፉ ተረድቻለሁ :: በእኔ አተረጓጎም ግን ይኽ ከእኛ ከምዕመኛን የቤተክርስቲያን አገልግሎት ውስጥ ሳይገባን ገብተን ካላገለገልን(ካላስተዳደርን) የሚለውን እምቢተኝነትና መክሊቶቻችንን ያለመለየትን ምስጢር የሚያሳይ መጣጥፍ ነው ብያለሁ በተለይ በተለይ በውጪ ሀገር የሚገኙ አብያተ ክርስቲያናት ትልቁ ፈተና ይህ ነው ብል ያጋነንኩ አይመስለኝም:: እናም ድርሻዬን እንዳውቅ አስተምሮኛል ዲን. ዳንኤልንና ባለፈው በ3ኛው ወር ዘገባ የተጠቀሱትን የጀርባ ደጀኖቹን እግዚአብሔር ይስጥልኝ እላለሁ::

    አባግንባር (ከሮማ)

    ReplyDelete
  15. This may look exaggerated to happen in a hospital. But I agree that this reflects the reality in most offices in Ethiopia

    ReplyDelete
  16. Dear Dn Daniel, I am still shaking my head! Where did you get the idea of compacting so many issues in one short article? It is truly amazing and I really enjoyed it. Do not ask me the meaning bcoz I wouldn't certainly tell you, except guessing. However, i really enjoyed the writing skill you demonstrated and the way you expressed your inside feelings and observations. The hospital, its ranking, the power struggle, the characters, the approach and reasoning to solve their dispute... oh my God! Thumbs up Bro!!!

    ReplyDelete
  17. (Comment I posted on the previous article. But I suppose I am a late and readers might not refer back and read my commnets which i really wanted it to reach as many readers as possible. Hence I copy pasted it here again, hope it is OK Dn Daniel)

    Dear Dn Daniel, thanks for your dedication and scarification. Thanks for your wife, family and friends who contributed in one way or another. MAY GOD BLESS ALL OF YOU ABUNDANTLY!!! My only wish is to see this blog online and lively as it is for the years to come. I do not have comments but I do have suggestions. The first one is to ease the burden on you what about inviting able brothers and sisters to share their view on your blog. I know the blog is about your view but if you can receive articles that are inline with your view, I think it will ease at least your time burden. Second I would like to know how you cover the monthly fee, 1000 ETB is to much money for anybody living in Ethiopia. May be if people who live outside Ethiopia who have the will and abilty to help can organize themselves and share your cost. Like ten friends who live together can contribute 10 USD each and cover one month cost. Let us organize ourselves in whatever possible way and share the burden. 50 lomi le'ande sewe shekemu le'50 sewe getu ayidel teretu. We have been learning and entertained on this blog, can't we do something? Hope to hear from other readers around the world.

    ReplyDelete
  18. ሰላም ለሁላችሁ ይሁን
    ይህንን ጽሁፍ ከዚህ በፊት ያነበብኩት ቢሆንም እንደ አዲሰ ነው የተረዳሁት፡፡

    1. የኢትዮጵያ ፖለቲካ
    ለመፍሔና ለባለሞያ ሳይሆን አፓርቲ አላማ ነው ቅድሚያ የሚሰጠው፡፡ የፎረም አበል ለሆነ ነው ስራ የሚሰጠው እንጂ በራሱ ጥረት ስለተማረው አደለም፡፡ ይህንን በብዙ ዩኒቨርስቲ ውስጥና ቀበሌ ውስጥ ያለ እወነተያ ሀቅ ነው፡፡

    2. የቤተ ክርስትያን አስተዳደርዎችና ወቅታዊ ሰባኪዎች የእግዚአሔር ያልሆኑ የእግዚአሔር ሰዎች)
    2.1 አንድ ቤተ ክርስትያን አስተዳዳሪ ለመሆን እንጂ የመንጋው መጥፋት፣የአብያተ ክርስትያናት መዘጋት፣ የአብነት ትምህርት መጥፋት የማያስጨንቃቸው የተክለሃይማኖት ቤተ ክርስትያን አስተዳደር ነኝ የሚሊ ነገር ግን የተክለ ሀይማኖትን ስራ የማይሰሩ፡፡ ተክለሃይማኖት እኮ ይህን ያገኙት በተጋድሎ እንጂ በጉቦ(የአገር ልጅ ስለሆኑ፣ስለተዛመዱ....)አደለም፡፡

    2.2 ስኬታቸውን በሚከተላቸው ሰው ብዛት፣ በድምጻቸው፣ በመናፍቃን ተቀባይነት ማግኘት የሚለኩ ሰባክያን፣ዘማሪያን ነው፡፡ ዲያቆን ሳያሆኑ ዲያቆናት ነን የሚሉ፣ ወንበር ዘርግተው ሳያስተምሩ እውቀና ሳይሰጣቸው እራሳቸውን የሾሙ መጋቤ ሀዲስ፣ ዲያቆን ......... ብዙ ብዙ የተባሉት፡፡ ከቤተ ክርስትያን ህግና ደንብ ይልቅ የራሳቸው ቀኖና ያላቸው፡፡

    ለሁላቸውም ልቦና ይስጥልን፡፡

    3. ምዕመናን
    መሰረቱን ሳያውቁ የሚያጨበጭቡ፣የሚያሞግሱ፣ከማንበብ/ከመማር ይልቅ ሞቲቬሽን የሚፈልጉ፡፡ ከህጉ ይልቅ ስሜታችን የሚገዛን፡፡

    4. እኔ፣እኔና እኔ 1-3 ያሉትን

    ውድ ዲ. ዳንኤል ይህንን ጽሁፍህን በከፊል ደቀመዛሙርነት በሚለው ስብከትህ የሰበከው እንደሆነ አምናለሁ፡፡

    ይቆየን

    ReplyDelete
  19. Biruk Los AngelesJune 29, 2010 at 1:36 AM

    Hello readers, Dn Daniel you have the ability to convey a message with simple and day to day activities like the story posted on this blog.As i was reading the story i was struck as to how everyone these days is in constant need of attention and being on the spotlight.The axillary departements that run the hospital are as important as the Mds who diagnose and treat diseases but unfortunetly the employees failed to see that.This has also become a normal scene in our churches. People fight tooth and nail to be acknowledged for every little contributions and services they provide to the church and often they live off the glory and unnecessary praises..... am afraid the dire consequences that will be inivitable in the 171th hospital is nocking on the door steps of our church.
    Brilliant View, God Bless

    ReplyDelete
  20. ግሩም ጽሁፍ ነው ለዛ ያለው አንድምታዊ ገለጻ ሳያስፈልገው አይቀርም::

    ReplyDelete
  21. በመጀመያ ይህ ጹሁፍህ እጅግ በጣም ከባድ እና ጠጣር ነው፡፡ በአንድ ወቅት ገናና የነበረውና በአሁኑ ሰዓት 171 የሆነው ሆስፒታል የኛዋ ሀገር ኢትዩጵያ ትሆናለች ብዬ አሰብኩኝ፣ ሆስፒታል ውስጥ የተከሰተው ነገር ሁሉ በሀገራችን ውስጥ በፖለቲካም ይሁን በቤተ ክርስቲያናችን ውስጥ ያለውን አስተዳደር የሚመለከት ይመስለኛል፡፡ ምናልባት አንተም በዚህ መንፈስ ከሆነ የጻፍከው ያለ ተስፋ መዝጋት አልነበረብህም ልክ ደርቶጋዳ እንደ ጻፈው ልጅ የብርሃን ጭላንጭል ብታሳየን መልካም ነበር፡፡

    በተጨማሪ ጹሁፉን ለሰዎች አሳይቼአቸው ነበር በጣም በሚገርም ሁኔታ 3ቱም ባላሰብኩት መንገድ ነው የተረጐሙት ምናልባት የእኔ ጭንቅላት እነርሱ በተረዱት መልኩ ያልተረዳው አንተ ካለህ መንፈሳው ሕይወት አንጻር ይመስለኛል፡፡ 3ቱም ሲተረጉሙልኝ ያሉኝ ምንድነው ኢትዩጵያ ውስጥ በፊት አንድ ብሔር ነበር ባለስልጣን የነበረው አሁን ግን ወደ ሌሎች እየሆነ ነው አሉኝ ኸረ ልጁ እንዲህ አይነት አስተሳሰብ አይኖረውም የቤተክርስቲያን ልጅ ነው ስላቸው እንዲህ ከሆነ በዶክተሮቹ የመሰለው ቤተክርስቲያንን ነው ምክንያቱም ጥንት ከቤተ መንግስት ጋር ሆና አገርን ስለምታስተዳድር ብለው ነው የፈቱልኝ እና 3ቱም በጥሩ መልኩ አይደለም የተረዱት ፈቃደኛ ከሆንክ ይሄ ጹሁፍን እጅግ በጣም ጠጠር ስለሚል ብታብራራልን መልካም ነው እላለሁ፡፡ እ/ር ይሰጥልን

    ማኪ
    አ.አ

    ReplyDelete
  22. እግዚአብሔር ይጠብቅህ እንዲህ አይነቱ አስተማሪ ጽሁፍ ይቀጥል።

    ReplyDelete
  23. I think this story reflect what happened in our country in Ethiopia. in most case in our country those who get a great responsiblity not be selected depend up on their quality rather on the decsion. D/n DAni pls say something how could solve this problem.

    ReplyDelete
  24. yesetyewan memot alememotuanim bedimts bilcha endayadergut. Alawaki sami....yilekelikal. the story is the true reflection of the reality in many palces....

    ReplyDelete
  25. dear d.daneal kebret @ firstGod bless you

    As i have read this message i just know this is not only talking about the Hospital it also talk different angels but my conclusion is gone to the religion called protestant cause it shows all every thing what they do with out any knowledge of the meaning of religion and also the gifted of God purposed who ever want take the holly spirit can take according them religion and they will gazer in the hall not in the church which our Jesus can be there so u can know what i mean and there are so many things............etc any way God bless you more and more i have lerned somany things from you brother

    d.solomon mulugeta

    Abudhabi

    U.A.E

    ReplyDelete
  26. ዳኒ ያነተን ሃሳብ አብዛኛው አልተረዳውም እኔ ግን የተረዳውህ ይመስለኛል ብዙዎቹ ስራዎች በሃገራችን አየተሰሩ ያሉት በዚህ መንፈስ ነው እናም በርታ
    ሊ.ስ አዩ

    ReplyDelete
  27. ዳኒ ጥሩ እይታና በማንኛውም አቅጣጫ ያሉትን ችግሮች የሚያሳይ የጽሁፍ መነጽር ነው፡፡
    መላኩ
    ከኒውዮርክ ኢንተርኔት ካፌ

    ReplyDelete
  28. It reflects current situation of our country Ethiopia.

    Egziabhir Ethiopian Yitadeg

    ReplyDelete
  29. በጣም የሚገርም ታሪክ ነው:: ትምህርትም አግኝችቸበታለሁ በጣም አመሰግናለሁ ዳኒ

    ReplyDelete
  30. thank you
    The fate of the Woman depends on what we contribute to remove the wrong approach on the case. Every one have its responsibility to save our country.
    Alex AA university

    ReplyDelete
  31. First of all thank you very much for your deep look as usual.this idea seen in every direction of current Ethiopian situation, politics religion.....everything.the 'sem' of your message also similar to our current planed health education. having potent medical doctor with 4 year education. i hope they will diagnose a disease by vote.
    anyway HISTORY WILL TELL US.

    ReplyDelete